{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் சொளுக்கார் தெருவிலுள்ள அ.க. பெண்கள் தைக்காவில், தனியார் நிறுவனம் மூலமாக இவ்வாண்டு ஹஜ் பயணம் மேற்கொள்ளும் ஹாஜியரை வழியனுப்பும் நிகழ்ச்சி, 03.11.2010 அன்று மாலை 05.00 மணிக்கு நடைபெற்றது.

ஹாஜ்ஜா பால் ஆமினா தலைமை தாங்கினார். ஹாஃபிழா ராஷிதா கிராஅத் ஓதி நிகழ்ச்சியைத் துவக்கி வைத்தார். வரவேற்புரையைத் தொடர்ந்து, ஹாஃபிழா எம்.என்.கதீஜத் ஜாஹிரா ஆலிமா முஅஸ்கரிய்யா அஃப்ழலுல் உலமா, ஏ.எஃப்.ஜன்னத் லாஃபிரா, எம்.ஏ.சி.பால் ஆமினா ஆகியோர் ஹாஜியைரை வாழ்த்தி பாடல் பாடினர்.

பின்னர், ஹாஃபிழா எஸ்.எம்.ஐ.ஹமீத் ஃபாத்திமா ஆலிமா முஅஸ்கரிய்யா அஃப்ஸலுல் உலமா கவிதை வாசித்தார். ஹாஃபிழா எஸ்.எச்.உம்மு ஹபீபா ஆலிமா முஅஸ்கரிய்யா அஃப்ஸலுல் உலமா ஹஜ் குறித்து விளக்கவுரையாற்றினார்.

ஹஜ் பயண ஏற்பாடுகள் குறித்து தனியார் ஹஜ் நிறுவனமான ஷா ஹஜ் சர்வீஸின் காயல்பட்டினம் நகர முகவர் ஹாஜி எஸ்.ஏ.கே.பாவா நவாஸ் விளக்கிப் பேசினார். நன்றியுரைக்குப் பின் துஆவுடன் நிகழ்ச்சி நிறைவுற்றது.