{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் கே.பி.எல். கால்பந்துப் போட்டிகள், காயல்பட்டினம் ஐக்கிய விளையாட்டு சங்க மைதானத்தில், இம்மாதம் 02ஆம் தேதி முதல் நடைபெற்று வருகிறது.

ஜூன் 11ஆம் தேதியன்று நடைபெற்ற இறுதி லீக் போட்டிகளின் முடிவுகள் குறித்த விபரத்தை, சுற்றுப்போட்டிக் குழு பின்வருமாறு தெரிவித்துள்ளது:-

V-United Sports Club பெருமையுடன் வழங்கும் 5-ம் ஆண்டின் காயல் பிரிமியர் லீக் கால்பந்து சுற்றுப் போட்டியின் லீக் சுற்றுகளின் இறுதி நாளின் இறுதிப் போட்டியிலேயே அரையிறுதிக்கு செல்லும் அணி முடிவானது. முன் எப்பொழுதும் இல்லாத அளவிற்கு இவ்வருடம் அரையிறுதிப் போட்டியில் பங்குபெறும் அணிகள் எது என்பதில் அணிகளுக்கு இடையே கடும் போட்டி நிலவி வந்தது. இன்றை இறுதி நாளில் அணிகள் பெரும் புள்ளிகளை கணக்கில் கொண்டே அரையிறுதிக்கு செல்லும் அணியை உறுதி செய்ய இயலும் என்ற நிலை உருவானது.

இன்று காலை நடைபெற்ற முதல் போட்டியில் PHM 7 Star அணியும், Knight Riders அணியும் விளையாடின. 7 புள்ளிகள் பெற்றிருந்த Knight Riders அணி இப்போட்டியில் வெற்றிபெற்றால் அரையிறுதிக்கு தகுதிபெற வாய்ப்புள்ளது என்ற நிலையிலும், PHM 7 Star அணியினர் இந்த போட்டியில் வெற்றி பெற்றால் புள்ளிப் பட்டியலில் முதலிடம் பெறலாம் என்ற நிலையிலும் களம் கண்டனர்.

மிகவும் பரபரப்பாக நடைபெற்ற இப்போட்டியில் இரண்டு அணிகளும் ஆட்டநேர இறுதிவரை கோல் எதுவும் அடிக்காததால் போட்டி சமநிலையில் முடிவுற்றது.

இரண்டாவது போட்டியில் 10 புள்ளிகளுடன் அரையிறுதி வாய்ப்பை உறுதி செய்யும் நோக்குடனும், புள்ளி பட்டியளில் முன்னிலை பெறவேண்டும் என்ற நோக்குடனும் Gallery Birds அணி களம் கண்டது. 12 புள்ளிகளுடன் விளையாடிய BGF United அணி வெற்றிபெற்று புள்ளி பட்டியலில் முதலிடம் பெறவேண்டும் என்ற நோக்குடன் விளையாடியது.

இப்போட்டியில் Gallery Birds அணி 2-1 என்ற கோல் கணக்கில் வெற்றிபெற்று, புள்ளிப் பட்டியலில் முதலிடம் பிடித்தது. அந்த அணிக்காக காழிஅலாவுத்தீன் 2 கோல்களையும், BGF United அணிக்காக ஹனீஃபா ஒரு கோலையும் அடித்தனர்.

மாலை நடைபெற்ற முதல் போட்டியில் 8 புள்ளிகளை பெற்றிருந்த Kayal Chelsea அணியினர் வெற்றிபெற்றால் மட்டுமே அரையிறுதிக்கு தகுதி பெறலாம் என்ற நிலையிலும், இந்த சுற்றுப் போட்டியில் வெற்றிகளையே கண்டிராத Fi-Sky Boys அணியினர், ஒரு வெற்றியையாவது பெறவேண்டும் என்ற முனைப்புடன் விளையாடியது.

இப்போட்டியில் Kayal Chelsea அணியின் வீரர் நவீத் ஒரு கோல் அடித்தார், Fi-Sky Boys அணிக்காக அப்துல் ரஹ்மான் ஒரு கோல் அடித்தார். எனவே போட்டி 1-1 என்ற கோல் கணக்கில் சமநிலை பெற்றது. இதன் மூலம் Kayal Chelsea அணி அரையிறுதி செல்லும் வாய்ப்பை இழந்தது.

இரண்டாவது போட்டியில் 6 புள்ளிகள் பெற்றிருந்த Bangkok Ball Busters அணியினர் 2 கோல்கள் அடித்து வெற்றிபெற்றால் அரையிறுதிக்கு செல்ல வாய்ப்புள்ளது என்ற நிலையிலும், 9 புள்ளிகளை பெற்றிருந்த Strange Spikers அணியினர் போட்யை சமன் செய்தாலே அறையிறுதிப் போட்டியில் பங்குபெறும் வாய்ப்பை பெறலாம் என்ற நிலையிலும் விளையாடினார்கள்.

இப்போட்டியில் இறுதி வரை இரு அணிகளும் கோல் எதுவும் அடிக்காததால் போட்டி சமநிலையில் முடிவுற்றது. எனவே Strange Spikers அணி அரையிறு வாய்ப்பை பெற்றது.

நாளை (12/06/2013) மாலை 4 மணிக்கு நடைபெற உள்ள முதலாவது அரையிறுதிப் போட்டியில் Gallery Birds அணியும், PHM 7 Star அணியும் விளையாட உள்ளன.

நாளை (12/062013) மாலை 5 மணிக்கு நடைபெற உள்ள இரண்டாவது அரையிறுதிப் போட்டியில் BGF United அணியும், Strange Spikers அணியும் விளையாட உள்ளன.

விளையாட்டுப் போட்டியின் படக்காட்சி மற்றும் புள்ளி விபரப் பட்டியல் வருமாறு:-





இவ்வாறு, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் தெரிவிக்கப்பட்டுள்ளது.

தகவல்:
M.ஜஹாங்கீர்