{ முகநூல் கருத்துக்கள்}{ட்விட்டர் கருத்துக்கள்}

இந்திய ரயில்வே மூலம் பயணம் மேற்கொள்வோர் வசதிக்காக தட்கல் முன்பதிவு முறை நடைமுறையில் உள்ளது. இந்த திட்டத்தில் - வழமையான தொகையை விட கூடுதல் தொகை செலுத்தி, டிக்கெட்கள் முன்பதிவு செய்யலாம். இத்திட்டம் மூலம் ஆண்டுக்கு சுமார் 850 கோடி ரூபாய் லாபம் - இந்திய ரயில்வே துறை பெறுகிறது.

பல முறை மாற்றம் கண்டுள்ள இந்த திட்டம், தற்போது பயண தினத்திற்கு ஒரு நாள் முன்னரே பதிவு செய்யலாம் என்ற விதிமுறைப்படி நடைபெற்று வருகிறது. காலை 8 மணிக்கு முன்பதிவு துவங்கும் என்பதால், பல முன்பதிவு மையங்களில் - அதிகாலையில் இருந்து பலர் காத்திருந்து முன்பதிவு செய்து வருகின்றனர். வியாபார நோக்கில் சிலர் இந்த திட்டத்தினை பயன்படுத்துகின்றனர் என்ற குற்றச்சாட்டும் அவ்வப்போது வெளிவந்துள்ளது.

இன்று முதல் இந்திய ரயில்வே - தட்கல் முன்பதிவில் - சில மாற்றங்களை கொண்டு வந்துள்ளது. அதன்படி - இனி தட்கல் முன்பதிவுகள் காலை 8 மணிக்கு பதிலாக காலை 10 மணிக்கு துவங்கும். மேலும் - முன்பதிவு செய்யும் போது மொபைல் எண் சமர்ப்பிக்கப்பட வேண்டும். இந்த எண்ணை - இந்திய ரயில்வே - முன்பதிவினை ஊர்ஜிதம் செய்ய பயன்படுத்தும்.

மேலும் - ஒரே கணினி கொண்டு இயங்கும் முன்பதிவு மையங்களில் - காலை 10 மணி முதல் 11 மணி வரை - தட்கல் முன்பதிவுக்கு முன்னுரிமை வழங்கப்படும். பல கணினிகள் கொண்டு இயங்கும் முன்பதிவு மையங்களில் - தட்கல் முன்பதிவுக்கு என தனி கணினி ஒதுக்கப்படும்.

இணையதளம் மூலம் - பதிவு செய்த முகவர்கள் (Agents) - காலை 10 மணி முதல் மதியம் 12 மணி வரை காலகட்டத்தில் - முன்பதிவு செய்ய முடியாது.