{ முகநூல் கருத்துக்கள்}{ட்விட்டர் கருத்துக்கள்}

70வது சந்தோஷ் கோப்பைக்கான கால்பந்து போட்டிகள் பிப்ரவரி 29 அன்று நாக்பூரில் துவங்கின. இரு பிரிவுகளாக - பத்து அணிகள் இப்போட்டிகளில் கலந்துக்கொள்கின்றன.

பி பிரிவில் இடம்பெற்றுள்ள தமிழக அணி, மார்ச் 1 அன்று, தனது முதல் போட்டியில் - அஸ்ஸாம் அணியை, 3 - 0 என்ற கோல் கணக்கில் வென்றது.

மார்ச் 5 அன்று நடைபெற்ற, கோவா அணிக்கு எதிரான தனது இரண்டாவது போட்டியில் - தமிழக அணி 0-0 என டிரா செய்தது.

தமிழக அணியின் மூன்றாவது போட்டி இன்று நடைபெற்றது. இன்றைய போட்டியில் வங்காள அணியை எதிர்கொண்ட தமிழக அணி, 1-0 என்ற கோல் கணக்கில் வெற்றிபெற்றது.

மூன்று போட்டிகளில், 2 போட்டியில் வென்றும், 1 போட்டியில் டிரா செய்தும், தமிழக அணி - தனது பிரிவில் (பி), 7 புள்ளிகளுடன் 2வது இடத்தில உள்ளது.

கோவா அணி - நான்கு போட்டிகளில் விளையாடி - 3 போட்டிகளில் வென்றும், 1 போட்டியில் டிரா செய்தும், தனது பிரிவில் (பி), 10 புள்ளிகளுடன் 1வது இடத்தில உள்ளது.

இதன் மூலம், கோவா அணியும், தமிழக அணியும் அரை இறுதி போட்டிகளில் விளையாடுவதை உறுதி செய்துள்ளன.

அரை இறுதி போட்டிக்கு முன்பான மார்ச் 9 அன்று நடைபெற்றும் தனது இறுதி சுற்று போட்டியில், தமிழகம் பஞ்சாப் அணியை சந்திக்க உள்ளது.

தமிழக அணியின் கேப்டன், காயல்பட்டினம் சார்ந்த காழி அலாவுதீன் என்பது குறிப்பிடத்தக்கது.