காயல்பட்டினம் பெரிய முத்துவாப்பா தைக்கா தெரு - தீவுத்தெரு சந்திப்பில் அமைந்துள்ள மஹான் ஃபழ்லுல்லாஹ் ஸாஹிப் ஈக்கியப்பா அவர்களின் அடக்கஸ்தலத்தில், கந்தூரி நிகழ்ச்சிகள் 26.02.2013 செவ்வாய்க்கிழமையன்று நடைபெற்றது.

அன்று காலை 06.15 மணிக்கு, காயல்பட்டினம் குருவித்துறைப் பள்ளியின் இமாம் மவ்லவீ ஹாஃபிழ் எம்.எல்.முஹம்மத் அலீ தலைமையில் கத்முல் குர்ஆன் ஓதி ஈஸால் தவாப் செய்யப்பட்டது. மாலை 04.45 மணியளவில் மஹான் அவர்களின் புகழ்பாடும் மவ்லித் மஜ்லிஸ், ஹாஜி டி.எம்.கே.சுல்தான் அப்துல் காதிர் தலைமையில் நடைபெற்றது. இரவு 07.30 மணிக்கு ராத்திபத்துல் அஹ்மதிய்யா திக்ர் மஜ்லிஸ், காயல்பட்டினம் பெரிய ஷம்சுத்தீன் பள்ளி இமாம் ஹாஃபிழ் எஸ்.எச்.ஷெய்கு அலீ மவ்லானா தலைமையில் நடைபெற்றது.

பின்னர் ஹாமிதிய்யா குர்ஆன் ஹிஃப்ழு மத்ரஸா ஆசிரியர் ஹாஃபிழ் கே.எம்.எஸ்.முஹ்யித்தீன் அப்துல் காதிர் கிராஅத் ஓத, அதனைத் தொடர்ந்து, சென்னை - புகாரிய்யா அரபிக்கல்லூரியின் பேராசிரியர் மவ்லவீ ஹாஃபிழ் நஹ்வீ ஏ.எம்.முஹ்யித்தீன் லெப்பை ஷக்காஃபீ சன்மார்க்க சொற்பொழிவாற்றினார்.

ஏ.முஹம்மத் ஜியாத் நன்றி கூற, மரைக்கார் பள்ளி இமாம் ஹாஜி டி.எம்.கே.முத்து செய்யித் அஹ்மத் துஆவுடன் நிகழ்ச்சிகள் நிறைவுற்றன.

நிகழ்ச்சிகளனைத்திலும் திரளான பொதுமக்கள் கலந்துகொண்டனர். ஏற்பாடுகளை, வைபவ கமிட்டி தலைவர் நஹ்வீ இ.எஸ்.புகாரீ ஆலிம், துஐணத்தலைவர் ஹாஜி எஸ்.ஏ.பீர் முஹம்மத், செயலாளர் எம்.ஏ.அஹ்மத் லெப்பை, பொருளாளர் கம்பல்பக்ஷ் ஹாஜி எஸ்.எச்.மொகுதூம் முஹம்மத், உறுப்பினர்களான எம்.கே.செய்யித் முஹம்மத், ஹாஜி எஸ்.எம்.எஸ்.முஹம்மத் நூஹ், ஹாஜி சொளுககு எஸ்.எம்.செய்யித் அஹ்மத், ஹாஜி எம்.ஏ.ஸதக்கத்துல்லாஹ், ஹாஜி எம்.எஸ்.பி.முஹம்மத் இஸ்மாஈல், ஹாஜி எஸ்.எஸ்.எம்.செய்யித் முஹம்மத் ஸாஹிப், ஹாஜி எஸ்.எம்.செய்யித் இப்றாஹீம், எம்.ஜெ.செய்யித் இப்றாஹீம், ஹாஜி சொளுக்கு எஸ்.ஏ.கே.முஹ்யித்தீன் அப்துல் காதிர் உள்ளிட்ட குழுவினர் செய்திருந்தனர்.