{ முகநூல் கருத்துக்கள்}{ட்விட்டர் கருத்துக்கள்}

காயல்பட்டணம்.காம் காயல்பட்டினம் நகராட்சியின் 2000 - 2001 ஆம் நிதியாண்டு முதல் ஏப்ரல் 2009 - டிசம்பர் 2009 (கடைசியாக பரிசீலனை செய்யப்பட்டுள்ள காலகட்டம்) வரையிலான வரவு செலவு கணக்கு மற்றும் தணிக்கை அறிக்கையை - தகவல் பெறும் உரிமை சட்டத்தின் கீழ் - பெற்றுள்ளது.

மொத்தம் சுமார் 1600 பக்கங்கள் கொண்ட இவ்வறிக்கைகள் - பல அரிய தகவல்களை வழங்குகின்றன. எதிர் வரும் காலங்களில் - அவைகளில் உள்ள முக்கியமான தகவல்கள் செய்திகளாக இணையதளத்தில் வெளியிடப்படும் என்பதை தெரிவித்து கொள்கிறோம்.

தணிக்கை அறிக்கைகள் ஒரு நகராட்சியின் நிதி பராமரிப்பு (Financial Management) முறையினை படம் படித்து காண்பிக்கக்கூடியவை. அவற்றில் - ஒரு நகராட்சியில் நடக்கும் சிறு தவறுகள் முதல் பெரிய தவறுகள் வரை சுட்டிக்காட்டப்படுகின்றன. அந்த குறைகள் (முறைக்கேடு / இழப்பு / தவறுதலாக செலவு / வழிமுறைகள் பின்பற்றப்படவில்லை) - அதற்கு காரணமான/பொறுப்பு எடுக்கவேண்டிய அதிகாரிகளின் பெயரோடு பதிவுசெய்யப்படுகின்றன.

சுட்டிக்காட்டப்படும் ஒவ்வொரு தவறு மீதும் தணிக்கை தடை (Audit Objection) விதிக்கப்படுகிறது. தடைவிதிப்பது மூலம் - அந்த தொகைக்கான பதில் அளிப்பது, குறிப்பிடப்பட்டுள்ள அதிகாரிகளின் பொறுப்பாகிறது.

காயல்பட்டினம் நகராட்சியில் - 1972 - 73 முதல் டிசம்பர் 2009 வரை - சுமார் 8 கோடி ரூபாய் (டிசம்பர் 2009 நிலவரப்படி) அளவில் தணிக்கை தடை நிலுவையில் உள்ளது. இதில் பெரும்பாலானவை - கடந்த 15 ஆண்டுகளுக்குரியது.

1996 - 2001 = 43 லட்சம் ரூபாய்
2001 - 2006 = 3 கோடியே 12 லட்சம் ரூபாய்
2006 - 2009 (December) = 3 கோடியே 67 லட்சம் ரூபாய்