Kayal on the Web

செய்திகள்

செய்தி எண் (ID #) 5460

#KOTW5460

புதன், ஐனவரி 12, 2011

எஸ்.கே. அவர்களின் ஓய்வு, நம் நகருக்கு பெரும் சாய்வு...! ஜித்தா ஆயிஷா சித்தீக்கா மகளிர் இஸ்லாமிய கல்லூரி நலக்குழு ஆழ்ந்த இரங்கல்...!

செய்தி: ஒய்.எம்.சாலிஹ் (மக்கா)
இந்த பக்கம் 5280 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ஜித்தா - சஊதி அரபிய்யா, ஆயிஷா சித்தீக்கா மகளிர் இஸ்லாமிய கல்லூரி நலக்குழு வெளியிட்ட இரங்கல் அறிக்கை:-

சகோ. எஸ்.கே.எஸ். அவர்களின் மரண செய்தி அறிந்து பெரும் அதிர்ச்சியுற்றோம். இன்னாலில்லாஹி வஇன்னா இலைஹி ராஜிஊன். நம் சமூகத்தின் நடமாடும் பல்கலையாக திகழ்ந்த அவர் நிரந்தர ஓய்வுக்கு சென்றுவிட்டார். ஆம்...! அவரின் அந்த ஓய்வு நம் நகரின் எதிர்கால வடிவமைப்பு பணிக்கு ஒரு சாய்வு என்றே சொல்ல வேண்டும். அவரின் பல மொழித்திறனறிந்து வியந்தோம். அவர் பேசும் தூய தமிழ் நடைகண்டு நெகிழ்ந்தோம். அவரின் நுனி நாவில் தவழும் ஆங்கிலப் புலமைக்கண்டு மகிழ்ந்தோம். மாற்று மத அன்பர்களையும் அரவணைத்து நகரில் சமூக நல்லிணக்கத்தை விதைத்த நல்லவர். சிறாரோடு சிறாராக அமர்ந்து கறாராக கற்றுக்கொடுக்கும் கணியவர். அகராதிக்கே அகரம் சொல்லும் அற்புதமானவர்..... சென்று விட்டார் நம்மை பிரிந்து!

சுறுசுறுப்பாக சுற்றி வந்தவர். அல் ஜாமிஉல் அஸ்ஹர் இறைஇல்லப் பணிகளில் தன்னை இணைத்து இன்பமுற்றவர். அவரது தொலை நோக்கு சிந்தனையில் சிதறிய முத்தான இஸ்லாமிய சகோதரத்துவ இணையம் ஆரம்பித்து ஏகத்துவ ஒளி நகரில் பாய வழி வகுத்தவர். ஆயிஷா சித்தீக்கா மகளிர் இஸ்லாமிய கல்லூரி தோன்ற பெரும் பங்காற்றியவர். வேகமான விவேகமென்றால் என்ன? என்று அன்பர்களுக்கு பாடம் நடத்தியவர். தவறுகளை தாட்சன்யமின்றி தட்டிக்கேட்டவர். எளிமையை ஏற்றவர். பொறுமையில் தோய்ந்தவர். இன்முகத்தைக் கொண்டவர். SK மாமா என்று அழைக்கப்படும் அன்பாளர்..... சென்று விட்டார் நம்மை பிரிந்து!!

வல்லவன் அல்லாஹ் அவரது பிழைகளை பொறுத்து, அவரது அனைத்து நல்லமல்களையும் அங்கீகரித்து ஜன்னத்துல் பிர்தௌஸ் என்ற சுவனத்தை கொடுத்தருள்வானாக! அன்னாரது பிரிவால் வாடும் அவரது குடும்பத்தினருக்கும் உறவினர்களுக்கும் ஆழ்ந்த இரங்கலை தெரிவிப்பதோடு அல்லாஹ் அவர்களுக்கு பொறுமையை தந்தருளவும் பிரார்த்திக்கிறோம்!!!

இவ்வாறு அந்த அறிக்கையில் கூறப்பட்டுள்ளது.

தகவல்:
ஆயிஷா சித்தீக்கா மகளிர் இஸ்லாமிய கல்லூரி நலக்குழு,
ஜித்தா, மக்கா.

{TAGS} Ayesha Siddeeqa Girsl Islamic College - Welfare Committee - Jeddah

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. காயலின் பொக்கிஷம் மர்ஹூம் SK தோளவாப்பா:
posted by Salai Sheikh Saleem (Dubai) [13 January 2011]
IP: 86.*.*.*

United Arab Emirates | Comment Reference Number: 2237

எப்படி இந்தியா ஒரு G .D நாயுடுவை சரியான வழியில் உபயோகப்படுத்தாமல் இழந்து நின்றதோ அதேபோலே காயல் பதியும் ஒரு பெரிய கலைக்களஞ்சியத்தை இழந்து நிற்கிறது. இனிமேலாவது நமதூரில் திறமைக்கு மதிப்புகொடுத்து ஊர்நலனை மட்டுமே கருத்தில் கொண்டு பிரிவினை அகற்றி செயலாற்றுவோமானால் நம்மை மிஞ்ச இப்புவிதனில் எவரும் இலர்.

எல்லாம் வல்ல அல்லாஹ் மர்ஹூம் அவர்கள் பிழைகளை பொறுத்து, அவரது அனைத்து நல்லமல்களையும் அங்கீகரித்து ஜன்னத்துல் பிர்தௌஸ் என்ற சுவன பதியை கொடுத்தருள்வானாக! அன்னாரது பிரிவால் வாடும் அவரது குடும்பத்தினருக்கும் உறவினர்களுக்கும் ஆழ்ந்த இரங்கலை தெரிவிப்பதோடு அல்லாஹ் அவர்களுக்கு பொறுமையை தந்தருளவும் பிரார்த்திக்கிறேன். ஆமீன்