{ முகநூல் கருத்துக்கள்}{ட்விட்டர் கருத்துக்கள்}

பாகம் 01 | பாகம் 02 | பாகம் 03 | பாகம் 04 | பாகம் 05 | பாகம் 06 | பாகம் 07 | பாகம் 08 | பாகம் 09 | பாகம் 10 | }

காயல்பட்டினம் நகராட்சி கஜானாவில் நகர்மன்ற முன்னாள் தலைவர் ஐ.ஆபிதா ஷேக் எவ்வளவு பணத்தை விட்டுச் சென்றுள்ளார் என்பது குறித்த தகவல்களை உள்ளடக்கி, “நடப்பது என்ன?” சமூக ஊடகக் குழுமம் வெளியிட்டுள்ள தகவலறிக்கை:-

அக்டோபர் 2016 இல் திருமதி ஐ.ஆபிதா சேக் உடைய பதவிக்காலம் நிறைவுற்றது. அவரின் பதவிக்காலம் நிறைவு பெறுவதற்கு முன்பான முழு நிதியாண்டு 2015-2016 ஆகும்.

2015-2016 நிதியாண்டில் மட்டும், காயல்பட்டினம் நகராட்சி கஜானாவிற்கு புதிதாக வந்த தொகை (RECEIPTS) - 14 கோடியே, 9 லட்சத்து, 33 ஆயிரத்து, 559 ரூபாய் (14,09,33,559).

அந்த நிதியாண்டில் (2015-2016), காயல்பட்டினம் நகராட்சி செலவு செய்த தொகை (PAYMENTS) - 8 கோடியே, 50 லட்சத்து, 75 ஆயிரத்து, 89 ரூபாய் (8,50,75,089) ஆகும்.

அதாவது, அவ்வாண்டு புதிதாக வந்த தொகையை விட, 5.5 கோடி ரூபாய் குறைவாக - காயல்பட்டினம் நகராட்சியால் செலவு செய்யப்பட்டது.

அந்நிதியாண்டு (2015-2016) இறுதியில், காயல்பட்டினம் நகராட்சியின் வங்கி கணக்குகளில் இருந்த தொகை - 19 கோடியே, 22 லட்சத்து, 70 ஆயிரத்து, 261 ரூபாய் (19,22,70,261).

2015-2016 நிதியாண்டில், காயல்பட்டினம் நகராட்சி கூடுதலாக இரண்டு வங்கி கணக்குகளை துவக்கியது. அதில் ஒன்று - ஐ.சி.ஐ.சி.ஐ. வங்கியில் துவக்கப்பட்ட - ஸ்வச் பாரத் திட்டம் வகைக்கான கணக்கு; மற்றொன்று - சென்ட்ரல் பேங்க் ஆப் இந்தியா வங்கி கணக்கில் துவக்கப்பட்ட அம்மா உணவகத்திற்கான கணக்கு (# xxxxx 10515). இவைகளுடன் - காயல்பட்டினம் நகராட்சியின் வங்கி கணக்குகள் எண்ணிக்கை - 23.

அந்த நிதியாண்டு இறுதியில், கூடுதல் தொகை வங்கியில் இருக்க, முக்கிய காரணம் - காயல்பட்டினம் நகராட்சியில் அமல்படுத்தப்பட்டு வரும் புதிய குடிநீர் திட்டத்திற்கான (UIDSSMT) மத்திய, மாநில அரசுகளின் மானியத்தொகை - நகராட்சி வங்கி கணக்குக்கு (அடுத்த தவணை) வந்தது ஆகும்; அந்த நிதியாண்டு இறுதியில் இது சம்பந்தமான வங்கி கணக்கில் இருந்த தொகை, 9.5 கோடி ரூபாய்!

மேலும் - மத்திய அரசின் புதிய தூய்மை இந்தியா (ஸ்வச் பாரத்) திட்டத்திற்கான நிதி ஒதுக்கீடு, இந்த நிதியாண்டு, காயல்பட்டினம் நகராட்சிக்கு வந்தது. இந்த நிதியாண்டு இது சம்பந்தமான வங்கி கணக்கில் இருந்த தொகை 52 லட்சம் ரூபாய்!

வங்கி வாரியான முழு விபரங்கள் வருமாறு:-



[தொடரும்]

இவண்,
நிர்வாகிகள்,
நடப்பது என்ன? சமூக ஊடகக் குழுமம்.
[மக்கள் உரிமை நிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்]

[பதிவு: டிசம்பர் 5, 2018; 9:00 pm]
[#NEPR/2018120503]

இவ்வாறு அந்த அறிக்கையில் தெரிவிக்கப்பட்டுள்ளது.

பாகம் 01 | பாகம் 02 | பாகம் 03 | பாகம் 04 | பாகம் 05 | பாகம் 06 | பாகம் 07 | பாகம் 08 | பாகம் 09 | பாகம் 10 | }