{ முகநூல் கருத்துக்கள்}{ட்விட்டர் கருத்துக்கள்}

பள்ளிக்கூடத்தில் முதல் வகுப்பில் அடியெடுத்து வைக்கும் மழலையரை உற்சாகமூட்டும் வகையில், காயல்பட்டினம் சென்ட்ரல் மெட்ரிகுலேஷன் மேனிலைப்பள்ளியில், யு.கே.ஜி. வகுப்பை முடித்த மழலையருக்கு ஆண்டுதோறும் பட்டமளிப்பு விழா நடத்தப்படுவது வழமை.

அந்த அடிப்படையில் இவ்வாண்டின் மழலையர் பட்டமளிப்பு விழா 12.04.2012 அன்று மதியம் 03.00 மணியளவில் பள்ளி வளாகத்தில் நடைபெற்றது.

பள்ளி முதல்வர் வி.வனிதா விழாவிற்குத் தலைமை தாங்கினார். ஆசிரியை அமலாராணி அனைவரையும் வரவேற்றுப் பேசினார்.

பின்னர் பள்ளி முதல்வர் உரையாற்றுகையில், விடுமுறைக் காலங்களில் தம் குழந்தைகளுக்குப் பிடித்தமான பயனுள்ள பொழுதுபோக்கு அம்சங்களுடன் குழந்தைகளைக் கவனிக்கும் முறைகள் குறித்து விளக்கிப் பேசினார். அதனைத் தொடர்ந்து அவர் மழலை மாணவ-மாணவியருக்கு பட்டங்களை வழங்கி வாழ்த்தினார்.



வள்ளியம்மாள் நன்றி கூறினார். நிகழ்ச்சிகளனைத்தையும் பள்ளி மழலையர் பிரிவின் பொறுப்பாசிரியர் எம்.ராமேஷ்வரி நெறிப்படுத்தினார்.