IP: 217.*.*.* United Arab Emirates

இயற்கையின் சீற்றத்தால் சிக்கிண்டு போய்க்கிடக்கும் எம் ஊரையும்,எம் மக்களையும் காணும் போது எங்கள் கண்கள் எல்லாம் குளமாகிறது, ஊரெங்கும் நீர் தேக்கம் உருவாகியுள்ளது. காட்டாற்று வெள்ளமாய் கரை புரண்டோடும் வெள்ளத்தால் மக்கள் செய்வதறியாது திகைத்துப்போயுள்ளனர்.

வான் மழை பொழியவேண்டும் என்று வல்லோனிடம் கேட்ட பள்ளிவாயில் எல்லாம் மழைநீர் துயில் கொள்கிறது போதும்,போதும் உன் மழை ரஹ்மத் இனி வறண்ட,வறச்சி பகுதிகளை நனைப்பாய் என்று மக்கள் குறிப்பாக பெண்கள் மனதுரைக்க கேட்கும் துஆக்கள் இறையருளாள் கபுளாகியேவேண்டும் இல்லையேல் இன்னும் தத்தளித்து கழிவு நீர் கலந்து மென்மேலும் மக்களுக்கு பெரும் பாதிப்புக்கள் ,கொசு பெருக்கம் போன்ற இதர தீமைகள் ஏற்படாமல் வல்லவனே நீயே காப்பு.

இந்த நேரத்தில் நகராச்சி, வருவாய்த் துறை , நெடுஞ்சாலைத் துறை மற்றும் அதிகாரிளை குறைசொல்லி என்ன பயன்,கழிவு நீர் ஒரு பகுதிலிருந்து மறு பகுதிக்கு மாற்றும் போது ஏற்படும் ஒற்றுமையின்மை ,பொதுமக்களின் ஆவேசத்தாள் ஏற்படும் முறையட்ற வாக்குவாதம், நகராச்சியின் வலிமையில்லா செயல்பாடுகளை எல்லாம் தற்போது பார்க்கும் பொது இதற்கான நிரந்தர தீர்வு நாம் எல்லாம் ஒட்டு மொத்தமாக எதிர்த்த பாதாள சாக்கடை திட்டம் ஒன்றே எதிர்கால மழைவெள்ளத்தை கட்டுபடுத்தும் என்பது என் தனி பட்ட கருத்து .

பல ஊர்களில் முறைப்படி பாதாள சாக்கடை திட்டம் வெற்றி அடைந்திருப்பதால் நாமும் அதை முன்னோக்கி செல்லவேண்டும் அதை விடுத்து குளத்தை ,குட்டையை காணோம் என்று அங்கலாய்ப்பது எந்தவிதத்தில் சரியாகும் , நம் பெண் மக்களுக்கு வீடு கொடுக்கும் பழக்கம் வாழையடி வாழையாக தொடர்வதால் இனி அகண்ட காயல்பதி உருவாக்கும் காலத்தின் கட்டாயம் ,

எனவே தயவுகூர்ந்து இப்பாதாள திட்டம் ஆரம்பத்தில் சிரமத்தை தந்தாலும் இதுவே வருங்கால இது போன்ற மழைவெள்ளத்திற்கு நிரந்தர தீர்வாய் அமையும் அதற்க்கான படித்தரங்களை முனைப்போடு இப்போதே எடுத்தாகவேண்டும்.

இந்த இணையதளைதில் ஒரு கருத்து வோட்டு பெட்டியை பாதாள சாக்கடை திட்டம் வேண்டுமா? வேண்டாமா: என ஒரு கேள்விக்கனை தொடுக்க ஆயுத்தம் செய்யலாமே.

உம்------ எனது இந்த வேண்டுகோளை எத்தனை பேர் யுத்தம் செய்கிறார்கள், குத்தம் சொல்கிறார்கள் பார்ப்போம்.

தொடரட்டும் உங்கள் கருத்து யுத்தம்.

A.R.Refaye
Abudhabi .

நம் ஊருக்கு பாதாள சாக்கடை திட்டம் அவசியமில்லாத ஒன்று.. முக்கியமாக நமக்கு மழைநீர் வடிகால் அமைப்பு தேவை. தாழ்வுப்பகுதிகளில் உள்ள மழைநீர் கடலுக்குள் செல்ல கட்டமைப்பு வசதி செய்யப்பட வேண்டும். எனினும் இத்திட்டத்தில் சில தீமைகள் உண்டு. கடல்நீர் மட்டம் அதிகரிக்கும்போது கடல் நீர் உள்வாங்கிவர வாய்ப்புகள் உள்ளன.அது எப்போதாவதுதான் நிகழும் .

அஸ்ஸலாமு அலைக்கும் வரமத்துல்லாஹி வபர்க்காத்துஹு.

இறையருள் நிறைக.

கழிவுநீர் வடிகாலும் மழைநீர்வடிகாலும் மிகவும் அவசியம். நமக்கு ஜீவனதியென்று என்ன இருக்கிறது இருந்தகுளம்குட்டைகள்தானே தேடச்சொல்கிறோம். அதுபோன்ற நீராதார இடங்களைவிட்டுவிட்டு அதற்கான நல்லமுடிவைக்காணலாம், 90விழுக்காடு காடுகளும் இயற்கைவளங்களும் அழிக்கப்பட்டுவிட்டன இருப்பதையாவது பாதுகாத்துக்கொள்வோம் இன்ஷா அல்லாஹ்.

குஜராத்தில்வந்த நிலடுக்கத்திற்குக்காகரணம் மிகநெருக்கமான கட்டிடஅமைப்புகளே அறிவியல் ஆதாரங்கள் சொல்கிறது காற்றுப்புகவும் நீர்செல்லவும் வழியில்லையென்றால் இயற்கைதனக்குத்தேவையானதைத்தானே எடுத்துக்கொள்ளும் அல்லாஹ் அப்படிஒரு ஆபத்துவராமல் நம்மைக்காப்பாற்றுவானாக ஆமீன்.

பேராசைகளின் முடிவு நிராசைகளே விட்டுக்கொடுக்கும் மனப்பாங்கோடு ஒற்றுமையாக செயல்படுவோம் வெற்றியைத்தர அல்லாஹ் போதுமானவன்.

நம்மூரைச்சுற்றியுள்ள இந்தநீர் தேக்கங்கள் நமக்கு ஒருஎச்சரிக்கைமணியே அரசுத்துறையும் பொதுமக்களும் ஒன்றுபட்டு நல்லமுடிவுஎடுக்கவேண்டும் இன்ஷா ல்லாஹ் நல்லதே நடக்குமென நம்புவோம் அல்ஹம்துலில்லாஹ்.

இறைவன் மிகப்பெரியவன்.

இறையடிமை,
ஷேக் அப்துல் காதிர்.

IP: 83.*.*.* United Arab Emirates

பாதாள சாக்கடைத் திட்டம் வெற்றி என்று வெளியூரில் உட்கார்ந்து கொண்டு சொல்வது சரிதானா? அவர் குறிப்பிட்டுள்ள திருச்செந்தூரை போய் பார்க்கட்டும். 3 வருடமாக சீரழியும் நிலை. அங்கு போகவே முடியாது. நாற்றமும், சாக்கடையும், எங்கும் ரோடு குண்டும் குழியும்தான்.

முதலில் பாதாள சாக்கடை மழை நீரை எடுத்துக் செல்லாது என்பதை அவர் அறியட்டும். அதற்குபதில் மழையினால் பாதாள சாக்கடை மூலம் கடல் நீர் High Tide ல் Return ஆகி வீட்டுக்குள் சாக்கடை தான் வருமென்பதை அவர் அறியட்டும்.

நான், ஒரு Water Treatment Specialist என்ற முறையில் நம்மூர் சாக்கடை திட்டத்தை நிறுத்துவதற்கு காரணமே, முதலாவதாக சாக்கடை திட்டம் வந்தால் நிலத்தடி நீர் அகலபாதாளத்திற்குபோய் கடல்நீர் வந்து எல்லா சந்ததியினரும் கடல் நீரில்தான் குளிக்கணும், துவைக்கணும், சமைக்கணும் என்பதை அவர் அறியட்டும்.

மேலும் தற்பொழுது Neat ஆகி புதுவேஷ்டியுடன் பள்ளிக்கு போய் தொழுது வருவோர், சாக்கடை வந்தபின் நஜீஸுடன்தான் வீடு திரும்புவார் என்பதை அறியட்டும்.

அத்துடன் நம்மூருக்குள் வராத Hinjeerம் ஊருக்குள் வந்துவிடும். அங்கங்கே Manhole திறந்து இருக்கும். நமது நகராட்சி உடனே நடவடிக்கை எடுப்பார்கள் என்று நினைக்கிறார் போலும்.

அத்துடன் ஒரு வீட்டுக்கு சுமார் 20,000 த்திலிருந்து 40,000 ரூ வரை Drainage Connectionக்கு செலவு செய்து connect பண்ணவேண்டும். வருடத்திற்கு Drainage fees ஆக 2600 ரூ தற்பொழுது கட்ட வேண்டி வரும். இதற்குத்தான் அவர் விரும்புகிறார் போலும்.

நம் முன்னோர்கள் படித்திருக்காவிட்டாலும், நல்லபடி செயல்பட்டுள்ளார்கள். நான் இந்த fieldல் படித்து அனுபவப்பட்டு சொல்வதை முன்னோர்கள் படிக்காமலே நம்மூருக்கு Septic Tank leaches systemத்தை தந்து போய் உள்ளார்கள்.

எனவே வேண்டவே வேண்டாம் சாக்கடை திட்டம். சாக்கடைதிட்டம் மழை நீரை உட்கொள்ளாது மாறாக மழைநீர் வடிகால் வரலாம்.

Landmark Ravanna Abulhasan Haji.