Kayal on the Web

செய்திகள்

செய்தி எண் (ID #) 8340

#KOTW8340

திங்கள், ஏப்ரல் 23, 2012

இந்த சம்பளத்துக்கு இதுவே அதிகம்! (?!)

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3358 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சிக்குட்பட்ட பகுதிகளில் தூய்மைப் பணியின்போது ஒன்று சேர்க்கப்படும் குப்பை கூளங்களை அந்தந்த இடத்திலேயே எரித்துவிட்டுச் செல்லும் பழக்கம் நகராட்சி துப்புரவுப் பணியாளர்களிடம் காலங்காலமாக இருந்து வருகிறது. இதுகுறித்து, காயல்பட்டணம்.காம் ஏற்கனவே செய்தி வெளியிட்டுள்ளது.

எனினும், இன்றளவும் இந்நிலை தொடரவே செய்கிறது. ஒருபுறம் ப்ளாஸ்டிக் பொருட்களுக்கெதிராக நகராட்சி சுகாதார ஆய்வாளர் தலைமையில் நடவடிக்கைகள் மேற்கொள்ளப்பட்டு வரும் நிலையில், மறுபுறம், ப்ளாஸ்டிக் பொருட்கள் உள்ளிட்ட கழிவுகளை நடுவீதியில் நகராட்சி ஊழியர்களே எரித்துச் செல்வது வேடிக்கையாக உள்ளது.

இன்று காலையில் காயல்பட்டினம் நகராட்சி அலுவலகத்தில், நகர்மன்றத் தலைவர் ஐ.ஆபிதா, இது தொடர்பான அலுவலர்களை அழைத்து கண்டித்ததாகவும், இனி இதுபோன்ற செயல்கள் நடைபெறக்கூடாது என்றும் அறிவுறுத்தியதாகத் தெரிகிறது.

தகவல் மற்றும் படங்கள்:
ஹிஜாஸ் மைந்தன்.

{TAGS} garbage burning garbage yerikkappadum kuppai municipality chairman abida abidha aabidha funny title

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. தீதும் நன்றும் பிறர் தர வாரா!
posted by M.N.L.முஹம்மது ரஃபீக். (காயல்பட்டணம்.) [23 April 2012]
IP: 117.*.*.*

India | Comment Reference Number: 18430

ஒரு பக்கம் டி.சி.டபுள்யூ ஆலையின் கழிவு மற்றும் வெளியேற்றும் புகையினால் ஏற்படும் விபரீதத்தால் கொடிய புற்று நோயின் கோரப்பிடியில் சிக்கித்தவித்து வரும் நம் நகர்.மறுபக்கம் நகராட்சி துப்புறவு பணியாளர்களின் அசிரத்தையால் இது போன்ற கொடிய விளைவுகள்!

குடியிருப்புப் பகுதி மற்றும் தெருவுக்குள் எரியூட்டப்பட்டு குப்பைகளால் பாதிக்கப்படுவது சின்னஞ்சிறு குழந்தைகளும், வயதான முடியோர்களும் ஆஸ்த்துமா, இருமல், இளப்பு என அவதிப்பட்டு வரும் நிலை.அதையும் தாண்டி எரியும் பிளாஸ்டிக் புகையினை சுவாசிப்பதால் நுரையீரல் பாதிக்கப்படும் அபாயகரமான விளைவுகள்.

இது போன்று பிளாஸ்டிக் உட்பட எல்லாக் கழிவுகளையும் நகராட்சி பணியாளர்கள் அந்தந்த தெருக்களிலேயே எரியூட்டி நடையைக் கட்டுவது ஏற்றுக்கொள்ள முடியாத ஒன்றே! ஊர் முழுக்க ஆங்காங்கே குப்பைகள் மண்டிக் கிடக்கின்றன.

தற்போது யானைக்கால் நோய், டெங்குக் காய்ச்சல் வேறு நடமாடி வருகின்றது. தீதும் நன்றும் பிறர் தர வாரா! என்பதைப் போல் நம்மவர் நமக்கே இழக்கும் கொடுமைகள் தம் இவை! தக்க நடவடிக்கை எடுக்காவிடின் நமதூரில் செயல் பட்டுவரும் கேன்சர் அவேர்னஸ் மற்றும் புற்று நோய் விழிப்புணவுக்கான அமைப்புகளின் சேவைகளுக்கு எவ்வித பலனுமில்லாமல் போய்விடக் கூடும். அல்லாஹ் பாதுகாப்பானாக!

ராபியாமணாளன். காயல்பட்டணம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:இந்த சம்பளத்துக்கு இதுவே ...
posted by Mohamed Salih (Kayalpatnam) [23 April 2012]
IP: 121.*.*.*

India | Comment Reference Number: 18435

நல்ல செய்தி .. ஆனால்

இன்று காலையில் காயல்பட்டினம் நகராட்சி அலுவலகத்தில், நகர்மன்றத் தலைவர் ஐ.ஆபிதா, இது தொடர்பான அலுவலர்களை அழைத்து கண்டித்ததாகவும், இனி இதுபோன்ற செயல்கள் நடைபெறக்கூடாது என்றும் அறிவுறுத்தியதாகத் தெரிகிறது.

என்று நியூஸ் போடா வேண்டாம் . சரியாக ஆதாரம் இருந்தால் மட்டும் போடவும் . நான் யாரையும் குறை கூற வில்லை இது உங்களுக்கும் , நம் நகர்மன்றத் தலைவர் ஐ.ஆபிதா, அவர்களுக்கும் கேட்ட பெயர் வர கூடாது என்பதற்காக ..

என்றும் ஊரு நலன் நாடும் ,
பெங்களூர் ரில் இருந்து ,
முஹம்மத் ஸாலிஹ் கே.கே.எஸ்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:இந்த சம்பளத்துக்கு இதுவே ...
posted by K.D.N.MOHAMED LEBBAI (AL-KHOBAR) [23 April 2012]
IP: 37.*.*.*

Saudi Arabia | Comment Reference Number: 18446

அஸ்ஸலாமு அலைக்கும்.

நமது ஊர். குப்பை கூளங்களை அந்தந்த இடத்திலேயே எரித்துவிட்டுச் செல்லும் பழக்கம் காலம் காலமாக ''''''''' தொண்டு '''''' தொட்டு வருகிற பழக்கம் தானே. இது என்ன நமக்கு ஒன்றும் புதியது அல்லவே. அதுவும் KAYAL TO திருச்சந்தூர் மெயின் ரோடிலா எரிப்பது ?

நம் ஊரை தூய்மையான நகரமாக மாற்று வார்கள் என்று பார்த்தால்?????? நகராட்சி துப்புரவுப் பணியாளர்களின் இந்த செயல் பாடு மோசமாக அல்லவா உள்ளது .

நமது நகர்மன்றத் தலைவர் மேடம் ஐ.ஆபிதா அவர்கள். இது தொடர்பான அலுவலர்களை அழைத்து கண்டித்ததாகவும், இனி இதுபோன்ற செயல்கள் நடைபெறக்கூடாது என்றும் அறிவுறுத்தியதாகத் தெரிகிறது. என்கிற வாசகத்தை படித்ததும் நம் மனதுக்கு திருப்தியானது.

ப்ளாஸ்டிக் பொருட்கள் & மற்ற கழிவுகளை நடுவீதியில் நகராட்சி ஊழியர்களே எரிப்பதால் அக்கம் / பக்கம் உள்ள வயதானவர்கள் + குழந்தை உண்டாகி உள்ள பெண்களுக்கும் / சிறு பிள்ளைகளுக்கும் தான் ரொம்ப பாதிப்பு .

நம் தலைவி அவர்கள் தலையிட்டு விட்டதால் இனிமேல் நாம் இது விசியத்தில் பயப்பட தேவை இல்லை. வஸ்ஸலாம்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்