{ முகநூல் கருத்துக்கள்}{ட்விட்டர் கருத்துக்கள்}

சென்னை, காஞ்சிபுரம் மற்றும் திருவள்ளுர் மாவட்டங்களிலிருந்து ஹஜ் பயணம் மேற்கொள்ள இருப்பவர்களுக்கான ஹஜ் வழிகாட்டு நிகழ்ச்சி வரும் செப்டம்பர் 28 மற்றும் 29 தேதிகளில் சென்னை சூளை டிமெல்லோஸ் சாலையில் உள்ள தமிழ்நாடு பைத்துல் ஹுஜ்ஜாஜ் (ஹஜ் ஹவுஸ்) வளாகத்தில் வைத்து நடைபெறுகிறது.

செப்டம்பர் 28 செவ்வாய் காலை 9:30 முதல் மதியம் 1:00 மணி வரை தமிழிலும், செப்டம்பர் 29 புதன் காலை 9:30 முதல் மதியம் 1:00 மணி வரை உருதுவிலும் இந்நிகழ்ச்சி நடைபெறும்.

அவ்விருதினங்களிலும் மதியம் 2:30 முதல் மாலை 5:30 வரை அதே இடத்தில் மூளைக்காய்ச்சலுக்கு (MENINGITIS) எதிரான தடுப்பு ஊசியும், போலியோ (POLIO) சொட்டு மருந்தும் போடப்படும்.

இந்நிகழ்ச்சிகளில் அரசாங்க ஹஜ் குழு (HAJ COMMITTEE) மற்றும் தனியார் ஹஜ் நிறுவனங்கள் மூலம் ஹஜ் பயணம் மேற்கொள்ளும் அனைவரும் கலந்து கொள்ளலாம்.

இந்நிகழ்ச்சிகளுக்கான ஏற்பாடுகளை தமிழ் நாடு ஹஜ் குழு (TAMIL NADU HAJ COMMITTEE) மற்றும் தமிழ் நாடு ஹஜ் சர்வீஸ் சொஸைட்டி (TAMIL NADU HAJ SERVICE SOCIETY) இணைந்து செய்கின்றன.