{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஹ்ழரத்துல் காதிரிய்யா சபையில், மஹான் முஹ்யித்தீன் அப்துல் காதிர் ஜீலானீ ரஹ்மத்துல்லாஹி அலைஹி அவர்களின் நினைவு நாள் கந்தூரி நிகழ்ச்சிகள் 07.03.2011 முதல் 20.03.2011 தேதி வரை நடைபெறுகிறது.

தினமும் அதிகாலை ஃபஜ்ர் தொழுகைக்குப் பின் கத்முல் குர்ஆன் ஓதி தமாம் செய்யப்படுகிறது. காலை 07.00 மணிக்கு முஹ்யித்தின் ஆண்டகை அவர்களின் புகழ்பாடும் மவ்லித் மஜ்லிஸ் நடைபெறுகிறது.

10.03.2011 முதல் 18.03.2011 வரை தினமும் இரவு 08.45 மணிக்கு சன்மார்க்க சொற்பொழிவு நடைபெறுகிறது.

19.03.2011 சனிக்கிழமையன்று மாலையில் கந்தூரி தின சிறப்பு நிகழ்ச்சிகள் நடைபெறுகின்றன. அன்று மாலை 04.30 மணிக்கு மவ்லித் மஜ்லிஸும், மஃரிப் தொழுகைக்குப் பின் திக்ர் மஜ்லிஸும், இரவு 08.30 மணி முதல் 09.30 மணி வரை துஆ பிரார்த்தனை மஜ்லிஸும் நடைபெறுகின்றன.

மறுநாள் 20.03.2011 ஞாயிற்றுக்கிழமையன்று காலை ஃபஜ்ர் தொழுகை முடிவுற்றதிலிருந்து 09.00 மணி வரை நேர்ச்சை வினியோகம் நடைபெறுகிறது.

அனைத்து நிகழ்ச்சிகளிலும் பொதுமக்கள் திரளாகக் கலந்து பயனடையுமாறு மஹ்ழரா முஹ்யித்தீன் ஆண்டகை கந்தூரி கமிட்டியினர் கேட்டுக் கொண்டுள்ளனர்.

தினமும் இரவு 08.45 மணிக்கு நடைபெறும் சன்மார்க்க சொற்பொழிவு நிகழ்ச்சி காயல்பட்டினம் உள்ளூர் தொலைக்காட்சி அலைவரிசையான முஹ்யித்தீன் டிவியில் நேரடி ஒளிபரப்பு செய்யப்பட்டு வருகிறது.