Kayal on the Web

செய்திகள்

செய்தி எண் (ID #) 7688

#KOTW7688

ஞாயிறு, டிசம்பர் 11, 2011

தமிழக அரசின் மகளிர் திறன் மேம்பாட்டுப் பயிற்சிக்காக 5 பெண்களுக்கு கல்வி உதவித்தொகை! நகர்மன்றத் தலைவர் வழங்கினார்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2958 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழக அரசின் பொன்விழா ஆண்டை முன்னிட்டு, நகர்ப்புற வேலைவாய்ப்புத் திட்டத்தின் கீழ், மகளிர் திறன் மேம்பாட்டுப் பயிற்சிக்காக ஆண்டுதோறும் கல்வி உதவித்தொகை அந்தந்த நகராட்சிக்கு தமிழக அரசால் வழங்கப்படும்.

வறுமைக்கோட்டிற்குக் கீழுள்ள - பன்னிரண்டாம் வகுப்பு படித்து முடித்த பெண்கள் இந்த உதவித்தொகையைக் கொண்டு தேவையான பயிற்சிகளைப் பெற்று, வேலைவாய்ப்புகளைப் பெற்றிடச் செய்வதே இத்திட்டத்தின் நோக்கம்.

இந்த உதவித்திட்டத்தின் கீழ், கடந்த 08.12.2011 அன்று, காயல்பட்டினம் நகராட்சிக்குட்பட்ட, வறுமைக் கோட்டிற்குக் கீழுள்ள 5 பெண்களுக்கு இலவச பயிற்சி பெறுவதற்கான சான்றிதழ்களை, காயல்பட்டினம் நகர்மன்றத் தலைவர் ஐ.ஆபிதா வழங்கினார்.

நகராட்சி சுகாதார ஆய்வாளர் பொன்வேல் ராஜன், நகர்மன்ற உறுப்பினர் பத்ருல் ஹக் ஆகியோர் உடனிருந்தனர்.

இச்சான்றிதழைப் பெற்றுள்ள அப்பெண்கள் அருகிலுள்ள தனியார் கணனி நிறுவனமொன்றில் இலவசமாக பயிற்சி பெற்று, அவர்கள் மூலமாகவே வேலைவாய்ப்பும் பெற்றிட இயலும். நடப்பாண்டில், இத்திட்டத்தின் கீழ் இன்னும் 5 பேருக்கான உதவித்தொகை ஒதுக்கீடு காயல்பட்டினம் நகராட்சியால் எதிர்பார்க்கப்படுவதாக தெரிவிக்கப்பட்டுள்ளது.

இத்தொகையைப் பெற்று பயிற்சி பெற விரும்புவோர் காயல்பட்டினம் நகராட்சிக்குட்பட்ட - வறுமைக்கோட்டிற்குக் கீழுள்ள - பன்னிரண்டாம் வகுப்பு படித்து முடித்த பெண்களாக இருத்தல் வேண்டும். 2003ஆம் ஆண்டில் எடுக்கப்பட்ட கணக்கெடுப்பு விபரப்படி அவர்கள் வறுமைக்கோட்டிற்குக் கீழுள்ளவர்கள் என கண்டறியப்படும் என நகராட்சி நிர்வாகம் தெரிவித்துள்ளது.

{TAGS} municipality thiran membaadu golden jubilee year tamilnadu step-up chairman abida abidha aabidha

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:தமிழக அரசின் மகளிர் திறன்...
posted by Master Computer Academy (Kayalpatnam) [11 December 2011]
IP: 117.*.*.*

India | Comment Reference Number: 14368

காயல்பட்டணத்தில் கடந்த 15 வருடங்களாக கம்ப்யூட்டர் பயிற்சியினை ‎வழங்கி வரும் எமது மாஸ்டர் கம்ப்யூட்டர் அகடமிக்கு, நகராட்சி நிர்வாகம் ‎வறுமை கோட்டிற்கு கீழுள்ளவர்களுக்கு பயிற்சியளிக்க வாய்ப்பு வழங்குமாறு ‎கேட்டுக் கொள்கிறோம்.‎

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:தமிழக அரசின் மகளிர் திறன்...
posted by PS ABDUL KADER (jeddah) [11 December 2011]
IP: 188.*.*.*

Saudi Arabia | Comment Reference Number: 14369

தமிழக அரசின் நகர்ப்புற வேலைவாய்ப்புத் திட்டத்தின் கீழ், மகளிர் திறன் மேம்பாட்டுப் பயிற்சிக்காண கல்வி உதவித்தொகை சான்றிதல் வழங்கிய நமது நகராட்சி தலைவியை பாராட்டி வாழ்த்துகிறேன்.

இந்த அரசு மகளீர் மீது அதிகம் கவனம் செலுத்தும். இந்த அரசு பெண்கள் சுயவேலைவாய்ப்புகள் செய்ய எத்தனையோ நிதி உதவி கொடுத்து வருகிறது.

நகர தலைவி அவர்களே, பஞ்சாயத்து நிதியில் இருந்து நகர மகளீர்க்கு கல்வி உதவிதொகை கொடுக்க முன்வர வேண்டுகிறேன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:தமிழக அரசின் மகளிர் திறன்...
posted by சட்னி .செய்யது மீரான் (ஜித்தா ) [11 December 2011]
IP: 188.*.*.*

Saudi Arabia | Comment Reference Number: 14378

அஸ்ஸலாமு அலைக்கும்....

இந்த திட்டம் பற்றிய செய்திகளை நம் மகளிர்களுக்கு தெரிய படுத்தி அவர்களில் உரியவர்களுக்கு உதவினால் நல்லது...

இந்த திட்டம் தமிழக அரசின் பொன்விழா ஆண்டுக்குரியது ஆயினும் சகோதரன்.குமார் பிடித்துள்ள பதாகையில் காயல் பட்டினம் என்று உள்ளது.சரியா நமதூரில் கடந்த 15 வருடங்களுக்கு மேலாக நல்ல முறையில் கம்ப்யூட்டர் பயிற்சியினை ‎வழங்கி வரும் மாஸ்டர் கம்ப்யூட்டர் அகடமிக்கு, நமது நகராட்சி நிர்வாகம் ‎வறுமை கோட்டிற்கு கீழுள்ளவர்களுக்கு பயிற்சியளிக்க வாய்ப்பு வழங்குவது சால சிறந்தது...

பிறந்த ஊரில் இருந்து நம் மக்களுக்கு கணினி பயிற்சியோடு அதன் விழிப்புணர்வும் உண்டாக்கி ,எல்லா வகையிலும் தியாகம் செய்து, நற்சேவை புரிந்து வரும் இந்த இளைஞர்களுக்கு இதன் மூலம் நல்லதோர் வாய்ப்பு அளிக்க அன்புடன் ‎கேட்டுக் கொள்கிறோம்.

அன்பின் இனியவன்
சட்னி .செய்யது மீரான்
ஜித்தா

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்