Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
7:44:41 AM
வெள்ளி | 29 மார்ச் 2024 | துல்ஹஜ் 1702, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:0812:3015:4118:3419:42
Sunrise/Sunset timing for Kayalpatnamஉதயம்06:16Moonrise/Moonset timing for Kayalpatnamஉதயம்21:42
மறைவு18:28மறைவு08:48
Morning Twilight
வானியல்கடல்சமூகம்
05:0705:3105:55
உச்சி
12:22
Evening Twilight
சமூகம்கடல்வானியல்
18:4919:1319:37
Go to Homepage
செய்திகள்
Previous News ItemNext News Item
செய்தி எண் (ID #) 8433
#KOTW8433
Increase Font Size Decrease Font Size
சனி, மே 12, 2012
கோமான் தெருவில் புதிய நியாய விலைக்கடை திறப்பு! மாவட்ட வழங்கல் அதிகாரி திறந்து வைத்தார்!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2964 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கோமான் தெருக்களைச் சார்ந்த குடும்ப அட்டைதாரர்கள் இதுநாள் வரை குத்துக்கல் தெருவிலுள்ள நியாய விலைக் கடையிலேயே பொருட்களை வாங்க வேண்டிய நிலையிருந்து வந்தது.

நீண்ட தொலைவுக்குச் சென்று பொருட்களை வாங்கிச் சுமந்து வர அப்பகுதி மக்கள் - குறிப்பாக பெண்கள் மிகுந்த சிரமம் அடைவதாகக் கூறி, கோமான் தெரு வட்டாரத்திலேயே அப்பகுதி மக்களுக்காக தனிக்கடை அமைந்திட ஏற்பாடுகள் செய்து தருமாறு, அப்பகுதி நகர்மன்ற உறுப்பினர் ஏ.லுக்மான், நகர்மன்றத் தலைவர் ஐ.ஆபிதா, அதிமுக சிறுபான்மைப் பிரிவு மாவட்ட தலைவர் எம்.ஜே.செய்யித் இப்றாஹீம் ஆகியோர், மாவட்ட வழங்கல் அதிகாரி உள்ளிட்ட அரசுத் துறையினரிடம் தொடர்ந்து கோரிக்கை வைத்து வந்தனர்.

கோமான் ஜமாஅத்திற்குட்பட்ட கடையொன்றை ஜமாஅத் நிர்வாகம் இலவசமாக அளித்ததைத் தொடர்ந்து, அங்கு நியாய விலைக்கடையின் கிளை திறப்பு விழா இன்று காலை 11.00 மணியளவில் நடைபெற்றது.



காயல்பட்டினம் நகர்மன்றத் தலைவர் ஐ.ஆபிதா விழாவிற்குத் தலைமை தாங்கினார். நகர்மன்ற உறுப்பினர்கள் எம்.ஜஹாங்கீர், இ.எம்.சாமி, காயல்பட்டினம் முஸ்லிம் ஐக்கியப் பேரவை ஒருங்கிணைப்பாளர் சொளுக்கு முஹம்மத் இஸ்மாஈல் என்ற முத்து ஹாஜி, நகரப் பிரமுகர் ஏ.கே.பீர் முஹம்மத் மற்றும் கோமான் ஜமாஅத் நிர்வாகிகள் முன்னிலை வகித்தனர்.

நகரப் பிரமுகர் லேண்ட்மார்க் ஹாஜி ராவன்னா அபுல்ஹஸன் நிகழ்ச்சிகளை நெறிப்படுத்தினார். கோமான் நற்பணி மன்ற நிர்வாகி ஹாஜி மலங்கு அனைவரையும் வரவேற்றுப் பேசினார். அதனைத் தொடர்ந்து, வழங்கல் துறை மண்டல மேலாளர் ராஜேந்திரன் வாழ்த்துரை வழங்கினார்.

பின்னர், மாவட்ட வழங்கல் அதிகாரி பஷீர் சிறப்புரையாற்றினார். தமிழக மக்களின் அடிப்படைத் தேவைகள் எவ்வித சிரமமுமின்றி நிறைவேற்றப்பட வேண்டும் என்ற நோக்கில், முதலமைச்சர் ஜெயலலிதா தலைமையிலான மாநில அரசு பல்வேறு திட்டங்களை நடைமுறைப்படுத்தி வருவதாகத் தெரிவித்த அவர், கோமான் ஜமாஅத்திற்குட்பட்ட பகுதியில் இப்படியொரு கடை அமைவதற்கு மேற்கொள்ளப்பட்ட முயற்சிகளைப் பாராட்டியதோடு, கடையைத் திறந்து வைப்பதில் தான் பெருமகிழ்ச்சியடைவதாக அவர் தெரிவித்தார்.



தூத்துக்குடி மாவட்டத்தில் 913 நியாய விலைக் கடைகள் உள்ளதாகவும், காயல்பட்டினத்தில் மட்டும் 10 கடைகள் உள்ளதாகவும் தெரிவித்த அவர், பணியாளர் பற்றாக்குறை மற்றும் உணவுப் பொருட்களை வாகனங்களில் அனுப்பி வைத்தல் உள்ளிட்டவற்றில் அரசு நிர்வாகம் பெரும் சிரமங்களை சந்தித்து வருவதால், பகுதி நேர கடைகளைப் பிரித்தளிப்பதில் நடைமுறை சிக்கல் உள்ளதாகவும், எனினும் கோமான் ஜமாஅத் மக்களின் நீண்டகால கோரிக்கையாக இது இருக்கிற காரணத்தாலும், இங்கு கடையமைவதற்கு இப்பகுதி மக்கள் முழு ஒத்துழைப்பளித்துள்ளதாலும் இப்பகுதியில் கிளைக் கடை துவக்கப்படுவதாகத் தெரிவித்தார்.

காயல்பட்டினத்திற்கென தனியாக மண்ணெண்ணெய் விற்பனைக் கூடம் அமைக்க அரசு ஆயத்தமாக உள்ளதாகத் தெரிவித்த அவர், அதற்குத் தேவையான 7 சென்ட் நிலத்தை நகர மக்கள் தந்தால் உடனடியாக அத்திட்டம் நிறைவேற்றப்படும் என்று தெரிவித்தார்.

அதனைத் தொடர்ந்து வாழ்த்துரை வழங்கிய, அதிமுக மாவட்ட சிறுபான்மைப் பிரிவு தலைவர் எம்.ஜே.செய்யித் இப்றாஹீம், குடும்ப அட்டையில் பெயர் பதிவு செய்யும் அலுவலர்கள் முஸ்லிம்களின் பெயர்களை எழுத்துப்பிழைகளோடு பதிவு செய்து விடுவதால், கடவுச்சீட்டு (பாஸ்போர்ட்) உள்ளிட்ட தேவைகளுக்காக குடும்ப அட்டையை சான்றாவணமாக அளிக்கும்போது தேவையற்ற அலைச்சல்களும், தாங்கொனா சிரமங்களும் அடைவதாகத் தெரிவித்தார்.



பெயர் பதிவு, திருத்தம் என ஒவ்வொன்றுக்கும் திருச்செந்தூர் வட்டாட்சியர் அலுவலகம் வரை அலைந்து திரிய வேண்டிய நிலை காயல்பட்டினம் பொதுமக்களுக்கு - குறிப்பாக பெண்களுக்கு மிகுந்த சிரமத்தையளிப்பதாகத் தெரிவித்த அவர், குறிப்பிட்ட கால இடைவெளியில் அவ்வப்போது சிறப்பு முகாம்களை காயல்பட்டினத்திலேயே ஏற்பாடு செய்து இப்பணிகளை முறைப்படுத்தி செய்து தருமாறு கோரிக்கை விடுத்தார்.

பின்னர், நகர்மன்றத் தலைவர் ஐ.ஆபிதா தலைமையுரையாற்றினார். கோமான் ஜமாஅத் பொதுமக்களின் சிரமத்தைப் போக்கும் வகையில் அப்பகுதியிலேயே நியாய விலைக் கடையின் கிளையை அமைப்பதற்கு முயற்சிகளை மேற்கொண்டமைக்காக, அப்பகுதியின் நகர்மன்ற உறுப்பினர் ஏ.லுக்மான், உடனிருந்து ஒத்துழைப்பளித்த கோமான் ஜமாஅத்தின் நிர்வாகிகள் மற்றும் உறுப்பினர்கள் அனைவரையும் பாராட்டுவதாகத் தெரிவித்த அவர், ஒற்றுமையாக ஒரு தலைமையின் கீழிருந்து காரியங்களை சாதிப்பதில் கோமான் ஜமாஅத் அனைவருக்கும் முன்னுதாரணமாக இருப்பதாகப் பாராட்டிப் பேசினார்.



மேடையில் முன்வைக்கப்பட்ட கோரிக்கையின் அடிப்படையில், இம்மாதம் 25ஆம் தேதியன்று, காயல்பட்டினத்தின் 01, 02ஆம் வார்டுகளைச் சார்ந்த குடும்ப அட்டைதாரர்களுக்கான பெயர் சேர்ப்பு - திருத்த முகாம் காயல்பட்டினத்தில் நடைபெறும் என மாவட்ட வழங்கல் அதிகாரி தெரிவித்துள்ளதாகத் தெரிவித்தார்.

இப்பகுதி பொதுமக்களின் சிரமங்களைப் போக்கிடும் வகையில் இங்கு கடையமைத்துத் தந்த தமிழக அரசு, அதற்கு ஆவன செய்த மாவட்ட வழங்கல் அதிகாரி உள்ளிட்ட அனைவருக்கும் மனமார்ந்த நன்றிகளைத் தெரிவிப்பதாக அவர் தெரிவித்த அவர், காயல்பட்டினத்தில் ஆரம்ப சுகாதார நிலையம் அமைய தேவைப்பட்ட 50 சென்ட் நிலத்தை வழங்கிய கோமான் ஜமாஅத்திற்கு நன்றி தெரிவிப்பதாகக் கூறி தனதுரையை நிறைவு செய்தார்.

பின்னர், மேடையில் வீற்றிருந்த அதிகாரிகள், நகர்மன்றத் தலைவர் மற்றும் அதிமுக சிறுபான்மைப் பிரிவு தலைவர் ஆகியோருக்கு கோமான் ஜமாஅத் சார்பில் சால்வை அணிவித்து மரியாதை செலுத்தப்பட்டது.



இறுதியாக, ஹாஜி எல்.எம்.இ.கைலானீ நன்றி கூற, நாட்டுப்பண்ணுடன் விழா நிறைவுற்றது. இவ்விழாவில், கோமான் ஜமாஅத்தைச் சார்ந்த பொதுமக்கள் திரளாகக் கலந்துகொண்டனர்.



பின்னர் கடையைத் திறந்து வைக்கும் நிகழ்ச்சி நடைபெற்றது. மாவட்ட வழங்கல் அதிகாரி பஷீர் ரிப்பன் வெட்டி கடையைத் திறந்து வைத்தார்.



முதல் விற்பனையை வழங்கல் துறை அதிகாரி செல்வ பிரசாத் துவக்கி வைத்தார். இரண்டாவது விற்பனையை காயல்பட்டினம் நகர்மன்றத் தலைவர் ஐ.ஆபிதாவும் துவக்கி வைத்தார்.





பின்னர், நிகழ்ச்சியின் சிறப்பழைப்பாளர்கள் அனைவருக்கும் கோமான் ஜமாஅத் மற்றும் கோமான் நற்பணி மன்றம் சார்பில் சிற்றுண்டியுபசரிப்பு செய்யப்பட்டது.


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:கோமான் தெருவில் புதிய நிய...
posted by Vilack SMA (Hong Shen , Siacun) [12 May 2012]
IP: 218.*.*.* China | Comment Reference Number: 18808

" தர்மபிரபு " MGR இன்னும் உயிரோடுதான் இருக்கிறாரா ?

லுக்மான் காக்கா அவர்களின் முயற்சிக்கு பாராட்டுக்கள் . அத்தோடு , வள்ளல் MGR அவர்களையும் இந்த கூட்டத்திற்கு அழைத்துவந்ததில் மிக்க மகிழ்ச்சி . ( அச்சு அசல் MGR போலவே இருக்கிறார் )

Vilack SMA


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:கோமான் தெருவில் புதிய நிய...
posted by Thusthahir (Chennai) [12 May 2012]
IP: 117.*.*.* India | Comment Reference Number: 18809

Assalamu Allaikum,

Lukman Mama best of Luck


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:கோமான் தெருவில் புதிய நிய...
posted by M.I.Naina Mohamed (kuwait) [12 May 2012]
IP: 62.*.*.* Kuwait | Comment Reference Number: 18812

அஸ்ஸலாமு அழைக்கும்

ஹாஜி லுக்மான் அவர்களின் பணிகள் சீரக்க அல்லாஹா வீன் உதவி என்றும் நிலவட்டும்மாக.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. நான் ஆணையிட்டால் அது நடந்து விட்டால்......!!!
posted by ஹிஜாஸ் மைந்தன். (புனித மக்கா.) [12 May 2012]
IP: 176.*.*.* Saudi Arabia | Comment Reference Number: 18827

நகர் மன்ற உறுப்பினர் லுக்மான் ஹாஜிக்குப் பாராட்டுக்கள், நகர் மன்றத் தலைவி தன் அன்புக்கணவர் ஷேக் காக்காவோடு கலந்து கொண்டதில் மகிழ்ச்சி. கோமான் தெருப் பகுதியில் நியாய விலைக்கடை அவசியமானதுதான்.

Moderator: Comment edited


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. விட்டில் பூச்சி பதவி காலம்
posted by Mohamed Adam Sultan (kayal patnam) [13 May 2012]
IP: 123.*.*.* India | Comment Reference Number: 18829

ஒரு வார்டு உறுப்பினரின் கடமையைத்தான் சகோதரர் லுக்மான் அவர்கள் செய்திருக்கிறார்கள். கடமை உணர்ச்சிக்கு காயல் குடிமகன் என்ற முறையில் நன்றியை தெரிவிக்கும் அதே வேலையில் பலரும் பாராட்டு பட்டியலை நீட்டி கொண்டிருப்பது சற்று நெருடலை தருகிறது ஏனனில் இது அவருடைய கடமை.

அதுசரி, மற்றைய மிகுதியான மெம்பர்கள் என்ன செய்துகொண்டிருக்கிறார்கள், இதுபோன்ற செயலை செய்ய முடியாவிட்டாலும் அப்படிப்பட்ட சிந்தனையிலாவது தங்களின் முயற்சியை மேற்கொண்டிருகின்றார்களா என்றால் இல்லை என்ற நிலையைத்தான் பார்க்கமுடிகிறது .

அவர்களுடைய செயலையும் சிந்தனையையும் சிலர் செதுக்கி விட்டு கொண்டிருக்கும் பொழுது சிம்லி பூச்சியின் வாழ்வு காலம் போல்தான் இவர்களின் பதவி கால நிலை என்பது எல்லோருக்கும் இலைமறையாய் தெறிந்து கொண்டிருக்கிறது. அல்லாஹ் அனைத்தும் அறிந்தவன்!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. முயற்சித்த அனைத்து உள்ளங்களுக்கும் வாழ்த்துகள்!
posted by MOHIDEEN ABDUL KADER (ABUDHABI) [13 May 2012]
IP: 86.*.*.* United Arab Emirates | Comment Reference Number: 18835

அஸ்ஸலாமு அழைக்கும்.

இந்த பகுதிமக்களின் நீண்ட நாள் தேவையை பூர்த்தி செய்து கொடுத்துள்ள கொம்மான் ஜமாஅத், அப்பகுதி நகரமன்ற உறுப்பினர் A. லுக்மான், நகரமன்ற தலைவி, அ.இ.அ.தி.மு.க மாட்ட சிறுபாண்மையினர் பிரிவு தலைவர் ஜனாப்.M.J.செய்யது இபுறாஹீம், மாவட்ட வழங்கல் அதிகாரி மற்றும் அனைவர்களுக்கும் வாழ்த்துகள்.

இது போன்று அனைத்து நமது நகர் தேவைகளையும் நகரமன்ற குழுவுடன் நடப்பு அ.இ.அ.தி.மு.க அரசியல் பிரமுகர்கள் நிறைவேற்றி தந்தாள் அதுவே சிறந்த அரசியல் கட்சியாக காயலில் திகழும் என்பதில் சந்தேகமில்லை.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2024. The Kayal First Trust. All Rights Reserved