Kayal on the Web

செய்திகள்

செய்தி எண் (ID #) 9286

#KOTW9286

புதன், அக்டோபர் 3, 2012

ஒரு வீட்டிற்கு ஒரு காஸ் சிலிண்டர் இணைப்புதான்!

செய்தி: காயல்பட்டணம்.காம்
இந்த பக்கம் 3991 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

ஒரு வீட்டிற்கு ஒரு காஸ் சிலிண்டர் இணைப்புதான் என்ற விதிமுறையை தீவிரமாக அமல்படுத்த மத்திய அரசு முடிவு செய்துள்ளது. அதன்படி ஒரே பெயரில் ஒன்றுக்கு மேற்பட்ட காஸ் சிலிண்டர் இணைப்புகள் வைத்துள்ளவர்கள் - வரும் அக்டோபர் 31 க்குள் தங்கள் கூடுதல் இணைப்பை திரும்பி வழங்கவேண்டும். அவ்வாறு வழங்காதபட்சத்தில் - அனைத்து இணைப்புகளும் துண்டிக்கப்படும் என பெட்ரோலிய துறை அமைச்சகம் தெரிவித்துள்ளது.

இரண்டு காஸ் சிலிண்டர் பெற விரும்புபவர்கள் - முறையாக Double Bottle Connection (DBC) திட்டம் மூலம் விண்ணப்பித்து இரண்டாம் சிலிண்டர் பெற்றுக்கொள்ளலாம் என்றும் தெரிவிக்கப்பட்டுள்ளது. ஆனால் அவர் ஒரு சந்தாதாரராகவே கணக்கிடப்பட்டு, ஒரு இணைப்புக்கு - தற்போது வரைமுறைபடுத்தப்பட்ட அளவிற்கு - மானியம் வழங்கப்படும்.

இந்தியாவில் மூன்று அரசு நிறுவனங்கள் (INDIAN OIL CORPORATION, BHARAT PETROLEUM, HINDUSTAN PETROLEUM) காஸ் இணைப்புகளை வழங்குகின்றன. சந்தாதாரர் விபரங்கள் முழுமையாக கணினிமயமாக்கப்பட்டதால் - ஒன்றுக்கு மேற்பட்ட இணைப்பு வைத்துள்ளவர் விபரத்தை எளிதாக கண்டுபிடித்து விடலாம் என அதிகாரிகள் தெரிவித்துள்ளனர்.

இந்திய அரசு - ஒவ்வொரு காஸ் சிலிண்டருக்கும் மானியமாக சுமார் 350 ரூபாய் வழங்குகிறது. இந்தியாவில் மொத்தம் 12.5 கோடி இணைப்புகள் உள்ளன. இந்த வகை மானியமாக மட்டும் - மத்திய அரசு, ஆண்டுக்கு சுமார் 25,000 கோடி ரூபாய் செலவு செய்கிறது. மானிய வகை செலவை குறைக்கும் நோக்கில் - இந்திய அரசு, ஆண்டுக்கு 6 முறை மட்டுமே - மானியத்துடன் காஸ் சிலிண்டர் வழங்கப்படும் என அறிவித்துள்ளது. ஆறுக்கும் கூடுதலாக காஸ் சிலிண்டர் பெற விரும்புவோர், மானியம் நீக்கி சந்தை விலையில் கூடுதல் சிலிண்டர் பெற வேண்டும். செப்டம்பர் 14 முதல் இந்த வழிமுறை அமலுக்கு வந்துள்ளது.

நடப்பு நிதியாண்டில் மீதியுள்ள ஆறு மாதத்தில் 3 முறை தான் மானிய விலையில் காஸ் சிலிண்டர் வழங்கப்படும் என பெட்ரோலிய அமைச்சகம் தெரிவித்துள்ளது. எத்தனை முறை மானிய சிலிண்டர் வழங்கப்பட்டுள்ளது என்ற விபரம் - காஸ் சிலிண்டர் வழங்கும்போது, ரசீதில் அச்சடித்து (1/3, 2/3, 3/3, 1/6, 2/6, 3/6, 4/6, 5/6, 6/6) வழங்கப்படும் என தெரிவிக்கப்பட்டுள்ளது.

ஒவ்வொரு சந்தாதாரரிடமும் DOMESTIC GAS CONSUMER CARD (DGCC) எனப்படும் நீல வர்ண புத்தகம் இருக்கும். அதில் உள்ள சந்தாதாரருக்கான பிரத்தியேக வரிசை எண்ணும், ரசீதில் உள்ள வரிசை எண்ணும் சமமாக உள்ளதா என காஸ் சிலிண்டர் பெறும்போது சரிபார்த்துகொள்ளும்படி அறிவுரை வழங்கப்பட்டுள்ளது.

மானியம் இல்லாத சிலிண்டர் விலை (14.2 kg) சுமார் 750 ரூபாய் என செப்டம்பர் இறுதி வரை இருந்தது. அக்டோபர் 1 முதல் அது சுமார் 880 ரூபாய் என உயர்ந்துள்ளது. இனி ஒவ்வொரு மாதமும் மானியம் இல்லாத சிலிண்டரின் விலை அறிவிக்கப்படும் என தெரிவிக்கப்பட்டுள்ளது.

{TAGS} lpg gas cylinder subsidy dgcc domestic gas

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by mackie noohuthambi (kayalpatnam) [03 October 2012]
IP: 117.*.*.*

India | Comment Reference Number: 22580

மானியம் இலவசம் விலையில்லாதது என்று எப்படி எல்லாமோ பெயர் வைத்து மக்களின் ஓட்டுகளை வாங்குவதற்கான யுக்திகளை கையாண்ட மத்திய மாநில அரசுகள் இப்போது அவற்றை வழங்கினால் ஆட்சி செய்ய முடியாது என்று புரிந்துகொண்டார்கள். மக்களும் அவற்றை எதிர்கொள்ள பழகி கொள்ள வேண்டும். கடையில் சீனி அரிசி, காய்கறி எல்லாம் விலை கொடுத்து வாங்குவதுபோல் சமையல் எரி வாயும் வாங்க வேண்டும்.அரசாங்கம் அதற்கு ஏற்பாடு செய்ய வேண்டும். தட்டுப்பாடு இல்லாமல் வெளி மார்கெட்டில் கிடைத்தால் எப்போதும் பிரச்சினை வராது.

இலங்கையில் ஒருநாள் நான் தங்கும் இடத்தில் சுபுஹு தொழுதுவிட்டு வந்து தேயிலை போட்டுக்கொண்டிருந்தேன். பால் மாவை போட்டவுடன் எரிவாயு தீர்ந்து விட்டது. மனம் படக்கென்றது. பக்கத்தில் இருந்தவரை கேட்டேன். ஒன்னும் யோசிக்காதீர்கள். ஐந்து நிமிடத்தில் காஸ் வந்து விடும் என்று ஒரு நம்பருக்கு பேசினார். என்ன ஆச்சரியம், காலை வேலை 6 மணி இருக்கும். எங்கிருந்தோ ஒருவர் வந்து கேஸ் மாட்டிவிட்டு பணம் வாங்கிகொண்டு போய்விட்டார். நமதூரில் நினைத்து பார்க்க முடியுமா? எத்தனை கேள்விகள், எத்தனை ஆதாரங்கள் எத்தனை நாள் காத்திருக்க வேண்டும். இதற்கு காரணம் வேறொன்றுமில்லை. மானியம் இலவசம் என்ற பேச்சு இல்லை. கையிலே காசு வாயிலே தோசை என்பார்களே அப்படிதான் இதுவும்.