{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் கே.பி.எல். கால்பந்துப் போட்டிகள், காயல்பட்டினம் ஐக்கிய விளையாட்டு சங்க மைதானத்தில், இம்மாதம் 02ஆம் தேதி முதல் நடைபெற்று வருகிறது.

ஜூன் 13ஆம் தேதியன்று (நாளை) நடைபெறவுள்ள இறுதிப் போட்டியில், காலரி பேர்ட்ஸ் அணியும், பி.ஜி.எஃப். யுனைட்டெட் அணியும் மோதவுள்ளன.

இன்று நடைபெற்ற அரையிறுதிப் போட்டிகளின் முடிவுகள் குறித்த விபரத்தை, சுற்றுப்போட்டிக் குழு பின்வருமாறு தெரிவித்துள்ளது:-

V-United Sports Club பெருமையுடன் நடத்தும் 5-ம் ஆண்டு காயல் பிரிமியர் லீக் கால்பந்து போட்டியில் இன்று (12/06) மாலை அரையிறுதிப் போட்டிகள் நடைபெற்றன. முதலாவது அரையிறுதிப் போட்டியில் Gallery Birds அணியும், PHM 7 Star அணியும் விளையாடின.

இதில் Gallery Birds அணியின் வீரர் காழி அலாவுத்தீன் போட்டியின் முதல் பாதியிலேயே தனக்கு கிடைத்த வாய்ப்பை பயன்படுத்தி ஒரு கோலை அடித்தார். இதனைத் தொடர்ந்து ஆட்டநேர இறுதி வரை போராடிய PHM 7 Star அணியினரால் கோல் எதுவும் அடிக்க முடியாததால் Gallery Birds அணி 1-0 என்ற கோல் கணக்கில் வெற்றிபெற்று நாளை நடைபெற உள்ள இறுதிப் போட்டிக்கு தகுதி பெற்றது.

பின்னர் நடைபெற்ற இரண்டாவது அரையிறுதிப் போட்டியில் BGF United அணியும், Strange Spikers அணியும் விளையாடின. சமபளம் வாய்ந்த இரண்டு அணிகளும் விளையாடிய இப்போட்டியில் முதல்பாதி ஆட்டம் முடியும் வரை இரண்டு அணிகளும் கோல் எதுவுமின்றி சமநிலையில் இருந்தது.

தொடர்ந்து நடைபெற்ற இரண்டாவது பாதி ஆட்டத்தில் BGF United அணியின் வீரர்கள் மூஸா மற்றும் ஹனீஃபா தலா ஒரு கோல் அடித்து தமது அணியை 2-0 என்ற கோல் கணக்கில் முன்னிலை படுத்தினர். பின்னர் ஆட்டநேர இறுதி வரை போராடிய Strange Spikers அணியினரால் கோல் எதுவும் அடிக்க முடியாததால் BGF United அணியினர் 2-0 என்ற கோல் கணக்கில் வெற்றிபெற்று நாளை நடைபெற உள்ள இறுதிப்போட்டிக்கு தகுதி பெற்றது.

நாளை (13/06/2013) மாலை 5 மணிக்கு நடைபெற உள்ள இறுதிப் போட்டியில் Gallery Birds அணியும், BGF United அணியும் விளையாட உள்ளன.

இப்போட்டியில் வெற்றிபெறும் அணியினருக்கு சுழற்கோப்பையும், ரூபாய் 15 ஆயிரம் ரொக்கப் பரிசும் வழங்கப்பட உள்ளது.

இரண்டாம் இடம் பெறும் அணிக்கு சுழற்கோப்பையும், ரூபாய் 10 ஆயிரம் ரொக்கப் பரிசும் வழங்கப்பட உள்ளது.

மூன்றாம் இடம் பிடித்த PHM 7 Star அணியினருக்கு ரூபாய் 3 ஆயிரம் ரொக்கப்ப பரிசு வழங்கப்பட உள்ளது.

நான்காம் இடம் பிடித்த Strange Spikers அணியினருக்கு ரூபாய் 3 ஆயிரம் ரொக்கப் பரிசு வழங்கப்பட உள்ளது.

Bset Defender, Best Striker, Best Midfield, Best Rising Star, Best Goal Keeper, Man Of The Match மற்றும் Man Of tournament ஆகிய பரிசுகளும் வழங்கப்பட உள்ளன.

இறுதிப் போட்டியைக் காண வரும் கால்பந்து ரசிகர்களில் 45 நபர்கள் குலுக்கல் முறையில் தேர்வு செய்யப்பட்டு பரிசுகளும் வழங்கப்பட உள்ளன.

விளையாட்டுப் போட்டியின் படக்காட்சிகள் வருமாறு:-





இவ்வாறு, வி-யுனைட்டெட் கே.பி.எல். சுற்றுப்போட்டிக் குழுவின் சார்பில் தெரிவிக்கப்பட்டுள்ளது.

தகவல்:
M.ஜஹாங்கீர்