Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
2:07:52 AM
சனி | 16 நவம்பர் 2019 | துல்ஹஜ் 107, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:5512:0715:2918:0019:14
Sunrise/Sunset timing for Kayalpatnamஉதயம்06:10Moonrise/Moonset timing for Kayalpatnamஉதயம்21:18
மறைவு17:54மறைவு09:19
Morning Twilight
வானியல்கடல்சமூகம்
04:5705:2305:48
உச்சி
12:02
Evening Twilight
சமூகம்கடல்வானியல்
18:1618:4119:07
Go to Homepage
செய்திகள்
Previous News ItemNext News Item
செய்தி எண் (ID #) 8327
#KOTW8327
Increase Font Size Decrease Font Size
செவ்வாய், ஏப்ரல் 17, 2012
ஜித்தாவில் காயலர்கள் சங்கமம்! காயல் பெரியோர்களை சிறுவர்களாக மாற்றியது - காயல் நற்பணி மன்றத்தின் 27 வது பொதுக்குழு மற்றும் 10 ஆம் ஆண்டு துவக்கவிழா!!!
செய்திஒய்.எம்.சாலிஹ் (மக்கா)
இந்த பக்கம் 4804 முறை பார்க்கப்பட்டுள்ளது | வாசகர் கருத்துக்கள் காண (17) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

சவுதி அரேபியா ஜித்தா - காயல் நற்பணி மன்றத்தின் 27 வது பொதுக்குழு மற்றும் 10 ஆம் ஆண்டு துவக்கவிழா சவுதியில் வெளி அரங்கில் முதன்முறையாக ஜித்தாவிற்கு அருகாமையில் அமைந்துள்ள மிக பெரியதோர் ஒய்வு இல்லத்தில் கடந்த 06-04-2012 வெள்ளிக்கிழமை காலை 9:00 மணி முதல் இரவு 09:00 மணி வரை வெகு விமரிசையாக நடைபெற்ற இனிய இந்நிகழ்வு பற்றிய முழுமையான தகவலினை அம்மன்றத்தின் சார்பில் வெளியிடப்பட்டுள்ள அறிக்கை பின்வருமாறு.

வரவேற்பு:

முன்னதாக அறிவித்த படி காலை 7;30 மணியில் இருந்தே உறுப்பினர்கள் ஜித்தா, ஷரபியா,ஆர்யாஸ் உணவகம் முன் வருகை தர அங்கிருந்து ஏற்பாடு செய்யப்பட்டு இருந்த பேருந்தில் நிகழ்ச்சி நடக்கும் இடத்திற்கு அழைத்து வரப்பட்டனர், மன்ற நிர்வாகிகள்,உறுப்பினர்கள் தத்தமது வாகனங்களில் முற்கூட்டியே வந்து சேர்ந்தனர். மக்கா உறுப்பினர்களால் எற்பாடு செய்திருந்த பேருந்து மூலம் சகோ. பொறியாளர் ,செய்யது பஷீர் தலைமையில் முன்னேரே தாங்கள் குடும்பத்துடன் வந்து சேர்ந்தார்கள். யான்பு மற்றும் மதினாவில் இருந்தும் ஏராளமான உறுப்பினர்கள் தங்கள் குடும்பத்துடன் வருகை தந்தனர். வருகை தந்த அனைவர்களையும் நிகழ்ச்சி ஏற்பட்டுகுழுவினர்,சகோ.குளம். அஹ்மத் மொஹிதீன், சகோ. சட்னி. செய்யது மீரான், சகோ.பிரபு. நூர்தீன் நெய்னா,ஆகியோர் அனைவரையும் வரவேற்றனர்.













காலைஉணவு சிற்றுண்டி:

வருகை தந்த அனைவருக்கும் சுவைமிக்க காலைஉணவு பசியாற இட்லி, வடை சாம்பார் மற்றும் நம் தேசிய கொடியின் மூவர்ணத்திலும் சட்னிகள் பஃபே முறையில் பரிமாறப்பட்டு, தேயிலை மற்றும் காப்பியுடன் உபசரிக்கப்பட்டது. வந்திருந்த அனைவர்களும் தங்களுக்குள் உற்சாகமாக உரையாடி, நலம் விசாரித்துகொண்டிருந்தனர். மறுபுறம் அமைக்கபட்டிருந்த உறுப்பினர்கள் வருகை பதிவு மற்றும் சந்தா செலுத்தும் இடத்தில் பெயர் பதிவு செய்யப்பட்டது.

















விளையாட்டு போட்டிகள் :

முதலாவதாக வெளி விளையாட்டு விசாலமான மைதானத்தில் போட்டிகள் ஆரம்பமானதும் துள்ளிக்குதித்து வந்து சிறுவர்கள்,சிறுமியர்கள் மற்றும் உறுப்பினர்கள் கலந்துகொண்டனர். போட்டிக்கான ஏற்பாடுகளை அதற்காக நியமிக்கபட்ட குழுவினர் சகோ.அரபி,முஹம்மது ஸுஐப், சகோ.ஒய்.எம்.முஹம்மது சாலிஹ், சகோ.சீனா.எஸ்.ஹெச்.மொஹுதூம்முஹம்மது,சகோ.சொளுக்கு,செய்யது முஹம்மது சாஹிப், சகோ.எம்.என். முஹம்மது ஷமீம், சகோ.பொறியாளர்,ஜி.எம்.முஹம்மது சுலைமான் ஆகியோர் இம்மன்றத்தின் தலைவர் சகோ. குளம் எம்.எ.அஹ்மது முஹிய்யதீன் தலைமையில்சிறு சிறு குழுக்களாக போட்டியாளர்களை தேர்வு செய்து துவக்கி வைத்தார்.





ஓட்டபந்தையம்:

முதலாவதாக 100 மீட்டர் ஓட்டப்பந்தய போட்டி நடைபெற்றது. இப்போட்டியில் பெரியவர்கள் சிறுவர்களாக மாறி போட்டியில் பங்குகொண்டனர். இதன் சிறப்பம்சமாக சகோ.மருத்துவர்,முஹம்மது ஜியாத் தனது இருபுதல்வர்களுடன் சேர்ந்து ஓட்டபந்தயத்தில் கலந்து கொண்டு இரு மகன்களுக்கு இணையாக ஓடினார். இப்போட்டியில் சகோ. வி.எம்.டி.முஹம்மதுஅலி முதலாவதாகவும்,மாணவர் முப்லிஹ் ஜியாத் இரண்டாவதாகவும் வந்து பரிசை தட்டி சென்றனர்.







பெனால்டி கிக்:

அடுத்ததாக கால்பந்து பெனால்டி கிக் போட்டி 8 குழுக்களாக பிரிக்கப்பட்டு வழமையான உற்சாகத்துடன் நடைபெற்றது. யான்பு , மக்கா, மதினா, ETA ஜித்தா, GULF ஜித்தா, ஜித்தா BISON , ஜித்தா STRICKERS என்று குழுக்களாக பெயரிட்டு கலந்து கொண்டனர். கால்பந்து போட்டி நமதூரில் ஐக்கியவிளையாட்டு சங்கத்திற்கு உரித்தான பின்னணி இசையுடன் மைதானத்தில் நடைபெற்ற போது காயல் மண்ணில் இருந்தது போன்ற எண்ணம் மனதில் ஏற்பட மகிழ்ச்சியுடன் உணரமுடிந்தது.போட்டியில் கலந்து கொண்ட பெரியவர்கள் காயல் தெருவில் விளையாடும் சிறார்களாக மாறி கள்ள விளையாட்டு அதுதான் நசுவினி ஆட்டம் ஆடமுற்பட்டது, உண்மையான காயல் விளையாட்டை கண்முன் கொண்டுவந்தது. போட்டியில் பங்கு பெற்ற உறுப்பினர்கள் அனைவரும் உற்சாகமுடன் பள்ளிப்பருவத்திலே துள்ளி விளையாடியவர்களாக மாறினர். இறுதி போட்டியில் சகோதரர் மீரான் மூஸா சாஹிப் தலைமையிலான ஜித்தா- GULF அணி வெற்றி பெற்றது.













பெண்களுக்குகான போட்டி:

அதே வேளையில் மங்கையர்களுக்கு உள்ளரங்கில் இசை நாற்காலி மற்றும் சைகை மூலம் வார்த்தைகளை கண்டறியும் போட்டி மற்றும் பொழுதுபோக்கு நிகழ்ச்சிகள் நடைபெற்றது. போட்டியை உம்மு ஃபஹீம் மூஸா ஏற்பாடு செய்து நடத்தினார். இப்போட்டியில் ஜித்தா சகோதரி உம்மு முப்லிஹ் ஜியாத் மற்றும் மக்கா சகோதரிகள் உம்மு ஸாபிர் ஸாலிஹ் உம்மு நஹாப் சீனாஷ், ஆகியோர் வெற்றி பெற்று பரிசு பெற்றனர்.







மழலையர்களுக்கான போட்டி அனைத்தையும் சகோ.அரபிமுஹம்மது ஸுஐப், கே.எஸ்.முஹம்மது நூஹு ,ஆகியோர் முன்னின்று அழகுற நடத்தினர்.மங்கையர் மற்றும் மழலைகள் மகிழ்ச்சி பெருக்கால் திளைத்தனர். பின் மதியம் 12 மணிக்கு போட்டிகள் அனைத்தும் நிறுத்தப்பட்டு ஜும்மா தொழுகைக்காக இடைவேளை விடப்பட்டது.







காயல் களரி சாப்பாடு:

ஜும்மா தொழுகை முடிந்ததும், சுவைமிகுந்த காயல் மண்ணுக்கு சொந்தமான களரி சாப்பாடு பரிமாறப்பட்டு முதலில் பெண்கள்,மழலைகள் பந்தியும், பின்பு ஆண்கள் பந்தியுமாக நடைபெற்றது. காயல் களறி கறி, புளியாணம், கத்தரிக்கா, மணம் மீண்டும் காயல் மண்ணுக்கு அனைவரையும் இழுத்துவந்தது. சுவைமிக்க களரி சாப்பாடு . சகோ,கத்தீப் லெப்பைத்தம்பி தலைமையில் சிறப்புற தயார் செய்யப்பட்டது. உணவு ஏற்பாடு பரிமாறுதல் சகோ.சட்னி,செய்யது மீரான்,சகோ.வங்காளம் முஹம்மது அனுசுதீன்,சகோ.ஷாமீரான் சாஹிப், சகோ. சட்னி முஹம்மது உமர், சகோ.கத்தீப் உமர் அப்துல் காதர், ஆகியோர் கொண்ட குழுவினர் சிறப்பாக செய்தனர்.















ஏழு கல் போட்டி:

உண்டு மகிழ்ந்த உற்சாகத்துடன் 2:00 மணிக்கு மீண்டும் களைகட்டியது விளையாட்டு. காயல் தெருக்களின் பாரம்பரிய விளையாட்டான ஏழுக்கல் (நங்கூரி பந்து)விளையாட்டு போட்டி நடைபெற்றது. கல்லை அடுக்குவதும், பந்தால் அடிபடுவதுமாக முடிவில்லா இவ்விளையாட்டு சகோ.ஷாமீரான் சாஹிப், சகோ. எஸ்.எ.ஷேக் அப்துல்லாஹ் சாஹிப் ஆகியோரின் நகைச்சுவை கலந்த வர்ணனையுடன் மிக அழகாக நடந்தேறியது.





ஒவ்வொரு போட்டியின் ஓய்வின் போது ஆங்காங்கே கிரிக்கெட், கால்பந்து, பாட்மிட்டன் என வெளியரங்கிலும் கேரம் போர்டு உள்அரங்கிலும் தங்களுக்குள் குழு அமைத்து விளையாடியும், சிறுவர்கள் பெரியோர்கள் நீச்சல் குளங்களில் நீராடியும் மகிழ்ந்தனர்.

























கயிறு இழுக்கும் போட்டி:

ஜித்தா அணி மட்டும் மக்கா அணி காயலர்களுக்கிடையில் நடைபெற்ற கயிறு இழுக்கும் போட்டியில் இரு அணியினரும் தங்கள் பலம் முழுவதும் வெளிக்கொணர்ந்து இழுத்ததில் மக்கா அணி முதலில் வென்றாலும், நம் காயல் மரபு சொல்படி நசுவியதில் அங்கே குழந்தைதனம் தெரிய, இறுதியாக மனம் இறங்கிய நடுவர் மீண்டும் வாய்ப்பு கொடுத்து பெஸ்ட் ஆப் த்ரீ முறையில் ஆடியதில் இறுதியாக ஜித்தா அணி வெற்றி கிரிடத்தை பறித்துசென்றது.













உள்ளரங்க போட்டி:

அசர் தொழுகைக்குப்பின் தேனீர் சுவையுடன் உள்ளரங்க போட்டி ஆரம்பமானது. முதலாவதாக வினாடி வினா ஆறு குழுக்கள் தேர்வு செய்து,பொது அறிவு, மார்க்க கேள்வி பதில் என இரண்டு சுற்றாகவும், காயல் வரலாறு மற்றும் கலாச்சாரம் சார்ந்த கேள்வி பதில் இறுதி சுற்றாகவும்கொண்டு விறுவிறுப்பாக நடந்தேறியது. இதில் சகோ. பொறியாளர்,செய்யது பஷீர்சகோ.குளம். அஹ்மத் மொஹிதீன், சகோ.செய்யிது இப்ராகிம் மற்றும் சகோ. எம்.எம். மூசா சாஹிப் மற்றும் எம்.ஐ. அப்துல் பாஸித் ஆகியோரை கொண்ட அணி விறுவிறுப்பான இறுதி போட்டியில் வெற்றிபெற்றது.











காயல் மரபு சொல் விளையாட்டு:

அடுத்ததாக, காயல் பிரத்யோக மற்றும் மரபு சொல் விளையாட்டு தொடங்கியது. 5 பேர்கொண்ட 6 அணிகள் போட்டியிட்டது. போட்டி நடத்தியவர்கள் ஆங்கிலத்தில் வார்த்தைகளை தொடுக்க அதற்கான பிரத்தியோக காயல் சொல்லை பதிலாக அளிக்க வேண்டும் என்ற நிபந்தனையுடன்போட்டி ஆரம்பமானது. பொழுதுபோக்காகவும், கேளிக்கையாகவும் நடந்த இந்த போட்டியில் அவந்தரை, வீதல்,காக்காநாட்டி, லேஞ்சி, லாட்சி,சல்லமை, அரிகண்டம், குளிந்தஒறைக்குது, எகனை, தப்பிபோடு, போன்ற காயலுக்கே உரிய வார்த்தைகள் விளையாடின. மதிப்பெண்கள்அளிக்கப்பெற்று இறுதியாக மருத்துவர் எம்.எ.முஹம்மது ஜியாத், சகோ.வங்காளம் முஹம்மது அனுசுதீன்,சகோ.ஷாமீரான் சாஹிப், எம்.எம். செய்கு அப்துல் காதர் மற்றும் பி.ஏ.ஜே. சேக் அப்துல் காதர் அணி வெற்றி பெற்றது. இப்போட்டியினை அருமையாக தயாரித்து நடத்தியவர்கள் சகோ.சீனா-எஸ்.ஹெச்.மொகுதூம் முஹம்மது, சகோ.ஒய். எம் முஹம்மது ஸாலிஹ்.







குட்டீஸ் போட்டிகள்:

இதே வேளையில் சிறுவர் சிறுமியர்க்கான பாட்டலில் தண்ணீர் நிரப்புதல், பலூன் உடைத்தல், முறுக்கு கடித்தல் போன்ற போட்டிகள்வெளியரங்கில் தாய்மார்கள் முன்னிலையில் நடந்தது.

பாட்டிலில் தண்ணீர் நிரப்பும் போட்டி முதலாவதாக வந்தது. ஒரு பக்கத்தில் வாளிகளில் தண்ணீர் இருக்கும், அதற்கு எதிர்பக்கம் சற்று தூரத்தில் பாட்டில் வைக்கப்பட்டிருக்கும். கைக்குவியலாக வாளியிலிருந்து தண்ணீர் எடுத்து எதிரே இருக்கும் பாட்டிலில் குறிப்பிட்ட நேரத்திற்குள் நிரப்பவேண்டும். முதலில் நிரப்பியவர் வெற்றி பெற்றவராவார். பெப்சி பாட்டிலில் தண்ணீர் நிரப்ப மழலைகள் மிகவும் சிரமப்பட்டதால் அவர்களுக்கு மட்டும் கிளாஸ் / டம்ளர் வைக்கப்பட்டு போட்டி நடத்தப்பட்டது இது முதல்அணி. அடுத்த இரண்டு அணிகளும் பாட்டிலில் முறையே சுறுசுறுப்பாக தண்ணீர் நிரப்பி சாதித்தார்கள். இதில் ஒரு குழந்தை பாட்டிலில் தண்ணீர் நிறைய தாமதமாகிறது என்று பாட்டிலை கைய்யிலெடுத்துவந்து வாளியில்முக்கி தண்ணீர் நிரப்பி சென்றதே பார்க்காலாம். விடுவாரா நடுவர், பிடித்தே விட்டார் ஒரே அமுக்கு. எழுந்தது சிரிப்பொலி தாய்மார்கள் மத்தியில்.







அடுத்து, மியூசிகல்சேர் என்றழைக்கப்படும் இசைநாற்காலி போட்டி. இதுவும் மூன்று அணிகளாக பிரித்து போட்டி நடத்தப்பட்டது. இதில் ஒரு குழந்தை இறுதிவரை கண்ணை சிமிட்டாமல் சேரை பார்த்தவாறே ஓடியது அனைவருக்கும் சிரிப்பை வரவழைத்தது. முதல் சுற்றில் வெளியேறிய மற்றொரு குழந்தை எப்படியும் சேரில் உட்கார்ந்தே தீர வேண்டும் என்ற முடிவோடு இரண்டாம் சுற்றுக்கும் விளையாட வந்து ஓடியது. அதை கவனித்த நடுவர் அக்குழந்தையை அப்படியே அலக்காக தூக்கிவிட்டார். ஐக்கிய விளையாட்டுச்ச்சங்கத்தில் அகில இந்திய கால்பந்து போட்டி நடக்கும் சமயம் உதைபந்து வீரர்கள் மைதானத்திற்குள் இறங்கும் போது USCக்கே உரித்தான பிரத்தியேக இசை ஒன்று ஒலிபரப்புவார்கள், அவ்விசை போடப்பட்டு இவ்விளையாட்டு நடத்தப்பட்டதால் அந்த இளமை காயல் USC ஞாபகம் நமது மனதில் நிழலாடியது.



முறுக்கு கடிக்கும் போட்டி. இதுவும் மூன்று அணிகளாக பிரித்து போட்டி நடத்தப்பட்டது. இது நீளமான கயிற்றில் முறுக்குகள் கட்டப்பட்டு குழந்தைகள் துள்ளி முறுக்கை கவ்வி கடிக்கும் உயரத்தில் தொங்கவிடப்பட்டிருக்கும். போட்டியாளர்கள் இரண்டு கைகளையும் பின்புறமாக கட்டிக்கொண்டு துள்ளி துள்ளி முறுக்கை கடிக்கவேண்டும். முதலில் கடிப்பவர் வெற்றி பெற்றவராவார். இதில் ஒரு குழந்தை துள்ளோ துள்ளென்று துள்ளி தொங்கும் முறுக்கை கடிக்க கடும் முயற்சி எடுத்து முறுக்கும் வாயினுள் பல முறை சென்று வந்துவிட்டது ஆனால் அக்குழந்தை இறுதிவரை முறுக்கை கடித்த பாடில்லை. காரணம் என்ன தெரியுமா? அக்குழந்தையின் முன் மேற்பற்கள் உடைந்து ஓட்டப்பல்லழகியாக இருந்தாதால்.





அடுத்து, பலூன் உடைக்கும் போட்டி. இப்போட்டி மிகுந்த கரகோசத்தோடும் சப்தத்தோடும் நடைபெற்றது. காரணம், போரில் எதிரியை அடித்து வீழ்த்துவது போன்று பலூனை அடித்து உடைக்க நம் குழந்தைகள் பட்டபாடில் எடுத்துக்கொண்ட கடும் முயற்சியில் அவர்களுக்கு இளைத்தேவிட்டது. குட்டி ஓய்வு கொடுத்து மீண்டும் விறுவிருப்பான பலூன் உடைக்கும் போர் நடைபெற்றது. பலூன் உடைபட மறுக்குது என்று ஒரு குழந்தை அந்த பலூனை படுத்திய பாடு கொஞ்சநஞ்சமல்ல. நகத்தால் கிழிக்குது, கையை மடக்கிக்கொண்டு BOXING குத்துது போதாக்குறைக்கு பல்லைக்கொண்டு பலூனை கடித்தே விட்டது போங்க. ம்ஹும். 'நான் உடைவனா' என்று அடம் பிடித்தது அந்த பலூன். 'சைனாக்காரன் இந்த பலூனை மட்டுந்தாம்பா உருப்படியா ஸ்ட்ராங்கா போட்டிருக்கான்...!' என்று யாரோ அன்று சொன்னது நம் காதில் விழுந்தது. அதாவது சைனாக்காரன் போட்ட பொருட்களிலேயே சீக்கிரம் உடையாமல் நீண்...........ட நேரம் இருக்கும் பொருள் பலூன்தானாம்.



மக்ரிப் தொழுகைக்காக இடைவேளை விட்டு மீண்டும் தொடர்ந்தது. சகோ. எம்.எம். மூசா சாஹிப், தம்புலா என்ற போட்டியினை தயாரித்து சிறப்புடன் நடத்த இதற்கான பரிசுகளை சகோ. கத்தீப் லெப்பை தம்பி, சகோ. ஷாஜஹான் மற்றும் சாபிர் சாலிஹ் ஆகியோர் பெற்று கொண்டனர். ,தொடர்ந்து சகோ.ஒய்.எம்.முஹம்மது ஸாலிஹ் தயாரித்த பிரிந்து கிடக்கும் குடும்ப உறுப்பினர் பட நகல் சேர்க்கை என்ற ஒரு வித்தியாசமான போட்டியும் நடத்தினர்.இதில் சகோ. முஹம்மது அஷ்மாவில், கத்தீப் உமர் அப்துல் காதர், பொறியாளர் ஹாபிள். செய்கு ஆலம் மற்றும் கத்தீப் அப்துல் ரவூஃப் ஆகியோர் பரிசினை வென்றனர். இந்த இரு போட்டியிலும் ஆண்பெண், சிறார்கள் மூவரும் கலந்துகொண்டனர்.



காயல் சங்கமத்தின் இடைவிடாத உற்சாக விளையாட்டினால் நேரமின்மையை கருத்தில் கொண்டு சில அறிவிக்கபட்ட போட்டிகள் நடத்தமுடியவில்லை மேலும் பொதுக்குழு மிக சுருக்கமாக நடைபெற்றது.நிதிநிலை அறிக்கையை சகோ. எம்.எம்.எஸ்.ஷேக் அப்துல்காதர் அன்றையதினம் வசூலான அதிகமான சந்தா தொகைதனை எடுத்துரைத்தார். சகோ.சட்னி.எஸ்.எ.செய்யது மீரான் இதுவரை நாம் வழங்கிய மொத்த தொகையின் நிதி நிலை அறிக்கை பட்டியலின் நகலை கூட்டத்தில் கலந்து கொண்டவர்களுக்கு வழங்கினார்.

பரிசளிப்பு விழா:

தொடர்ந்து போட்டியில் வெற்றி பெற்ற சிறார்களுக்கும் ஆண்களுக்கும், பரிசுகள் வழங்கப்பட்டது. மங்கையரின் சார்பாக அவர்களின்குழந்தைகள் வந்து பரிசுகளை மிக குதூகலத்துடன் வாங்கி சென்றனர்.





இறுதியாக குலுக்கல் முறையில் பம்பர் பரிசு தேர்ந்தெடுக்கப்பட்டது. மெகா குலுக்கலில் அதிர்ஷ்டசாலியாக மக்கா CLOCK டவரில் உள்ள மூவன் பிக் என்ற ஐந்து நட்சத்திர ஹோட்டலில் ஒரு நாள் இரவு தங்கி உம்ரா கடமைதனை நிறைவேற்றும் அரியதோர் வாய்ப்பை சகோ.சக்கரபுள்ளை,எஸ்.எம்.முஹம்மதுபுகாரி(எட்டுக்கடைவீடு) பெற்றுக்கொண்டார். நம் அன்பு அழைப்பினை ஏற்று குடும்பத்துடன் வருகை தந்த சிறப்பு விருந்தினர் கீழக்கரை சகோ. முஹிய்யதீன் சீனி அலி அவர்களுடன் பொறியாளர் எஸ்.செய்யது பஷீர், மருத்துவர் எம்.எ.முஹம்மது ஜியாத், சகோ. எஸ்.எஸ். ஜாபர் சாதிக்,சகோ. எஸ்.எச்.ஹுமாயூன் கபீர்,சகோ. எ.எம்.அப்துன் நசீர் , யான்பு ,எம்.எ.முஹம்மது இபுராஹீம் மற்றும் மதீனா,எம். கே. முஹம்மது புகாரி ஆகியோர் பரிசுகளை வழங்கினர்.







































காயலர் சங்கமத்தின் இறுதியில் சகோ குளம் அஹமத் முஹியதீன் அழைப்பினை ஏற்று வந்திருந்த சிறப்பு விருந்தினர்கள் ஜித்தா,மக்கா,மதீனா மற்றும் யான்பு சகோதரர்கள் நண்பர்கள் அனைவருக்கும் மனமார்ந்த நன்றி தெரிவித்து மற்றும் இந்நிகழ்ச்சிக்கு நன்கொடை தந்தும்,அனுசரணை அளித்தும்,எல்லா வகைளும் உதவி செய்து ஒத்துழைத்து பாடுபட்ட நல்ல உள்ளங்களை பாராட்டி நன்றி தெரிவித்தார். காயலர்கள் அனைவரும் கவலைகள் மறந்து "ஓடி விளையாடு பாப்பாவாக" மாறிய இந்நாளை மறக்க முடியுமா? என்ற வினாவுடன் விசா, விமான டிக்கெட் இன்றி ஒரே நாளில் ஊர் சென்று திரும்பிய மன திருப்தியுடன் சந்தோசத்தை நெஞ்சில் சுமந்து கொண்டு,இன்ஷா அல்லாஹ் மீண்டும் இது போன்ற இனியதோர் நாள் வர வேண்டும் என்ற பிரார்த்தனையுடன் கலைந்து சென்றனர்.

















இந்நிகழ்ச்சிக்கு புனித உம்ரா கடமைதனை நிறைவேற்ற வந்திருந்த ஹாஜி.கத்திப் அப்துல் ரவூப், ஹாஜி பி.எம்.எ.சி.ஷேக் நூர்தீன் மற்றும் கீழக்கரை சகோ.பொறியாளர், தாஹிர் ஹுசைன், சகோ.முஹம்மது அஸ்மாவில் சிறப்பு விருந்தினர்களாக கலந்து கொண்டனர்.

அடுத்த செயற்குழு:

64 வது செயற்குழுக் கூட்டம், இன்ஷா அல்லாஹ் 11 -05 -2012 வெள்ளிக்கிழமை மாலை 06.0௦ மணியளவில் சகோ.எம்.என்.முஹம்மது ஷமீம் பாட்சி இல்லத்தில் வைத்து நடைபெறும்.

காயலர்கள் சங்கமம் ஒருங்கிணைப்பை சகோ. குளம் எம்.எ.அஹ்மது முஹிய்யதீன், சகோ.சட்னி,செய்யது மீரான், சகோ. எம்.எம்.மூசாசாஹிப், சகோ.பிரபு எஸ்.ஜே.நூர்தீன்நெய்னா, சகோ.சொளுக்கு, செய்யது முஹம்மத் சாஹிப், சகோ.அரபி முஹம்மது ஸுஐப், சகோ.எம்.எஸ்.எல்.முஹம்மதுஆதம், சகோ.ஷாமீரான்சாஹிப், சகோ.சட்னி.எஸ்.எ.முஹம்மதுஉமர்ஒலி, சகோ,முஹம்மதுஅபூபக்கர் சித்தீக், சகோ பொறியாளர் முஹம்மது சுலைமான் இவர்கள் சிறப்புடன் செய்திருந்தனர். (அல்ஹம்துலில்லாஹ்!!!)

மேலதிக புகைப்படங்களைக் காண இங்கே அழுத்தவும்!

தகவல்:
சட்னி,செய்யது மீரான்,
எஸ்.ஹெச்.அப்துல் காதர்,
சீனா-எஸ்.ஹெச்.மொகுதூம் முஹம்மது,
மற்றும் அரபி ஷுஅய்ப்


புகைப்பட உதவி:
சொளுக்கு எஸ்.எம்.ஐ. செய்யது முஹம்மது சாஹிப்,
எஸ்.எம். முஹம்மது உமர்,
என்.எஸ். ஹுசைன் ஹல்லாஜ்.



Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:ஜித்தாவில் காயலர்கள் சங்க...
posted by s.i.ahamed (colombo) [18 April 2012]
IP: 117.*.*.* India | Comment Reference Number: 18342

தம்பி ஹுமாயுன் கொஞ்சமா சாபுடுவதை பாத்து கவலை அடைந்தேன்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. ஏழு கல் விளையாடப் போறோம்...
posted by S.K.Salih (Kayalpatnam) [18 April 2012]
IP: 117.*.*.* India | Comment Reference Number: 18343

மறந்து மக்கிப்போன நினைவுகளை மீண்டும் தோண்டியெடுத்து புலனாய்வு செய்ய வைத்துவிட்டது இச்செய்தி. அழகான விளையாட்டுப் போட்டிகள்... அதில் அறைக்கிழடுகளின் நசுவல்கள் என இன்பமாய்க் கழிந்துள்ளதைப் பார்க்கையில், (ஊர் விளையாட்டான இவற்றை ஊரில் கூட விளையாட வாய்ப்பில்லாத இக்காலகட்டத்தில்) நாமும் அங்கு இருந்திருக்கலாமோ என்று ஏக்கம் கொள்ளச் செய்கிறது.

தொடரட்டும் உங்கள் ஒற்றுமை! சிறக்கட்டும் உங்கள் நகர்நலச் செவை!! பொழியட்டும் இறையருள்!!!

இத்தனை படங்களைக் காட்டி மகிழ்வித்த அன்பர்கள் குழுப்படம் (க்ரூப் ஃபோட்டோ) எடுக்காமல் விட்டது எனக்கு மிகுந்த ஏமாற்றத்தையே தந்துள்ளது.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:ஜித்தாவில் காயலர்கள் சங்க...
posted by Mohamed Salih (Kayalpatnam) [18 April 2012]
IP: 121.*.*.* India | Comment Reference Number: 18345

மாஷா அல்லாஹ்.

மிக அருமயான ஒன்று கூடல் ..

எனது நண்பர்கள் அனைவரையும் ஓர நேரத்தில் பார்பதக்கு ஏற்பாடு செய்த அனைவருக்கும் என் மனமார்ந்த நன்றிகள் ..

பெங்களூர் ரில் இருந்து ,
முஹம்மத் ஸாலிஹ் கே.கே.எஸ்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. Re:ஜித்தாவில் காயலர்கள் சங்க...
posted by Siddiq (chennai) [18 April 2012]
IP: 122.*.*.* India | Comment Reference Number: 18346

kayalpatnam.com இல் அதிக புகைப்படம் வந்த செய்தி இதுவாகத்தான் இருக்கும்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. தமிழனின் வீர விளையாட்டுகளில் ஒன்றான கபடி விளையாட்டும் விளையாடி இருக்கலாம்..
posted by நட்புடன் - தமிழன் முத்து இஸ்மாயில். ( காயல்) [18 April 2012]
IP: 117.*.*.* India | Comment Reference Number: 18348

கால்பந்து முதல் மட்டை பந்து வரை விளையாடி உள்ளீர்கள் கூடவே நமது தமிழனின் வீர விளையாட்டுகளில் ஒன்றான கபடி விளையாட்டும் விளையாடி இருக்கலாம்... புகைப்படம் அனைத்தையும் காணும் போது ஊரில் இருக்கும் நமக்கு மகிழ்ச்சி பெறுகிறது...

இந்த புகைப்படம் மூலம் துபையில் நான் இருக்கும் போது துபையில் கண்ட நண்பர்கள் இன்று சவுதியில் இருப்பது அறிய முடிகிறது.. எங்கு இருந்தாலும் சகோதர மனப்பான்மையுடன் ஒற்றுமையாக இருப்பது மகிழ்ச்சி அளிக்கிறது... தொடரட்டும் நமது ஒற்றுமை மற்றும் ஊரின் சேவைகள்...


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. Re:ஜித்தாவில் காயலர்கள் சங்க...
posted by A.S.L.SULAIMAN LEBBAI (RIYADH - S.ARABIA) [18 April 2012]
IP: 94.*.*.* Saudi Arabia | Comment Reference Number: 18349

ஜித்தாவில் காயலர்கள் சங்கமம். மிகவும் அருமை.

நாம் தினமும் வேலை ,வேலை & டென்சன் ஆக உள்ள கால சூழ்நிலைகளில் இருந்து கொஞ்சம் நம்மை மாற்றி கொள்ள இந்த மாதிரியான சங்கமம் நிச்சயம் நமக்கு தேவை.

எல்லா நிகழ்வுகளும் மிக அருமை . இதை ஏற்பாடு செய்த ஜித்தா காயல் நற்பணி மன்றத்தின் விழா குழுவினருக்கு எனது பாராட்டுக்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7. பாராட்டுக்கள்
posted by Salai Sheikh Saleem (Dubai) [18 April 2012]
IP: 217.*.*.* United Arab Emirates | Comment Reference Number: 18351

பொது நிகழ்வுகளுக்கு பெரிய அளவில் கட்டுப்பாடுகள் உள்ள ஒரு நாட்டில் இத்தனை பேர்களை ஓன்று திரட்டி இப்படி ஒரு மனோரஞ்சிதமான நிகழ்ச்சியை நடத்திக்காட்டியது ஒரு பெரிய சாதனைதான். ஜித்தாஹ் காயல் நல மன்றத்தினருக்கும் உறுப்பினர்களுக்கும் பாராட்டுக்கள்.

இந்த நிகழ்வின் வெற்றி உங்களின் ஒற்றுமையின் வெளிப்பாடுதான்.

இப்படிப்பட்ட கேலி விளையாட்டுக்கள் மூலம் (அது கேலியாகத் தோன்றினாலும்) நமது இளைய தளபதிகளுக்கு அவர்கள் ஊரில் தவறவிட்ட நாட்களை மீட்டு கொண்டுவந்த திருப்தி உங்களின் முகங்களில்.

உங்களின் ஒற்றுமைக்கு பாரட்டுக்கள் !!!!
உங்களின் எல்லா முயற்சிகளும் வெற்றி பெற வாழ்த்துக்கள் !!!!

வஸ்ஸலாம்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
8. Re:ஜித்தாவில் காயலர்கள் சங்க...
posted by NUSKI MOHAMED EISA LEBBAI (Riyadh -KSA) [18 April 2012]
IP: 94.*.*.* Saudi Arabia | Comment Reference Number: 18352

காயல் மாநகரிலே இருக்கும் ஒரு சிறப்பான நிலையை உருவாக்கி தத்தம் கவலைகளை மறந்து உடலும் உள்ளமும் குதூகலிக்க உற்சாகமாக கலந்து கொண்ட என் அன்பு நண்பர்கள் மற்றும் குழந்தைகளை காணும் போது மட்டில்லா மகிழ்சி அடைந்தோம். யன்பு,மதீனா, மக்கா,ஜெத்தா அன்பு காயல் சொந்தங்களை ஒரு சேர கண்டதில் மகிழ்ச்சி.

யா அல்லாஹ் இது போன்று ஒவ்வரு நாட்டிலும் நமது மக்கள் ஒற்றுமையாக ஏன் நமது இந்தியாவில் மும்பை,கல்கத்தா உள்ளிட்ட நகரங்களிலும் அமைப்பு உருவாகி காயல் நகருக்கு தம்மால் இயன்ற உதவி ஒத்தாசை வழங்க அருள் புரிவானாக.ஆமீன்

என்றும் அன்புடன்
M .E .L .நுஸ்கி
மற்றும் ரியாத் வாழ் காயல் சகோதர்கள்
ரியாத்
சவுதி அரேபியா


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
9. அடடே சொல்லி வந்தும் சோத்துக்குப் போக முடியல்லியே...?
posted by M.N.L.முஹம்மது ரஃபீக். (காயல்பட்டணம்.) [18 April 2012]
IP: 117.*.*.* India | Comment Reference Number: 18353

மன்றத்தின் பொதுக் குழு என்றாலே அறிக்கைகளும், உரைகளும், சிறப்பு விருந்தினர் வருகைகளும் என்றிருந்த காலம் போய், இன்று ஒன்று கூடி மகிழ்ந்து உற்சாக வெள்ளத்தில் முங்கிக் குளித்து புத்துணர்வைத் தரும் இது போன்ற நிகழ்வுகளைப் பாராட்டியே ஆக வேண்டும்.

என்ன? பிற நாடுகளைப்போல் திறந்த வெளிகளில் இக் கூடலை நடத்த இயலாது காரணம் சவுதி அரசாங்கம் அனுமதியளிக்காது. உள்ளரங்கத்திலேயே சும்மா கலக்கிட்டீங்க போங்க...!!!

முன்பெல்லாம் இது போன்ற நிகழ்ச்சிகளை பிற ஊர்களில் இருப்பவர்கள் வீடியோக் காஸட், வீடியோ சீடிகள் மூலம் தான் பார்க்க முடிந்தது. இன்று இணைய தளங்களின் உதவியால் அனைத்து நிகழ்வுகளையும் நேரில் பார்ப்பது போல் உடனுக்குடன் காண முடிகின்றது. அல்ஹம்ந்து லில்லாஹ்.

சொல்லி வந்தும் சோத்துக்குப் போக முடியாத கதை தான் என் கதையும். லீவில் ஊர் வந்து இருப்பதால் இதில் பங்கு கொள்ள இயலவில்லை! வருத்தம் தான்! ஹில்டன் ஹீரோக்கள், ஷரட்டன் தாதாக்கள், கோடை இடி முழக்கம் ஹுமாயூன் கபீர் காக்கா, தலைவர் - அஹமது முஹையித்தீன் காக்கா இன்னும் பல நண்பர்களைக் கான நேர்ந்ததில் மட்டற்ற மகிழ்ச்சி! வாழ்த்துக்கள்.

குசும்பு: அது என்ன? உலகலாவியா எல்லா நல மன்றத்திலும் சாப்பாடுதான் சக்கை போடு போடுது. காயல் களறிக்கறி இல்லாமல் ஒரு தீருமானமும் நிறைவேறாது போல! ஷமீம் மச்சான் உனக்கு சாப்பிட தூக்குப்போனி மூடிதான் கிடச்சுதா? மாப்பிள்ளெ! சிராஜ் (உம்முல் குரா) உன் முன்னால் இருக்கும் பருப்பு சட்டியில் குப்புற விழுந்து விடாதே! களப்பணியாற்றி களைத்து விட்ட சிங்கம் சட்னி மீரான் காக்கா வெறும் டீ மட்டுமே குடிப்பது மனசுக்கு கஷ்ட்டமா இருக்கு!

-ஹிஜாஸ் மைந்தன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
10. Re:ஜித்தாவில் காயலர்கள் சங்க...
posted by yahya mohiadeen (dubai) [18 April 2012]
IP: 92.*.*.* United Arab Emirates | Comment Reference Number: 18355

அளவுக்கதிகமான கலோரிகள் (Calorie) நிரம்பியிருப்பதானால் தானோ களரி சாப்பாடு என்று மருவியதோ? தெரிந்தவர்கள் சொல்லுங்களேன் ப்ளீஸ்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
11. குதுகூலத்துடன் களறியும் சேர்த்து கலகலப்பாக கலக்கிடிங்கே!
posted by MOHIDEEN ABDUL KADER (ABUDHABI) [18 April 2012]
IP: 195.*.*.* United Arab Emirates | Comment Reference Number: 18358

அஸ்ஸலாமு அழைக்கும்.

நான் சவுதியில் இருந்த சமயத்தில் எனக்கு எட்டாத இந்த அருமையான நிகழ்சிகள் எனது நண்பர்களுக்கு கிடைக்கப்பெற்றது மனமகிழ்ச்சி. நமது காயலின் பாரம்பரிய கலாச்சாரம், பேச்சு, விளையாட்டு, உணவு என்று அனைத்துமே மிக அருமையிலும் அதிசியமான அசத்தல்.அதிலும் சவுதியில்.

தொடரட்டும் உங்கள் மக்கள்பணி!
மலரட்டும் மாநகர காயல்!

எனது பள்ளி நண்பர் யான்பு ஜனாப் ஹல்லாஜ் அவர்களை இந்த நிகழ்வில் கண்டது எங்கள் பள்ளிப்பருவ நினைவுகள் அனைத்தும் கண்முன் வந்து சென்றது மற்றொரு சிறப்பு.

சகோதரர் ENGR.கத்தீபு, நூருதீன் நைனா, அனசுதீன், V.P, சமீம்,சட்னி செய்யது மீரான்,MEGA ரிபாய் அனைவர்களையும் கண்டது மட்டற்ற மகிழ்ச்சி!

வஸ்ஸலாம்.
இவன்,
M.E.முகியதீன் அப்துல் காதர்.
அபுதாபி.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
12. Re:ஜித்தாவில் காயலர்கள் சங்க...
posted by சாளை S.I.ஜியாவுத்தீன் (அல்கோபார்) [18 April 2012]
IP: 94.*.*.* Saudi Arabia | Comment Reference Number: 18361

இந்த மாதிரி ஒரு பிரமாண்டமான , நீண்ட நிகழ்வை நடத்துவது சிரமம். அதுவும் சௌதி அரேபியாவில் நடத்துவது மிக மிக சிரமம். ஒரு 10 நபர்களுடன் ரூமில் ஒன்று சேர்ந்து ஒரு கூட்டம் போட்டு, முடிப்பதற்குள் உண்மையில் வயிற்றில் நெருப்பை கட்டிக்கொள்ளுவது என்றால் என்ன என்பதை உணர முடியும்.

சபாஸ், நன்றாக நடத்தி முடித்து உள்ளீர்கள். இந்த நிகழ்வில் பல கதாநாயர்கள் உள்ளீர்கள்.. குளம் அஹ்மத் முஹைதீன் காக்காவில் ஆரம்பித்து, சட்னி மீரான் காக்கா, சகோ. ஒய்.எம்.முஹம்மது ஸாலிஹ், சகோ.சீனா ஆகியோரை தொடர்ந்து பலரும் உள்ளார்கள். இவர்களுக்கும், பரிசுகள் பெற்ற/வழங்கிய அனைவர்களுக்கும் பாராட்டுக்கள்.

ஒரு குதூகலமாக கொண்டாடி முடித்துவிட்டீர்கள். இதே குதூகலம் வாழ்நாள் முழுவதும் தொடரட்டும். இன்ஷா அல்லாஹ்.

இந்த மகிழ்ச்சிகரமான நிகழ்வை பார்த்து படித்து, சகோ. எஸ். கே. ஸாலிஹ் அவர்களுக்கும் அங்கு வந்து கலந்துகொள்ள ஆசை வந்து விட்டது. அஹ்மத் முஹைதீன் காக்கா, அடுத்த சங்கம நிகழ்வுக்கு அவர்களுக்கு ஒரு உம்ரா விசா கொடுத்து அழைத்து சந்தோசப்படுத்தி சந்தோசப்படலாமே..! இன்ஷா அல்லாஹ்.

அனைவர்களையும் புகைப்படத்தில் கண்டத்தில் மிக்க மகிழ்ச்சி, கூடவே நாம் ஊர் 'அசோக் லேய்லான்ட்' பஸ்ஸையும்.

டிபனிலும் மூவர்ண சட்னி ஆதிக்கம், நிகழ்விலும் சட்னி சகோதரர்கள் ஆதிக்கமா.!

சாளை S.I.ஜியாவுத்தீன், அல்கோபார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
13. Re:ஜித்தாவில் காயலர்கள் சங்க...
posted by A.M. Seyed Ahmed (Riyadh) [19 April 2012]
IP: 212.*.*.* Saudi Arabia | Comment Reference Number: 18377

Excellent event - Congrats.

Happy to see all the friends and relatives after longtime atleast from the photos.

Buhari - congrats to you also for winning the prize...

Guys, some photos not clear in future use high mega pixel cameras to cover the events.....

Maccan Minhaj - Make a miracle for our RKWA also.

By : Ayesha Hannan - Riyadh


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
14. Re:ஜித்தாவில் காயலர்கள் சங்க...
posted by hylee (colombo) [20 April 2012]
IP: 112.*.*.* Sri Lanka | Comment Reference Number: 18382

அல்ஹம்துலில்லாஹ், பரிசு பெற்ற சின்ன கண்மணிகள் மற்றும் அனைவர்க்கும் வாழ்த்துக்கள். ஹுமாயூன் காகா போடுசோறு என்று யாரையோ அழைப்பது போல் தெரிகிறது. நண்பர்கள் செய்மீரான் மச்சான், ஹில்டன் இப்ராகிம் பார்த்து மிக்க மகிழ்ச்சி.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
15. Re:ஜித்தாவில் காயலர்கள் சங்க...
posted by K S Muhamed shuaib (Kayalpatinam) [21 April 2012]
IP: 117.*.*.* India | Comment Reference Number: 18395

அது யாராப்பா....முதல் படத்தில் "தாடி"யோடு இருக்கும் ஆசாமி ? முதல் படத்திற்கு பிறகு சாப்பிடும் இடத்தில்தான் ஆசாமியைக் காணமுடிகிறது.

அவரை இப்படி அடிக்கடி சுற்றுலா அழைத்து போய் ஆசாமியை வாட விடாமல் பார்த்துக்கொள்ளவும்

Moderator: Comment edited!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
16. Re:ஜித்தாவில் காயலர்கள் சங்க...
posted by shaiknoordeen (Riyadh,Saudi Arabia) [25 April 2012]
IP: 188.*.*.* Saudi Arabia | Comment Reference Number: 18517

Assalamu Allaikkum

Masha Allah , Jeddah Kayal Welfare Association made first of publishing this much of photos and news


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
17. இறை அருளால் எங்களின் முதல் முயற்சியும் முழுமையான வெற்றி ,,அல்ஹம்துலில்லாஹ் .....
posted by சட்னி,செய்யது மீரான் (ஜெத்தா....சவுதி அரேபியா) [27 April 2012]
IP: 188.*.*.* Saudi Arabia | Comment Reference Number: 18571

அஸ்ஸலாமு அலைக்கும்..

இறை அருளால் எங்களின் முதல் முயற்சியும் முழுமையான வெற்றியுமான இந்த இனிய நிகழ்விற்காக இட வசதி, பேருந்து வசதி, காலை உணவு சிற்றுண்டி, தேனீர் ,மதிய உணவு காயல் களரி விருந்து, இதனை தொடர்ந்து சூரிய வெப்பத்திற்கு இதமான ஐஸ் கிரீம், விளையாட்டுக்குரிய உபகரணங்கள், மதிப்புமிகு பரிசுப்பொருட்கள், பம்பர் பரிசான மக்கா CLOCK டவரில் உள்ள மூவன் பிக் என்ற ஐந்து நட்சத்திர ஹோட்டலில் தங்கிட வசதி, மற்றும் எல்லா வகைகளிலும் பணத்தால், பொருளால், உடல் உழைப்பால்,நல்ல ஆலோசனையாலும், நல்ல மனத்தாலும் உதவிகள்,அனுசரணை செய்த நல்ல உள்ளங்களுக்கு சொந்தக்காரர்களான அனைவருக்கும்நெஞ்சார்ந்த நன்றிகள்.

அழைப்பினை ஏற்று உள்ளூர்வாசிகளான ஜெத்தா, அருகாமையில் உள்ள புனிதமிகு மக்கா, மதீனா மற்றும் யான்பு நகர்களில் இருந்து வந்து உற்சாகமுடன் கலந்து சிறப்பித்து தந்த அனைத்து உறுப்பினர்களுக்கும், அவர் தம் குடும்ப அங்கத்தினர்களுக்கும் மற்றும் சிறப்பு விருந்தினர்களுக்கும் மனமார்ந்த நன்றிகள்.

இந்த செய்தி ஊடகத்தின் மூலம் அதிக பார்வையாக பார்த்த வாசக பெருமக்கள்கள், நல்ல கருத்துக்கள் பதிவு செய்த அன்பர்கள்,நண்பர்கள், செய்தி ஊடகத்தை சார்ந்த பண்பாளர்கள் வாழ்த்துக்கள் பரிமாறி கொண்ட நல்லவர்கள் அனைவருக்கும் உளப்பூர்வமான நன்றிகள்..பாராட்டுக்கள்..

வல்லோன் அல்லாஹ் நம் அனைவருக்கும் இரு உலகிலும் நல்லதோர் கூலியை தந்தருள்வானகவும் ஆமீன்..

அல்ஹம்துலில்லாஹ் .....

நன்றி கலந்த நட்புடன்...
உங்கள் அன்பின் ,சட்னி,செய்யது மீரான்,
செயலாளர்,காயல் நற்பணி மன்றம்
ஜெத்தா....சவுதி அரேபியா..


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved