Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
2:41:37 AM
வியாழன் | 20 ஜுன் 2019 | ஷவ்வால் 17, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:4012:2503:5206:4307:59
Sunrise/Sunset timing for Kayalpatnamஉதயம்06:00Moonrise/Moonset timing for Kayalpatnamஉதயம்21:16
மறைவு18:37மறைவு08:23
Morning Twilight
வானியல்கடல்சமூகம்
04:4305:1005:37
உச்சி
12:19
Evening Twilight
சமூகம்கடல்வானியல்
19:0019:2719:55
Go to Homepage
செய்திகள்
Previous News ItemNext News Item
செய்தி எண் (ID #) 10996
#KOTW10996
Increase Font Size Decrease Font Size
புதன், ஜுன் 12, 2013
உண்டியல் நிதியாக ரூ.1,20,000 சேகரிப்பு! உறுப்பினர் எண்ணிக்கை 75 ஆக உயர்வு!! ஜூன் 22 அன்று வேலைவாய்ப்பு கருத்தரங்கு!!! ஜூன் 29 குடும்ப சங்கம நிகழ்ச்சி!!!! சிங்கை கா.ந.மன்ற செயற்குழுவில் அறிவிப்பு!!!!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2041 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

சிங்கப்பூர் காயல் நல மன்றத்தின் சார்பில், உண்டியல் நன்கொடை சேகரிப்பு நிதியாக ரூபாய் 1 லட்சத்து 20 ஆயிரம் சேகரிக்கப்பட்டுள்ளதாகவும், மன்ற உறுப்பினர்களின் எண்ணிக்கை 75 ஆக உயர்ந்துள்ளதாகவும், இம்மாதம் 22ஆம் தேதியன்று வேலைவாய்ப்பு கருத்தரங்கும், 29ஆம் தேதியன்று குடும்ப சங்கம நிகழ்ச்சியும் நடைபெறவுள்ளதாகவும் அதன் செயற்குழுவில் அறிவிக்கப்பட்டுள்ளது.

கூட்ட நிகழ்வுகள் குறித்து, அம்மன்றத்தின் செயலாளர் எம்.எம்.மொகுதூம் முஹம்மத் வெளியிட்டுள்ள அறிக்கை வருமாறு:-

கூட்ட நிகழ்வுகள்:

கருணையுள்ள அல்லாஹ்வின் பேரருளால், எமது சிங்கப்பூர் காயல் நல மன்றத்தின் செயற்குழுக் கூட்டம், இம்மாதம் 07ஆம் தேதி வெள்ளிக்கிழமையன்று இரவு 19.45 மணிக்கு, மன்ற அலுவலகத்தில் நடைபெற்றது.

ஆலோசகர் உரை:

உறுப்பினர் ஹாஜி எம்.ஜெ.செய்யித் அப்துர்ரஹ்மான் கிராஅத் ஓதி கூட்டத்தைத் துவக்கி வைத்தார். அடுத்து, இக்கூட்டத்திற்குத் தலைமை தாங்கிய - மன்ற ஆலோசகர் ஹாஜி பாளையம் முஹம்மத் ஹஸன் அனைவரையும் வரவேற்றுப் பேசினார்.

நடப்பு கூட்டத்தில் கலந்துகொள்ள அழைப்பு விடுத்து மன்ற நிர்வாகத்தால் அனுப்பப்பட்ட அழைப்புக் குறுஞ்செய்திகளுக்கு பெரும்பாலான உறுப்பினர்கள் பதிலளித்துள்ளதைப் பாராட்டிய அவர், விரைவாக பதிலளித்ததால், கூட்ட ஏற்பாடுகளை சிரமமின்றி செய்ய அது துணையாக அமைந்ததாகவும் கூறினார்.

ஒருங்கிணைப்பாளர் உரை:

அடுத்து, நடப்பு கூட்ட ஒருங்கிணைப்பாளர் எம்.எல்.எஸ்.மொகுதூம் முஹம்மத் சிற்றுரையாற்றினார்.



சிங்கப்பூருக்கு தான் வந்தது, வேலைவாய்ப்பைப் பெற்றது குறித்த அனுபவங்களை கூட்டத்தில் பகிர்ந்துகொண்ட அவர், போட்டிகள் நிறைந்த நடப்புலகில் தகுதியான வேலைவாய்ப்புகளைப் பெறுவதென்பது அவ்வளவு இலகுவானதல்ல என்றும், எனவே, சிங்கப்பூரில் வேலைவாய்ப்பு தேடி வரும் காயலர்கள், தமது ஆளுமைக் குறிப்பை (பயோடேட்டா) அழகுற ஆயத்தம் செய்து வைத்திருப்பது மிகவும் அவசியம் என்றும் கூறினார்.

புதிய உறுப்பினர்கள் அறிமுகம்:

அடுத்து, மன்றத்தில் புதிதாக உறுப்பினரான,
(1) ஷேக் ஹுமாயூன்
(2) எஸ்.எம்.என்.முஹம்மத் அப்துல் காதிர்
(3) அபூபக்கர் ஸித்தீக்
(4) மஹ்மூத் மானாத்தம்பி
(5) ஹாஃபிழ் ஃபஸல் இஸ்மாஈல்
ஆகிய 5 உறுப்பினர்கள் கூட்டத்தில் அறிமுகம் செய்து வைக்கப்பட்டனர்.



இவர்களுடன் சேர்த்து, மன்றத்தின் மொத்த உறுப்பினர்களின் எண்ணிக்கை 75 ஆக உயர்ந்துள்ளதாகவும், விரைவில் 100 உறுப்பினர்கள் என்ற இலக்கை - அனைத்துறுப்பினர்களின் மனமார்ந்த ஒத்துழைப்புடன் இன்ஷாஅல்லாஹ் எட்டவுள்ளதாகவும், புதிய உறுப்பினர்கள் உட்பட அனைத்துறுப்பினர்களும் தகுதியான வேலைவாய்ப்புகளில் உள்ளதாகவும் கூட்டத்தில் தெரிவிக்கப்பட்டது. எல்லாப் புகழும் அல்லாஹ்வுக்கே - அல்ஹம்துலில்லாஹ்.

கடந்த கூட்ட நிகழ்வறிக்கை மீளாய்வு:

அடுத்து, மன்றத்தின் கடந்த செயற்குழுக் கூட்ட நிகழ்வறிக்கையை, மன்றச் செயலாளர் எம்.எம்.மொகுதூம் முஹம்மத் வாசித்து, அக்கூட்டத்தில் நிறைவேற்றப்பட்ட தீர்மானங்கள் மீதான நடவடிக்கைகள் குறித்தும் விளக்கிப் பேசினார்.

மன்றத்திற்காக வங்கியில் வைப்புக் கணக்கு (current account) துவங்குவது குறித்து கருத்து தெரிவித்த மன்ற ஆலோசகர், மேற்படி புதிய வங்கிக் கணக்கு துவங்குவதற்கான பணிகள் நடைபெற்று வருவதாகக் கூறினார்.

வரவு-செலவு கணக்கறிக்கை:

அடுத்து, மன்றத்தின் இதுநாள் வரையிலான வரவு-செலவு கணக்கறிக்கையையும் மன்றச் செயலாளர் வாசிக்க, விசாரணைகளுக்குப் பின் கூட்டம் அதற்கு ஒருமனதாக ஒப்புதலளித்தது.

வேலைவாய்ப்பு திறன் வளர்ப்புக் கருத்தரங்கு:

மன்றத்தின் சார்பில், இம்மாதம் 22ஆம் தேதியன்று வேலைவாய்ப்பு திறன் வளர்ப்புக் கருத்தரங்கத்தை நடத்திட ஏற்கனவே தீர்மானிக்கப்பட்ட படி, அதற்கான ஏற்பாடுகளை - அதற்குரிய குழு கவனிக்குமென்றும், இந்நிகழ்விற்கு அழைப்பு விடுத்து மன்றத்தால் அனுப்பப்படும் குறுஞ்செய்திக்கு விடையளிக்கையில், தமது பணி விபரங்களை மன்ற உறுப்பினர்கள் மறவாமல் குறிப்பிடுமாறும் கூட்டத்தில் கேட்டுக்கொள்ளப்பட்டது.

குடும்ப சங்கம நிகழ்ச்சி:

மன்ற உறுப்பினர்கள் குடும்பத்தினருக்காக மன்றத்தால் நடத்தப்படும் குடும்ப சங்கம நிகழ்ச்சியின் அடுத்த நிகழ்வு இம்மாதம் 29ஆம் தேதியன்று Punggol Waterway Parkஇல் நடத்த திட்டமிடப்பட்டுள்ளது.

இந்நிகழ்விடம் - குடும்ப சங்கம நிகழ்ச்சிக்குப் பொருத்தமானதுதானா என்பதை நேரில் ஆய்ந்தறிந்து வருமாறு மன்ற உறுப்பினர்கள் கேட்டுக்கொள்ளப்பட்டனர்.

விண்ணப்பங்கள் விசாரணை:

பல்வேறு உதவிகள் கோரி, காயல்பட்டினத்திலுள்ள - பொருளாதாரத்தில் நலிவுற்றுள்ள மக்களிடமிருந்து பெறப்பட்ட - இதுநாள் வரையிலான விண்ணப்பங்கள் தொடர்பான முதற்கட்ட விசாரணையறிக்கையை, மன்றத்தின் நிர்வாக ஒருங்கிணைப்பாளர் எம்.ஏ.சி.செய்யித் இஸ்மாஈல் கூட்டத்தில் சமர்ப்பித்தார்.

இவ்வறிக்கையின் அடிப்படையிலான இரண்டாம் கட்ட விசாரணையறிக்கை அடுத்த செயற்குழுக் கூட்டத்திற்கு முன்பாக (இன்ஷாஅல்லாஹ்) பெறப்படும் என கூட்டத்தில் தெரிவிக்கப்பட்டது.

அத்தியாவசிய சமையல் பொருளுதவி - 2013:

புனித ரமழான் மாதம் நெருங்குவதையொட்டி, மன்றத்தின் அத்தியாவசிய சமையல் பொருளுவதவி வழங்கும் திட்டத்தின் கீழ் - அடுத்தகட்ட வினியோகத்திற்கு ஆயத்தமாக வேண்டும் என்று கூறிய மன்ற ஆலோசகர், இத்திட்டம் குறித்து - புதிய உறுப்பினர்களுக்கு விளக்கினார்.

பின்னர், ரமழான் மாதத்திற்கான அத்தியாவசிய சமையல் பொருளுதவி வினியோகத்திற்கான ஏற்பாட்டுப் பணிகளைச் செய்வதற்காக,
(1) ஜெ.எஸ்.தவ்ஹீத்
(2) எம்.ஜெ.செய்யித் அப்துர்ரஹ்மான்
(3) எம்.எஸ்.ஷாஹுல் ஹமீத்
ஆகியோரடங்கிய குழு நியமனம் செய்யப்பட்டது.

முதியோர் நலத்திட்டம்:

மன்றத்தின் புதிய திட்டமான முதியோர் நலத்திட்டத்தின் கீழ் தேர்ந்தெடுக்கப்படும் - காயல்பட்டினத்தைச் சேர்ந்த இயலாநிலையிலுள்ள முதியோரின் நலனுக்கான செலவினங்களை, மன்றத்தின் ஜகாத் நிதியிலிருந்து செய்துகொள்வதென ஏற்கனவே தீர்மானிக்கப்பட்ட படி, இத்திட்டத்தை எளிதான முறையில் செய்வதற்காக, மன்ற உறுப்பினர்கள் தமது ஜகாத் நிதியை மன்றத்தின் மூலம் வழங்கிடுமாறு கூட்டத்தில் வேண்டுகோள் விடுக்கப்பட்டது.

அணிந்த நல்லாடை சேகரிப்பு:

தேவையுடைய காயலர்களுக்கு வழங்குவதற்காக, மன்ற உறுப்பினர்கள், அவர்கள்தம் குடும்பத்தினர் மற்றும் நண்பர்களிடமிருந்து - அணிந்த நல்லாடைகளை சேகரிக்க கூட்டத்தில் தீர்மானிக்கப்பட்டது. இத்திட்டத்தின் கீழ், அணிந்த நல்லாடைகளை வழங்க விரும்புவோர்,
a. Block 129, Bedok North Street 2
b. KWAS Office, Jalan Sultan
ஆகிய இரண்டு சேகரிப்பிடங்களில் வழங்கியொத்துழைக்குமாறு கூட்டத்தில் வேண்டுகோள் விடுக்கப்பட்டது.

புதிய மகவு:

இறையருளால், தனக்குப் புதிதாக பெண் மகவு பிறந்த நற்செய்தியை, மன்றத்தின் துணைக்குழு உறுப்பினர் அபுல் காஸிம் கூட்டத்தில் தெரிவித்து, தாய் - சேய் நலனுக்காக இறையோனிடம் பிரார்த்திக்குமாறு அனைவரையும் அவர் கேட்டுக்கொண்டார். உறுப்பினர்கள் அதற்காக வாழ்த்திப் பிரார்த்தித்தனர்.

அடுத்த கூட்டம்:

மன்றத்தின் அடுத்த செயற்குழுக் கூட்டத்தை, வரும் ஜூலை மாதம் 05ஆம் தேதியன்று நடத்திடவும், அக்கூட்டத்திற்கான ஒருங்கிணைப்புப் பணிகளைக் கவனிப்பதற்காக, மன்றத்தின் துணைக்குழு உறுப்பினர் முஹம்மத் உமர் ரப்பானீ வசம் பொறுப்பளித்தும் கூட்டத்தில் தீர்மானிக்கப்பட்டது.

உண்டியல் திறப்பு:

மன்றத்தின் - நலிந்தோர் நலத்திட்டத்திற்காக சேகரிக்கப்படும் உண்டியல் நிதி சேகரிப்புத் திட்டத்தின் கீழ், சேகரிக்கப்பட்ட அனைத்து உண்டியல்களும் கூட்டத்தின்போது உறுப்பினர்களால் திறந்து, எண்ணப்பட்டது.



இதில், ரூபாய் 1 லட்சத்து 20 ஆயிரம் தொகை உண்டியல் சேகரிப்பு நிதியாகப் பெறப்பட்டு, மன்றத்தின் கருவூலத்தில் சேர்க்கப்பட்டது. எல்லாப்புகழும் அல்லாஹ்வுக்கே - அல்ஹம்துலில்லாஹ்.

வெற்றுண்டியல்களை அந்தந்த உறுப்பினர்களிடம் வழங்கிட, மன்ற உறுப்பினர்களான மஹ்மூத் மானாத்தம்பி, எம்.எஸ்.ஷாஹுல் ஹமீத், துணைக்குழு உறுப்பினர் முஹம்மத் உமர் ரப்பானீ ஆகியோரிடம் பொறுப்பளிக்கப்பட்டது.

கூட்ட நிறைவு:

விவாதிக்க வேறம்சங்கள் இல்லா நிலையில், பி.எம்.எச்.முஹம்மத் அப்துல் காதிர் துஆவுடன் கூட்டம் நிறைவுற்றது. இக்கூட்டத்தில், மன்றத்தின் செயற்குழு – துணைக்குழு உறுப்பினர்கள், சிறப்பழைப்பாளர்கள் மற்றும் புதிய உறுப்பினர்கள் கலந்துகொண்டனர்.



பின்னர், மன்ற உறுப்பினர் அப்துர்ரஹீமைப் பங்குதாரராகக் கொண்ட - அன்னலக்ஷ்மி ரெஸ்டாரென்ட் அன்ட் கேட்டரிங் ப்ரைவேட் லிமிட்டெட் நிறுவனத்திலிருந்து தருவாக்கப்பட்ட உணவுப் பதார்த்தங்கள் அனைவருக்கும் இரவுணவாக வழங்கியுபசரிக்கப்பட்டது.




இவ்வாறு, சிங்கப்பூர் காயல் நல மன்ற செயற்குழுக் கூட்டம் குறித்து, அதன் செயலாளர் எம்.எம்.மொகுதூம் முஹம்மத் தனதறிக்கையில் தெரிவித்துள்ளார்.

[செய்தியில் கூடுதல் தகவல் இணைக்கப்பட்டது @ 16:45 / 12.06.2013]


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by சாளை S.I.ஜியாவுத்தீன் (அல்கோபார் ) [12 June 2013]
IP: 94.*.*.* Saudi Arabia | Comment Reference Number: 27939

எதிலும் முதன்மை, அனைத்திலும் முழுமை இதுவே சிங்கை காயல் நல மன்றத்தின் சிறப்பு.

காரணம் சரியான ஆளுமையுடன் கூடிய ஆலோசனை, ஈகோ இல்லாத நட்புறவுகள், கட்டுக்கோப்பான ஒற்றுமை, குடும்பங்களுக்கிடையே ஆழமான பிணைப்புகள்.. etc.. இவைகள் அனைத்தும் நிரந்தரமாக நிலைத்து நிற்க பிராத்திக்கின்றேன்.

பட்டியலிட்டு நல உதவிகளை பரவலாக ஊர் மக்களுக்கு பகுத்து உதவி வருகிறார்கள். மாஷா அல்லாஹ்.

வேலைவாய்ப்பு கருத்தரங்கு, அருமையான திட்டம், கூடவே பல சகோதரர்கள் அங்கு வந்து, வேலை கிடைக்காமல் திரும்பியது, பல மாதங்கள் வேலை செய்தும், பாதியில் வேலை இழந்து ஊர் திரும்பியதும் நடைபெற்று வருகிறதே. அதற்கான காரணம் என்ன? இதை தவிர்ப்பது எப்படி என்றும் இந்த கருத்தரங்கில் விவாதித்தால் நன்றாக இருக்குமே.

"அன்னலக்ஷ்மி" உணவை திணற திணற சுவைத்த மாதிரி உள்ளது, இறுதி போட்டோவில் இருப்பவர்களின் கன்னங்கள் காட்டிக்கொடுக்கின்றனவே..!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. நல்லதோர் நல மன்றம்...!
posted by M.N.L.முஹம்மது ரபீக், (காயல்பட்டினம்.) [12 June 2013]
IP: 117.*.*.* India | Comment Reference Number: 27949

நம்ம நாட்டு மதிப்புக்கு இப்படி சில்லரையாப் போட்டாலும் சில ஆயிரங்களைத் தாண்டாது. சிங்கப்பூர் உண்டியலை குலுக்க குலுக்க சிறப்பான ஒரு தொகை சேருதப்பா...! வாழ்த்துக்கள். இன்னும் நல்லா குலுக்கி ஊர் நன்மைக்கு உதவுங்க!

மண்ணின் மைந்தன் இல்லாத குறையை மைந்தனின் சகோதரன் இருந்து சிறப்பித்துள்ளார். அல்லாஹ் உங்கள் அனைவரது வருமானத்தை இன்னும் பன்மடங்காக உயர்த்தி வளமான வாழ்க்கையைத் தந்தருள்வானாக! ஆமீன்.

-ராபியா மணாளன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. சொல்லாம பறையாம....???
posted by S.K.Salih (Kayalpatnam) [12 June 2013]
IP: 117.*.*.* India | Comment Reference Number: 27950

புதிய உறுப்பினராகியுள்ள அன்புத் தம்பி எஸ்.எம்.என்.முஹம்மத் அப்துல் காதிர் அவர்களுக்கு அஸ்ஸலாமு அலைக்கும்!

அண்மையில் பெங்களூருவில் நடைபெற்ற - பெங்களூரு காயல் நல மன்ற பொதுக்குழுக் கூட்டத்தில் பங்கேற்கச் சென்றிருக்கையில், என்னை உங்களுடன் தங்க வைத்து, குறுகிய நேரத்தில் பல இடங்களையும் சுற்றிக் காண்பித்தீர். கோடை விடுமுறையில் குடும்பத்தோடு வாருங்கள் என்று அழைப்பும் விடுத்திருந்தீர்...

ஆனால், இப்படி திடீர் புடீர் என சொல்லாம பறையாம சிங்கப்பூர் போயிட்டீங்களே...? :-))

உங்களது முன்னேற்றம் எனக்கு இன்ப அதிர்ச்சியைத் தந்தது. வல்ல அல்லாஹ் இப்புதிய வேலைவாய்ப்பை உங்களுக்கு மனநிறைவானதாக ஆக்கி, தங்கள் வாழ்வை வசந்தமாக்கி அருள்வானாக, ஆமீன்.

நண்பன் ஹாஃபிழ் ஃபஸல் இஸ்மாஈலுக்கும் எனது அன்பான அஸ்ஸலாமு அலைக்கும். உங்களையெல்லாம் இப்படிப் பார்ப்பதில் உள்ளபடியே மகிழ்ச்சியடைகிறேன்.

ஊரை விட்டுப் போனாலும்
ஊரை மறவாதீர்!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. வல்ல இறைவனின் அருள் அன்பு சகோதரர்களுக்கு மேலும் பெருகட்டுமாக... ஆமின்...
posted by M.S.M. சம்சுதீன் - நகரமன்ற உறுப்பினர் - 13 வது வார்டு (காயல்பட்டினம்.) [12 June 2013]
IP: 117.*.*.* India | Comment Reference Number: 27969

அன்பு நண்பர் சாலை சேக் ஹுமாயூனை புகைபடத்தில் பார்த்து மிக்க சந்தோசம்...

ஊரை விட்டுப் போனாலும் ஊரை மறவாதிருக்கும் அன்பு சகோதரர்களின் நிதி அளிப்பு செய்தி மகிழ்ச்சி அளிக்கிறது...

வல்ல இறைவனின் அருள் அன்பு சகோதரர்களுக்கு மேலும் பெருகட்டுமாக... ஆமின்...


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...
posted by NUSKI MOHAMED EISA LEBBAI (RIYADH KSA) [13 June 2013]
IP: 2.*.*.* Saudi Arabia | Comment Reference Number: 28014

மதிப்புமிகு ஹசன் சார் அவர்களின் சீரிய வழிகாட்டலின் படி நடை பெற்றுவரும் சிங்கை காயல் நற்பணிமன்றம் ஆற்றிவரும் மகத்தான பணிகள் நின்றுநிலைக்க மனமார வாழ்த்துகிறேன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Fathima JewellersAKM Jewellers
FaamsCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved