Kayal on the Web

செய்திகள்

செய்தி எண் (ID #) 8698

#KOTW8698

செவ்வாய், ஜுலை 10, 2012

ஆணையம் உத்தரவை தொடர்ந்து - RTI கேள்விக்கு - நகராட்சி பதில் வழங்கியது!

செய்தி: காயல்பட்டணம்.காம்
இந்த பக்கம் 4965 முறை பார்க்கப்பட்டுள்ளது | வாசகர் கருத்துக்கள் காண (12) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

2-12-2011 அன்று தகவல் பெறும் உரிமை சட்டத்தின் கீழ் ௦ காயல்பட்டணம்.காம், காயல்பட்டினம் நகராட்சியின் பொதுத் தகவல் அலுவலரிடம் (PUBLIC INFORMATION OFFICER) கீழ்க்காணும் கேள்வியை - அதற்குரிய கட்டணமான 10 ரூபாயை COURT FEE மூலம் செலுத்தி - கேட்டிருந்தது.

(1) தமிழ்நாடு மாவட்ட நகராட்சிகள் சட்டம் 1920 இன் பிரிவு 250 படி - தொழிற்சாலைகள், அவைகள் செயல்படும் நகராட்சியிடம் - உரிமம் பெறவேண்டும். அவ்வாறு - DCW நிறுவனம் நகராட்சியிடம் உரிமம் பெற்றுள்ளதா?

(2) ஆம் எனில் அந்த உரிமத்தின் நகலினை தரவும்.

இந்த இரு கேள்விகளில் முதல் கேள்விக்கு ஆம் என்றும், இரண்டாம் கேள்விக்கு - இது மூன்றாம் நபர் தகவல் என்பதால், நிறுவனத்தின் (DCW) சம்மதம் பெற்றே பதில் தர முடியும் என்றும் நகராட்சி சார்பாக 21-12-2011 தேதியிட்ட கடிதம் மூலம் தெரிவிக்கப்பட்டது.

உரிமம் என்பது மூன்றாம் நபர் தகவல் ஆகாது என்பதால் - காயல்பட்டணம்.காம், காயல்பட்டினம் நகராட்சியின் மேல்முறையீடு அதிகாரியான (APPELLATE AUTHORITY) - ஆணையரிடம் 27-2-2012 தேதியிட்ட கடிதம் மூலம், முறையிட்டது.

மேல்முறையீடு அதிகாரியிடம் எந்த பதிலும் உரித்த காலத்தில் கிடைக்கப்பெறாததால் - 18-4-2012 தேதியிட்ட கடிதம் மூலம், சென்னையில் உள்ள தமிழக அரசின், தமிழ்நாடு தகவல் ஆணையத்திடம் - முறையீடு சமர்ப்பிக்கப்பட்டது.

முறையீட்டை பதிவு செய்துக்கொண்ட தகவல் ஆணையம் - ஜூன் 25 அன்று விசாரணை மேற்கொண்டது. விசாரணையை தொடர்ந்து - உரிமம், மூன்றாம் நபர் தகவலாக கருதப்பட முடியாது என்றும், கேட்கப்பட்ட தகவலை 10 நாட்களுக்குள் வழங்க வேண்டும் என்றும் காயல்பட்டினம் நகராட்சிக்கு தகவல் ஆணையம் ஆணையிட்டது.

மேலும் கால தாமதத்திற்கும், மூன்றாம் தரப்பு தகவல் என தகவல் தர மறுத்ததற்கும், பிற காரணங்களுக்கும் - ஏன் நடவடிக்கை எடுக்கக்கூடாது என காயல்பட்டினம் நகராட்சியின் பொதுத்தகவல் அலுவலரை தமிழ்நாடு தகவல் ஆணையம் வினவியது.

ஆணையத்தின் இந்த உத்தரவை தொடர்ந்து, தற்போது காயல்பட்டினம் நகராட்சியிடம் இருந்து பதில் கிடைக்கப்பெற்றுள்ளது.

காயல்பட்டணம்.காம் இதுவரை 10 க்கும் மேற்பட்ட கடிதங்கள் மூலம், காயல்பட்டினம் நகராட்சியிடம் தகவல் பெறும் உரிமை சட்டத்தின் கீழ் தகவல் கோரியுள்ளது. அவைகளுக்கு எந்த பதிலும் காயல்பட்டினம் நகராட்சியிடம் இருந்து இதுவரை அனுப்பப்படவில்லை. அவைகள் குறித்து மேல் முறையீடு செய்யப்பட்டுள்ளது.

{TAGS} rti information commission tnic municipality pio appellate si sanitary inspector commissioner

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:ஆணையம் உத்தரவை தொடர்ந்து ...
posted by nizam (kayal) [10 July 2012]
IP: 101.*.*.*

India | Comment Reference Number: 19927

காயல்பட்டணம்,கம் கனிவான வேண்டுகோள்

அரசு விதியின் படி பொதுவாக வேதியல் தொழிற்சாலைகள் ஒரு குறிப்பிட்ட கால அளவில் மாசு கட்டுபாட்டு துறைக்கு தங்களது தொழிற்சாலையின் மாசு அறிக்கையை சமர்பிக்க வேண்டும். தாங்கள் முயற்சி செய்து அந்த DCW pollution report அறிக்கையை பெற்று வெளியிட்டால் நமது கடலில் இந்த தொழிற்சாலை கலக்கும் புற்றுநோய் காரணிகளான மெர்குரி சல்பர் அளவு எவ்வளவு என்பது மக்களுக்கு வெட்ட வெளிச்சமாகும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. பாராட்டுக்கள்
posted by ஹைதுரூஸ் ஆதில் (கோழிக்கோடு-கேரளா) [10 July 2012]
IP: 122.*.*.*

India | Comment Reference Number: 19928

காயல்பட்டணம்.காம் இணையதளத்தின் இந்த சேவைக்கு பாராட்டுக்கள். விடா முயற்ச்சிக்கு கிடைத்த வெற்றி. அத்துடன் மக்களுக்கு நல்ல ஒரு தகவலும் கிடைத்துள்ளன.

இது போலுள்ள உங்கள் சேவைகள் இனியும் தொடர வாழ்த்துக்களுடன்....

ஹைதுரூஸ் ஆதில், கோழிக்கோடு-கேரளா

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. திண்ட வீட்டிற்கு இரண்டகம் செய்ய விரும்பாத
posted by சாளை S.I.ஜியாவுத்தீன் (அல்கோபர். ) [10 July 2012]
IP: 94.*.*.*

Saudi Arabia | Comment Reference Number: 19929

kayalpatnam.com விற்கு கைதட்டுதலுடன் கூடிய பாராட்டுக்கள். சும்மா வலை தளம் மட்டும் நடத்தாமல், பல இடங்களை தேவைக்காக தட்டும் உங்களின் சேவைகள் மெச்சத்தக்க செயல்.

ஆனாலும் ஒன்றை புரிந்து கொள்ளுங்கள். என்ன தான் DCW தில்லுமுல்லு பண்ணினாலும், ஊரையே அழித்தாலும் நம்ம நகராட்சி ஒன்றும் செய்யாது. ஏன்.. நம்மால் தெரிவு செய்யப்பட்ட உறுப்பினர்களும் DCW விற்கு சாதகமாக தான் இருப்பார்கள். என்ன அதிர்ச்சி அடைகின்றீர்களா?

நம்மிடம் ஒரு நல்ல பழக்கம் உண்டு. அதாவது " திண்ட வீட்டிற்கு இரண்டகம் செய்ய விரும்பாத" மக்கள் நாம்.

நம் நகராட்சி ஊழியர்கள் முதல் நாம் கவுன்சிலர்கள் வரை (தலைவி மற்றும் ஒரு சில கவுன்சிலர்கள் இல்லை என்று நம்புகிறேன்.), DCW வை கடந்து சென்றால், சாப்பாடு டைம் ஆக இருந்தால், உடனே DCW விற்குள் சென்று PRO வை பார்த்து, ஓசியில் அங்குள்ள கேண்டீனில் உணவை முடித்துக்கொண்டு வந்து விடுவார்கள். அவ்வளவு வறுமை.

சில மாதங்களுக்கு முன்பு, நம் ஊருக்கு வரும் குடிநீர் குழாய் வழியில் பெரும் உடைப்பு உண்டாகி, அனைத்து உறுப்பினர்களும் அங்கு சென்று, சேவை செய்து, உடைப்பை சரி செய்து, களைத்து, மிகவும் பசி ஆகி, உடனே DCW விற்கு சென்று ஓசியில் புல் கட் கட்டிவிட்டு வந்தார்கள்.

இப்போ சொல்லுங்க.., DCW விற்கு இவர்கள் சாதகமாக இருப்பார்களா அல்லது மக்களுக்கு ...?

அதான் " திண்ட வீட்டிற்கு இரண்டகம் செய்ய விரும்பாத" மக்கள் தானே நாம்.

" Admin அவர்களே, இந்த சம்பவங்களை பல பல இடங்களில் உறுதி செய்து விட்டு தான் பதிவு செய்கிறேன். ஊர்ஜிதம் செய்யமுடியாத சம்பவம் என்று கத்திரி போட்டு விடாதீர்கள்"

சாளை S.I.ஜியாவுத்தீன், அல்கோபர்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Question
posted by Riyath (HongKong) [11 July 2012]
IP: 119.*.*.*

Hong Kong | Comment Reference Number: 19932

Thanks for doing such wonderful follow up with government. Everyone knows how difficult to collect sensitive information from governmental servant though rules allow common people for inquiry.

My question is about the attachment here for DCW established agreement ended on 2008Dec31. Then how come the factory is still running??? I think - Either you received outdated document or factory running illegally.

**Wassalam

Administrator: Document shows the renewal has been done till December 31, 2012

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

5. தட்டுங்க...தட்டுங்க...!!!
posted by M.N.L.முஹம்மது ரபீக். (புனித மக்கா.) [11 July 2012]
IP: 188.*.*.*

Saudi Arabia | Comment Reference Number: 19933

தட்டுங்கள் திறக்கப்படும்! கேளுங்கள் கொடுக்கப்படும்! தேடுங்கள் கிடைக்குமென்றார்! இது தகவல் அறியும் உரிமைச் சட்டத்திற்கும் பொருந்தும்! ஆக மொத்தத்துலெ தட்டனும்னு முடிவுக்கு வந்துட்டீங்க..தட்டுங்க..தட்டுங்க..தட்டுற தட்டுலெ, தானா வந்து விழும் பல சங்கதிகள்! DCW பற்றிய நிறைய விஷயங்களை இந்த வலைதளத்தின் மூலமாகத் தான் தெரிந்து கொள்கின்றோம். தங்களின் சுயநலமில்லா உழைப்பும், செய்திக்கோர்வைகளும், மக்களுக்கு குறிப்பாக நம் காயலருக்கு கிடைத்த பெரும் பாக்கியமே! ஒரு (ஸ்டெண்டர்டான) தரமான வலைதளம் இது!

இனி என்னை துதிபாடி என்று யாராவது அழைத்தாலும் நான் கவலைப்படுவதற்கில்லை! உள்ளதை உள்ளபடி உரைப்பதில் ஒரு சந்தோஷம் தாங்க! காயல்பட்டணம் டாட் காம் பல்லாண்டு வாழ்க!

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

6. Renewal in same paper
posted by Riyath (HongKong) [11 July 2012]
IP: 119.*.*.*

Hong Kong | Comment Reference Number: 19934

Just noticed the renewal details available in next page. but not mentioned in first page for the agreement continuation. I wonder, this huge factory agreement renewal is simple than public service and no change in renewal cost for last 4 years in economic grow up country in every year.

DCW website (http://www.dcwltd.com/ -> About Us -> History -> Milestone) shows, crosses 1000 Crores INR in year 2009. DCW agreement is still worth only for 96000 INR every year where as other contracts increase in rate such as fish market allowed 25 shops agreed for 78,458 INR for 9 months.

Next thing i noticed from both agreement attached here and DCW website (http://www.dcwltd.com/ -> Contact us) is stated the factory located in Arumuganeri (Kayalpatnam not mentioned in DCW official website). Then, why the agreement made with Kayalpatnam municipality instead Arumuganeri.

Also, unsure the renewal with same agreement (i.e within 5000 employees and 10000 horsepower) inspected before signed every year.

**Wassalam

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

7. துதிபாடிகள்!
posted by kavimagan kader (chennai) [11 July 2012]
IP: 122.*.*.*

India | Comment Reference Number: 19938

உண்மையை உலகுக்கு எடுத்துரைப்பவர்களுக்கு துதிபாடிகள் என்று பெயர். அந்த வகையில் காயல்பட்டணம்.காம் என்னும் துதிபாடி வலைதளத்திற்கு எனது பாராட்டுக்கள். ஹிஜாஸ் மைந்தனின் தலைமையில் துதிபாடிகள் சங்கம் அமையுமானால் அதன் முதல் உறுப்பினராக எனது பெயரை பதிவு செய்ய ஆசை.

அன்புடன்,
கவிமகன் காதர் என்னும் துதிபாடி.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

8. துதிபாடி
posted by MOHAMMED LEBBAI MS (dxb) [11 July 2012]
IP: 2.*.*.*

United Arab Emirates | Comment Reference Number: 19941

என்னங்க இது ,,,,
நம்ம ஊருக்கு நல்லதை நாடுகிறோம்,,,
கெட்டதை சாடுகிறோம்,,,

இவங்களுக்கு பெயர் துதிபாடின்னா????????
என்னையும் அதில் மெம்பரா சேர்த்துக்கிடுங்க......

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

9. காயல்பட்னம்.காம் உடைய செம்யயான சேவை
posted by முஹம்மதுஆதம்சுல்தான். (kayalpatnam) [11 July 2012]
IP: 117.*.*.*

India | Comment Reference Number: 19944

மாஷா அல்லாஹ்!

காயல்பட்னம்.காம் உடைய செம்யயான இந்த சேவையை பாராட்டுவதென்பது ஒவ்வொரு மனசாட்சியுடையோனின் மாண்பாகும். இது கண்மூடித்தனபுகழ்ச்சி என்று புழுங்குவோர் புலம்பிகொண்டுதான் இருப்பார்கள், அவர்களை எல்லாம் புரம் தள்ளிவிட்டு, உங்கள் புண்ணிய பயணத்தை தொடருங்கள்.

உங்கள் பயணத்தின் ஒவ்வொரு சாதனை மைல்கல்லும் சிறப்புற சீறிப்பாய வேண்டும், அதுவே சிலருக்கு சிம்ம சொப்பனமாக சொல்லவும் முடியாமல், மெல்லவும் முடியாமல் மூலையில் முடங்கி கிடக்க வைத்துவிடும்!

காயல்பட்டணம்.காம் மீது எனக்குள்ள ஒரு குறையை குறிப்பிட விரும்புகிறேன். காயல்பட்டண நகராட்சியிலுள்ள பெரும்பாலான (அல்லது அனைத்து) உறுப்பினர்களும், எந்த ஒரு மீடியாவும்,எந்த ஒரு .காம் மும் நகராட்சி கூட்டம் நடைபெறும்பொழுது உள்ளே வரக்கூடாது என்று முடிவேடுதததாக கேள்வி.

இப்படி ஒரு முடிவெடுத்திருந்தால் அது சரியல்லவென்று காயல்பட்டணம்.காம் முதல் பல மீடியாக்கள் சொல்லியதாகவும் கேளிபட்டேன். மீடியாகளே நீங்கள் இப்படி சொல்வதால்தான் உங்கள் மீது குறை காண்கிறேன்.. .

நம் நகராட்சியின் பெரும்பாலான உறுப்பினர்கள் நம்மூருக்காக அல்லும் பகலும் ஓய்வில்லாமல் உழைப்பதோடு மட்டுமில்லாமல், ஊழலற்ற, ஒருபைசா கூட கையூடில்லாத, ஓட்டளித்த மக்க்களின் உண்மை ஊழியனாக, வாங்கும் ஊழியத்திற்கு உளபூர்வ விசுவாசியாக, கண்ணியமாக கடமையாற்ற துடித்து கொண்டிருக்கும் அத்தூயவர்கள் தீவரமாக பங்கு பெரும் கூட்டத்தில், அவர்களுக்கு தொல்லை கொடுக்கும் முகமாக, அவர்கள் எதிரில் நின்று கொண்டு குறிப்பெடுக்கிறேன் என்று அவர்கள் கவனத்தை திசை திருப்புவதோடு, அவர்களை புகைப்படம், பேட்டி என்று எள்ளளவும் அவர்களின் அலுவல்களை பார்க்க விடாமல், அவர்களின் முழு பணிகளையும் மழுங்கச்செய்யும் மோசமான காரியங்களைச் செய்யும், அத்தனை மீடியாக்களும் அந்த பக்கமே வராமல் அலறி அடித்துக்கொண்டு ஓட வைக்க வேண்டும் என்று உறுதி பூண்டுள்ளார்கள்! இந்த உறுதியை ஒவ்வொரு கண்ணியமிகு காயல் குடிமகனும் ஏகமனதாக ஏற்றுகொள்ளவேண்டும் என்றும் எதிர்பார்கிறார்கள்.

அக்கறையுள்ள அந்த உறுப்பினர்களின் ஏக்கத்தை ஏற்பதும், எதிர்ப்பதும் இணையதள மீடியாக்களின் மனசாட்சியின் முடிவிற்கே விட்டுவிடுவோமாக! அல்லாஹ் அனைத்தும் அறிந்த்கவன்!

அன்புடன் ,
முஹம்மதுஆதம்சுல்தான்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

10. இந்த மீடியா நகராட்சிக்கு உள்ளே அனுமதிக்க கூடாது என்ற குழப்பம் இதுக்கு தானோ...
posted by நட்புடன் - தமிழன் முத்து இஸ்மாயில். (காயல் - 97152 25227) [11 July 2012]
IP: 117.*.*.*

India | Comment Reference Number: 19948

காயல்பட்டணம்.காம் இதுவரை 10 க்கும் மேற்பட்ட கடிதங்கள் மூலம், காயல்பட்டினம் நகராட்சியிடம் தகவல் பெறும் உரிமை சட்டத்தின் கீழ் தகவல் கோரியுள்ளது. அவைகளுக்கு எந்த பதிலும் காயல்பட்டினம் நகராட்சியிடம் இருந்து இதுவரை அனுப்பப்படவில்லை என்ற குற்றச்சாட்டை காயல்பட்டணம்.காம் நமது நகர்மன்றம் மீது சுமத்துகிறது..! இந்த குற்றச்சாட்டை நாம் யோசித்தால் அது நியாயமானதாகவே படுகிறது...

இப்பதான் சில குழப்பத்துக்கு காரணம் என்ன என்பது எனக்கு (நமக்கு) விளங்குகிறது...! இந்த மாதிரி நகர் நல விழிப்புணர்வு விசியமான பல கேள்விகளை நமது நகராட்சி இடம் இந்த மீடியா தகவல் கேட்டு இந்த இணையதளத்தில் பொது மக்கள் கவனத்திற்கு செய்தியாக வெளிடுவதால்தானோ என்னவோ.. இந்த மீடியா நகராட்சிக்கு உள்ளே அனுமதிக்க கூடாது என்ற குழப்பம் இதுக்குதான் ஆரம்பமோ....! சில நகர்மன்ற உறுபினர்களிடம் மீடியாவுக்கு எதிராக கையழுத்து திரட்டி இந்த மீடியாவை நகர்மன்றதிர்க்கு உள்ளே வரவிடாமல் தடுக்க ஏற்பாடுகள் தீவிரம் அடைவதாக அறிந்தேன்...

உள்ளதை உள்ளபடி உண்மையாக பொது மக்கள் பார்வைக்கு செய்தியாக அறிய தரும் காயல்பட்டணம்.காம் க்கு மிக்க நன்றி உங்கள் பொது சேவை தொய்வின்றி தொடர இந்த துதிபாடியின் வாழ்த்துக்கள்... பாராட்டுக்கள்...

நட்புடன் - தமிழன் முத்து இஸ்மாயில்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

11. Re:ஆணையம் உத்தரவை தொடர்ந்து ...
posted by Salai Sheikh Saleem (Dubai) [11 July 2012]
IP: 217.*.*.*

United Arab Emirates | Comment Reference Number: 19951

DCW தொழிற்சாலையில் இருந்து வெளியாகி நமதூர் கடலில் கலக்கும் கழிவு நீரில் மெர்க்குரி சல்பர் மாசுக்கட்டுப்பாட்டு வாரியத்தால் நிர்ணயிக்கப்பட்டுள்ள அளவினைக்காட்டிலும் அதிகமாகவே இருப்பதாக CFFC ஆய்வு அறிக்கையில் தெளிவாகக் கோடிட்டு காட்டியிருக்கிறது. இந்த ஆய்வறிக்கை தமிழக மாசுக்கட்டுப்பாட்டு வாரியத்தின் அங்கீகாரம் பெற்ற லேப் பில் இருந்து பெறப்பட்டதாகும்.

இப்போது CFFC எனபது அரசில் பதிவுசெய்யப்படாத ஒரு தன்னார்வ தொண்டு இயக்கம் என்பதனால் ஊரில் பாயிசீன் சங்கத்தில் நடைபெற்ற கோட்டத்தில் KEPA உருவாகியது. இனி KEPA தான் என்ன செய்ய போகிறது என்று நமக்கு அறியத்தர வேண்டும்.

ஆனால், நமதூரில் இன்று வரை இந்த கொடிய ஆட்கொல்லி நோய்க்கு நாம் நமது மக்களை காவு கொடுத்துக்கொண்டுதான் இருக்கிறோம் என்பதை யாரும் மறக்க வேண்டாம். கேன்சர் வியாதி நமது சமுதாயத்தில் பரவிக்கிடக்கின்றது. இதற்க்கெல்லாமா நாங்கள் விழிப்புணர்வை ஏற்ப்படுத்த வேண்டும்?

இப்படி யார் பூனைக்கு மணி கட்டுவது என்று யோசித்துகொண்டிருப்பதை விட - கேன்சர் வியாதியால் பாதிக்கப்பட்டவர்களோ அல்லது அவர்களின் உறவினர்களோ DCW முன்னால் உண்ணாவிரதப் போராட்டம் நடாத்தி மீடியாக்களை அழைத்து அரசாங்கத்தின் கவனத்தை ஈர்க்க வேண்டும்.

நான் இதை சொல்லக் காரணம் நமதூரில் பொது நலம் என்று பொதுவில் யாருக்கும் இல்லை. எனவே பட்டவர்களுக்குத்தான் அதன் வலி தெரியும், எனவே நீங்களாவது நமது ஊர் நலம் கருதி, நமது எதிர்கால சந்ததிகளின் வாழ்வாதாரங்களை கருத்தில் கொண்டு இப்படி ஒரு முன்னுதாரானத்தை ஏற்படுத்துங்கள். உங்களின் கோரிக்கைகளை யாரும் மறுக்க முடியாது? எந்த அமைப்பின் உதவியும் நீங்கள் கோர வேண்டியதில்லை.

ஆமாம் அது என்னதோ ஒரு " பாடி'' இயக்கும் என்று ஒன்னு கவிமகனார் ஆரம்பித்து இருக்காராமே? அதில் எனக்கும் ஒரு சீட் வேண்டுமே ? இதிலாவது லஞ்சம் இருக்காதே.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

12. சபாஷ்!!! காயல்பட்டினம்.காம்
posted by Mauroof (Dubai) [12 July 2012]
IP: 195.*.*.*

United Arab Emirates | Comment Reference Number: 19974

"வெற்றி வேண்டுமா போட்டுப்பாரடா எதிர்நீச்சல்~~~
சரிதான் போடா தலைவிதி என்பது வெறும் கூச்சல்~~~

என்னித் துணிந்தால் இங்கு எது நடக்காதது~~~
கொஞ்சம் முயன்றால் இங்கு எது கிடைக்காதது"

என்ற பாடல் வரிகள்தான் செய்தியை படித்ததும் நினைவிற்கு வந்தது.

அடிக்க அடிக்க அம்மியும் நகரும் என்பார்கள். CR # 19927 & CR # 19934 சம்பந்தமாக காயல்பட்டினம்.காம் நிச்சயம் மேல் தகவல்களை திரட்டும் என எதிர்பார்க்கலாம். CR # 19929 தலைப்பே வித்தியாசமா இருக்குதேன்னு படித்துப்பார்த்தால் நம் நகர்மன்ற உறுப்பினர்களுக்கு (அனைவருமல்ல) நாசகார DCW-வில் கிடைக்கும் மரியாதை மற்றும் விருந்து உபசரிப்புகளை பற்றி என்னும்போது நல்லவேளை இந்த கைப்பிள்ளைகள் சென்ற ஆண்டு 29 நவம்பர் அன்று DCW ஆலை விரிவாக்கம் குறித்து நடைபெற்ற பொதுமக்கள் கருத்து கேட்புக் கூட்டத்தில் பங்குபெறாமல் போனது (பங்குபெற்ற உறுப்பினர் கடும் எதிர்ப்பு தெரிவித்திருந்தார்).

நீங்கள் பெற வேண்டிய தகவல்கள் இன்னும் அதிகமதிகம் இருக்கிறது. ROOM போட்டு யோசிச்சு கேளுங்க. நகர சாலை பராமரிப்புக்கென ஒதுக்கப்பட்ட நிதி, அவை செலவழிக்கப்பட்ட விவரம் போன்றவற்றையும் கேளுங்க. "தட்டுங்கள் திறக்கப்படும், கேளுங்கள் கொடுக்கப்படும், கேளுங்கள் என்றாரே RTI கேளுங்கள் என்றாரே".

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்