{ முகநூல் கருத்துக்கள்}{ட்விட்டர் கருத்துக்கள்}

பஹ்ரைன் காயல் நல மன்றம் (BAKWA) அமைப்பின் சார்பில், பொருளாதாரத்தில் நலிவுற்றுள்ள மாணவ-மாணவியருக்கு கல்வி உதவித்தொகை, 01.11.2010 அன்று, உலக காயல் நல மன்றங்களின் கல்வித்துறைக் கூட்டமைப்பான காயல்பட்டினம் இக்ராஃ கல்விச் சங்க அலுவலகத்தில் வழங்கப்பட்டது.

பொறியியல் படிப்பு பயிலும் மாணவர்கள் இருவருக்கும், பி.எஸ்ஸி. கணிதம் பயிலும் மாணவி ஒருவருக்கும் தலா ரூ.5,000/- வழங்கப்பட்டது.

அத்துடன், இக்ராஃ கல்வி உதவித்தொகை வழங்கும் திட்டத்தின் கீழ் ஒரு மாணவருக்கு ஆண்டுக்கு ரூ.5,000/- வீதம் மூன்றாண்டுகளுக்கு ரூ.15,000/- தொகை, இக்ராஃ செயலாளர் ஹாஜி ஏ.தர்வேஷ் முஹம்மதிட்ம் வழங்கப்பட்டது.

மேலும், பக்வா அமைப்பின் சார்பில், காயல்பட்டினம் பைத்துல்மால் அறக்கட்டளைக்கு ரூ.10,000/- தொகை வழங்கப்பட்டது. இந்த அனைத்து தொகைகளையும், பக்வா அமைப்பின் முன்னாள் செயலர் எஸ்.எம்.அஹ்மத் சுலைமான் நேரடியாக வழங்கினார்.