Kayal on the Web

செய்திகள்

செய்தி எண் (ID #) 9552

#KOTW9552

ஞாயிறு, நவம்பர் 4, 2012

சுலைமான் நகர் - சல்லித்திரடு பகுதியில் தேங்கும் மழை நீர்! மாவட்ட ஆட்சியர் அறிவுரைப்படி நிரந்தரத் தீர்வு காண நகர்மன்ற அவசரக் கூட்டத்தில் தீர்மானம்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3077 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சுலைமான் நகர் என்றழைக்கப்படும் மாட்டுக்குளம் மற்றும் அதனையொட்டியுள்ள சல்லித்திரடு பகுதிகளில், அண்மையில் பெய்த வடகிழக்குப் பருவமழை காரணமாக தேங்கியுள்ள மழை நீரை வழிந்தோடச் செய்வதற்கு நிரந்தரத் தீர்வு காண்பது குறித்து, காயல்பட்டினம் நகர்மன்ற அவசரக் கூட்டம், 02.11.2012 வெள்ளிக்கிழமை மாலை 04.00 மணியளவில் நகராட்சி கூட்டரங்கில் - நகர்மன்றத் தலைவர் ஐ.ஆபிதா ஷேக் தலைமையில் நடைபெற்றது. கூட்டப் பொருள் பின்வருமாறு:-

இதுகுறித்து கூட்டத்தில் நீண்ட நேரம் விவாதிக்கப்பட்ட பின்னர், நிறைவேற்றப்பட்ட தீர்மானம் பின்வருமாறு:-

1986-க்கு முன்புள்ள நில உடமை மேம்பாட்டுத் திட்டத்தின் (UDR) புல ஆவணப்படி, மேற்கண்ட பொருள் எண் 1இல் உள்ள பிரச்சனைக்கு நிரந்தரத் தீர்வு காண உயர்திரு மாவட்ட ஆட்சித்தலைவர் அவர்களின் ஆலோனைப்படி செயல்பட மன்றம் தீர்மானிக்கிறது.

இவ்வாறு ஏகமனதாக தீர்மானம் நிறைவேற்றப்பட்டது.

இக்கூட்டத்தில், நகர்மன்றத் துணைத்தலைவர் எஸ்.எம்.முகைதீன் என்ற மும்பை முகைதீன், நகர்மன்ற உறுப்பினர்கள் ஏ.லுக்மான், வி.எம்.எஸ்.முஹம்மத் செய்யித் ஃபாத்திமா, பி.எம்.எஸ்.சாரா உம்மாள், கே.வி.ஏ.டி.முத்து ஹாஜரா, எம்.ஜஹாங்கீர், ஜெ.அந்தோணி, எம்.எம்.டி.பீவி ஃபாத்திமா என்ற பெத்தாதாய், ஏ.ஹைரிய்யா, எஸ்.எம்.பி.பத்ருல் ஹக், ரெங்கநாதன் என்ற சுகு, எம்.எஸ்.எம்.ஷம்சுத்தீன், பாக்கியஷீலா, கே.ஜமால், ஏ.ஏ.அபூபக்கர் அஜ்வாத், இ.எம்.சாமி ஆகியோரும் கலந்துகொண்டனர்.

கூட்டத் துளி...

பார்வையாளர்களுக்கும், செய்தியாளர்களுக்கும் வேண்டுகோள்:
இக்கூட்டத்தில், நகரின் பல்வேறு பகுதிகளைச் சேர்ந்த சிலரும், கூட்டத்தில் விவாதிக்கப்பட்ட இடத்தின் நில உடமையாளர்கள் சிலரும் பார்வையாளர்களாகக் கலந்துகொண்டனர்.

அவர்களின் இருப்பு, வெளிப்படையான விவாதத்திற்கு இடையூறாக இருக்கும் என்பதால், அக்கூட்டத்தில் பார்வையாளர்களாகக் கலந்துகொள்வதைத் தவிர்க்குமாறும், பின்னர் நில உடமையாளர்களை அழைத்து விபரங்களைப் பகிர்ந்துகொள்வதாகவும் நகர்மன்றத் தலைவர் மற்றும் ஆணையர் ஆகியோர் கேட்டுக்கொண்டதற்கிணங்க, நில உடமையாளர்களும், இதர பார்வையாளர்களும் கூட்டரங்கிலிருந்து வெளியேறினர்.

இதே காரணத்திற்காக, கூட்டத்தில் செய்தி சேகரிப்பதற்காக அமர்ந்திருந்த செய்தியாளர்களையும் ஒத்துழைக்குமாறு நகராட்சி ஆணையர் அஷோக் குமார், உறுப்பினர் ஏ.லுக்மான் ஆகியோர் கேட்டுக் கொண்டதற்கிணங்க, அவர்களும், கூட்டரங்கிலிருந்து வெளியேறினர்.

[செய்தி திருத்தப்பட்டுள்ளது @ 12:43 / 05.11.2012]

{TAGS} rain fall rainfall ne mansoon ne mansoon 2012 north east mansoon rain water municipality maattukkulam mattukkulam mattukulam sulaiman nagar salli thiradu salliththiradu municipal meeting november 2012 municipal urgent meeting november 2012

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. நகர் மன்ற கூட்டம் நடைபெற்றது வெள்ளிக்கிழமை மாலை
posted by Habeeb Mohamed Nasrudeen (Qatar) [04 November 2012]
IP: 78.*.*.*

Qatar | Comment Reference Number: 23473

நகர் மன்ற கூட்டம் நடைபெற்றது (02-11-12) வெள்ளிக்கிழமை மாலை

Moderator: திருத்தப்பட்டது. நன்றி.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by K.D.N.MOHAMED LEBBAI (AL-KHOBAR) [04 November 2012]
IP: 37.*.*.*

Saudi Arabia | Comment Reference Number: 23478

அஸ்ஸலாமு அலைக்கும்.

இந்த அவசரக் கூட்ட தீர்மானம் படி சுலைமான் நகர் / சல்லித்திரடு பகுதி பொது மக்களுக்கு நல்ல காரியங்கள் மிகவே துரிதமாக நடக்கும் என்றால் பாரட்டுக்குரியது தான்...

சுலைமான் நகர் பகுதியில் ஏற்பட்டு இருந்த மழை நீர் தேக்க நடவடிக்கையை நம் நகர் மன்றம் ...அந்த பகுதி பொது மக்களின் கஷ்டத்தை உணர்ந்து ....வேகமாக தான் நம் ஆணையர் அவர்களும் / நம் நகர் மன்ற உறுப்பினர்கள் ஒரு சிலரும் நேரில் சென்று செயல் பட்டார்கள் என்பது பாராட்டுக்குரியது தான் ....இருப்பினும் இன்னும் வேகமாக போர்கால அடிப்படையில் நடவடிக்கை எடுத்து இருக்கலாம்...

ரொம்பவே நான் இந்த கூட்ட அரங்கை உற்று கவனித்தேன் ...நகர் மன்ற தலைவி / உறுப்பினர்கள் தவிர வேறு யாருமே அரங்கின் உள் பகுதில் இல்லை...இதுவே இவர்கள் நிதானமாக எந்த ஒரு இடையூறும் இல்லாமல் தீர்க்கமான நல்ல முடிவுகள் எடுக்க வசதியாக இருக்கும் அல்லவா .....

பார்வையாளர்களும் சரி / நிருபர்களும் சரி கொஞ்சம் ஒதுங்கியே தள்ளி இருந்து செயல்படுவதுதான் சரியானது.

போன போட்டோ & வீடியோ கிளிப் ....இவைகளை நாம் பார்த்தால் நமக்கே மனதுக்கு சங்கடமாகவே இருக்கும்..... அவ்வளவு நெருக்கமாகவே ....யார் நகர் மன்ற உறுப்பினர்கள் / யார் பார்வையாளர்கள் ....என்றே நாம் தெரியாமல் தவிப்போம்.....

ஆதலால் இந்த அவசரக் கூட்டம் போன்றே ...வருகின்ற எல்லா கூட்டங்களும் ....பார்வையாளர்களுக்கும் .... நகர் மன்ற உறுப்பினர்களுக்கும் இடை வெளி விட்டு நடத்துவது தான் சிறப்பானது .... நம் நகர் மன்ற தலைவி / உறுப்பினார்கள் ...எந்த ஒரு டென்சனும் இல்லாமல் ...அவர்களாகவே பேசி நிதானமாகவே ஒரு முடிவும் எடுக்க தோதுவாக இருக்கும் அல்லவா ....

மழை காலத்தில் கொசு தொல்லைகள் அதிகமாக இருக்கும்.... ஆதலால் நம் நகர் மன்றம் கண்டிப்பாகவே கொசு மருந்து அடித்து / பவுடர் தூவினால் தான் நம் மக்களுக்கு ஓரளவுக்கு பாதுகாப்பு ....

நம் நகர் மன்ற துணை தலைவர் .அவர்கள் பெரு நாள் அன்று காலை அவர்கள் தொகுதியில் அவர்களின் நேரடி பார்வையில் மழை நீர் தேக்கத்தை சரி செய்வதை பார்த்து ...நாம் மகிழ்சி அடைந்து ....பெரு நாள் அன்றுமா ??? நம் துணை தலைவர் அவர்கள் செயல் பட்டார்கள் என்பதை நினைக்கும் போது நமக்கே ...வியப்புடன் ...மலைப்பாக இருந்தது .....

இது போன்று எங்கள் அம்பல மரைக்கார் தெரு ..உறுப்பினர் நம் மரியாதைக்குரிய சகோதரர்.ஹாஜி .மம்மீன் அவர்களும் எங்கோ வெளி ஊரில் இருந்தாலும் சரி .....ஊரில் இருந்தாலும் சரி தம் தொகுதி மக்கள் மீது முழு கவனம் செலுத்துகிறார்கள்...என்பது குறிப்பிடத்தக்கது & பாராட்டுக்குரியது தான் ....

வஸ்ஸலாம்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. வியாழக்கிழமை?? வெள்ளி கிழமை??
posted by Habeeb Mohamed Nasrudeen (Qatar) [05 November 2012]
IP: 78.*.*.*

Qatar | Comment Reference Number: 23489

02.11.2012 வியாழக்கிழமை அல்ல வெள்ளி கிழமை

Moderator: திருத்தப்பட்டது. நன்றி.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:...
posted by சாளை S.I. ஜியாவுத்தீன் (அல்கோபார்) [05 November 2012]
IP: 37.*.*.*

Saudi Arabia | Comment Reference Number: 23498

இந்த செய்தியில் பலருக்கு பல உண்மைகள் புலப்படவில்லை.

* இந்த சுலைமான் நகர் - சல்லித்திரடு பகுதி எப்படி உருவாகியது.?

* இந்த இடத்திற்கு சொந்தக்காரர் யார்.?

* இதற்க்கு முன்பு இந்த இடம் மழை நீர் தேங்கக்கூடிய குளம், குட்டைகளாக இருந்ததா?

* புறம்போக்கு நிலமா?

* சரியான ஆவணங்கள் அவர்களிடம் உள்ளதா?

இதற்க்கு எல்லாம் விடை கிடைப்பது அரிது. அதான், கூட்டம் நடைபெறும் சமயம் செய்தியாளர்கள், பொதுமக்கள் ஆகியோரை வெளியில் அனுப்பி விட்டீர்களே.!!

இந்த பிரச்சனைக்கு நிரந்தர தீர்வு என்ன?

** இந்த தடவை மோட்டார் வைத்தோ அல்லது பக்கத்து நில சொந்த்தக்காரரிடம் அனுமதி பெற்று வாய்க்கால் வெட்டி தண்ணீரை வெளியேற்றி விடுவீர்கள்.

அடுத்த மழை வந்ததால்...

திரும்பவும்.. தலைவி அவர்களின் விசிட், மக்களின் முற்றுகை போராட்டம், கலக்டரிடம் மனு, மீண்டும் மோட்டார் அல்லது பக்கத்து நில உரிமையாளரிடம் தயவு.. எத்தனை...எத்தனை... நாளைக்குதான் ...இப்படியே ஓட்டுவது.

ஆக, அந்த இடம் குளம், குட்டைகள் இருந்த அரசாங்க நிலமாக இருந்ததால், அவர்களை உடனே அப்புறப்படுத்துங்கள். வேறு நல்ல அரசாங்க நிலம் இருந்தால் அவர்களை அங்கு குடி அமர்த்துங்க, உரிய பட்டாவுடன்.

கூடதலாக, ஊரில் காணமல் போன குளம், குட்டைகளை கண்டுபிடித்து, அடுத்த தலைமுறையிடம் ஒப்படையுங்கள். அவர்களாவது நிம்மதியாக வாழட்டும். இன்ஷா அல்லாஹ்.

சாளை S.I. ஜியாவுத்தீன், அல்கோபார்