Kayal on the Web

செய்திகள்

செய்தி எண் (ID #) 5837

#KOTW5837

திங்கள், மார்ச் 21, 2011

ஜித்தா கா.ந.மன்றத்தின் “புற்றுக்கு வைப்போம் முற்று” குறுந்தகடு விற்பனை வருமானம் புற்று நோயாளிகளுக்கு வழங்கப்பட்டது!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2840 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகரில் புற்றுநோய் பரவல் குறித்த விழிப்புணர்வை பொதுமக்களுக்கு ஏற்படுத்திடுவதற்காக சஊதி அரபிய்யா ஜித்தா காயல் நற்பணி மன்றத்தின் சார்பில் “புற்றுக்கு வைப்போம் முற்று!” என்ற தலைப்பில் ஆவணப்படம் தயாரிக்கப்பட்டு, 13.03.2011 அன்று காயல்பட்டினம் ஜலாலிய்யா நிக்காஹ் மஜ்லிஸில் நடைபெற்ற நிகழ்ச்சியின்போது வெளியிடப்பட்டது.

வெளியிடப்பட்ட ஆவணப்படத்தின் குறுந்தகடுகள் பல்வேறு இடங்களுக்கு விற்பனைக்காக அனுப்பி வைக்கப்பட்டது. ஆவணப்படத்திற்கான செலவுத்தொகை போக எஞ்சிய தொகையையும்,

ஆவணப்படம் வெளியீட்டு நிகழ்ச்சியின்போது, புற்றுநோயாளிகளுக்கு மருத்துவ நிதியுதவி கோரி ஜலாலிய்யா அரங்கில் வைக்கப்பட்டிருந்த உண்டியல் மூலம் பெறப்பட்ட தொகையையும் இணைத்து, மொத்தத்தில் ரூபாய் ஐம்பதாயிரம் தொகை இதுவரை வசூலிக்கப்பட்டுள்ளது.

இத்தொகையை, நகரின் அனைத்து சமுதாயங்களைச் சார்ந்த - அனைத்துப் பகுதிகளைச் சார்ந்த பத்து புற்றுநோயாளிகளின் மருத்துவ செலவினங்களுக்காக தலா ஐந்தாயிரம் ரூபாய் வீதம் வழங்குவதென தீர்மானிக்கப்பட்டது.

இதற்கான சிறியதொரு நிகழ்ச்சி 20.03.2011 (நேற்று) மாலை 05.30 மணிக்கு காயல்பட்டினம் இக்ராஃ கல்விச் சங்க கூட்ட அரங்கில் நடைபெற்றது. காயல்பட்டினம் அல்ஜாமிஉல் கபீர் - குத்பா பெரிய பள்ளிவாசல் செயலாளர் ஹாஜி ஆர்.எஸ்.அப்துல் காதிர் தலைமையில் நடைபெற்ற இவ்வெளிய நிகழ்ச்சியில், அல்ஜாமிஉல் அஸ்ஹர் ஜும்ஆ மஸ்ஜித் முத்தவல்லி ஹாஜி எஸ்.ஐ.தஸ்தகீர், ஜித்தா காயல் நற்பணி மன்றத்தின் உள்ளூர் பிரதிநிதி ஹாஜி ஏ.எம்.இஸ்மாஈல் நஜீப், அதன் செயற்குழு உறுப்பினர் ஹாஃபிழ் எம்.எம்.முஜாஹித் அலீ ஆகியோர் முன்னிலை வகித்தனர்.

இலங்கை காயல் நல மன்ற (காவாலங்கா) செயற்குழு உறுப்பினர் ஹாஜி எஸ்.ஐ.புகாரீ நோயாளிகளுக்கு ஆறுதலும் மனவலிமையும் ஊட்டும் வகையில் சில நிமிடங்கள் உரையாற்றினார்.

பின்னர், முதற்கட்டமாக ஏழு புற்றுநோயாளிகளுக்கு மருத்துவ நிதியுதவியாக தலா ஐந்தாயிரம் ரூபாய் மறைவிடத்தில் ஹாஜி ஆர்.எஸ்.அப்துல் காதிர், ஹாஜி எஸ்.ஐ.தஸ்தகீர், ஹாஜி எஸ்.ஐ.புகாரீ ஆகியோர் வழங்கினர்.

இக்ராஃ கல்விச் சங்க செயலாளர் (பொறுப்பு) கே.எம்.டி.சுலைமான், அதன் நிர்வாகி ஹாஜி ஏ.தர்வேஷ் முஹம்மத், துணைச் செயலாளர் எஸ்.கே.ஸாலிஹ், சென்னை காயல்பட்டினம் ஐக்கிய சங்க உறுப்பினர் எம்.டி.முஹம்மத் அலீ, அமீரக காயல் நல மன்ற உறுப்பினர் ஹாஃபிழ் கனீ முஹம்மத் உள்ளிட்டோர் இந்நிகழ்ச்சியின்போது சமூகமளித்திருந்தனர்.

{TAGS} jeddah putrukku vaipom mutru cd cancer documentary iqra

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. பண உதவி
posted by N.S.E. மஹ்மூது (Kayalpatnam) [21 March 2011]
IP: 117.*.*.*

India | Comment Reference Number: 3441

அஸ்ஸலாமு அலைக்கும் (வரஹ்).

பத்து புற்றுநோயாளிகளின் மருத்துவ செலவினங்களுக்காக தலா ஐந்தாயிரம் ரூபாய் வீதம் வழங்குவதென தீர்மானித்து அதன் அடிப்படையில் முதல் கட்டமாக ஏழு நோயாளிகளுக்கு வழங்கப்பட்டிருப்பது மகிழ்ச்சி அல்ஹம்துலில்லாஹ். அதுவும் மறைமுகமாக வழங்கியிருப்பது மிகவும் சிறந்த செயல்.

இது போன்ற மிக,மிக நல்ல உதவிகளை / பணிகளை செய்து வரும் ஜித்தா காயல் நற்பணி மன்றத்திற்கும் அதற்காக அதிக அக்கறை எடுத்து செயல்படுத்தும் அனைத்து சகோதரர்களுக்கும் எல்லாம் வல்ல அல்லாஹ்! அவனது கருணையை இம்மையிலும், மறுமையிலும் பொழிவானாக ஆமீன்.
----------------------------------------
புற்று நோயால் பாதிக்கப்பட்டு உடலாலும், உள்ளத்தாலும் வேதனைப்பட்டு கொண்டிருக்கும் நோயாளிக்கும், அவர்கள் உறவினருக்கும் இந்த சிறிய பண உதவியானது அவர்களுக்கு பெறும் ஆறுதலை அளிக்கும் என்பதில் ஐயமில்லை.

எல்லாம் வல்ல அல்லாஹ்! அந்த நோயால் பாதிக்கப்பட்ட அனைவரையும் விரைவில் குணமடைய கிருபை செய்வான், எல்லோரும் அவர்களுக்காக "துஆ" செய்ய வேண்டியது.
----------------------------------------
மக்களே!

இந்த கொடிய நோயால் பாதிக்கப்பட்டவர்கள் பொருளாதாரம் இல்லாத காரணத்தால் அதற்கு சிகிச்சை எடுக்க முடியாமல் அல்லது சிகிச்சையை தொடரமுடியாமல் அரைகுறையாக சிகிச்சையை விட்டு, நோய் முற்றிப்போய் மரணத்தை தழுவுகிறார்கள்.

இதை நாம் அனைவரும் அறிவோம், எனவே மக்களே! ஒவ்வொருவரும் நம்மால் இயன்ற அளவு இந்த வகைக்காக பண உதவி செய்து அவர்கள் சிகிச்சையை முறையாக, முழுமையாக எடுத்து குணம் அடைந்திட உதவி செய்வோமாக. வஸ்ஸலாம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. இது மாதிரி உதவிகள் தொடரக்கூடாது
posted by சாளை.S.I.ஜியாவுதீன் (அல்கோபார்) [21 March 2011]
IP: 94.*.*.*

Saudi Arabia | Comment Reference Number: 3443

இந்த நிகழ்ச்சியில் கலந்து கொண்ட அனைவர்களுக்கும் நன்றிகள், குறிப்பாக ஜித்தா காயல் நற்பணி மன்றத்தின் அனைத்து அங்கத்தினர்களுக்கும் நட்சத்திர நன்றிகள்.

இனி மேல் இது மாதிரி உதவிகள் தொடரக்கூடாது அதாவது இந்த புற்று நோய் இல்லாமல் நிம்மதியான வாழ்வு வாழ அனைவர்களும் இறைவனிடம் இறைஞ்சுங்கள்.

சாளை.S.I.ஜியாவுதீன் அல்கோபார்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. சேவை செய்யும் க‌ர‌ங்க‌ள்..
posted by முத்துவாப்பா...... (அல்-கோபர்) [21 March 2011]
IP: 89.*.*.*

Saudi Arabia | Comment Reference Number: 3450

சேவை செய்யும் க‌ர‌ங்க‌ள் பிரார்த்த‌னை செய்யும் உத‌டுக‌ளை விட‌ மேலான‌து என்று சொல்வார்கள். தங்களின் இந்த சமூக சேவை தொடர வாழ்த்துக்கள்.

என்றும் அன்புடன்
முத்துவாப்பா...

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. குறும்படம் மற்றும் ஆவணப்படம்
posted by A.R.REFAYE (ABUDHABI) [21 March 2011]
IP: 195.*.*.*

United Arab Emirates | Comment Reference Number: 3455

"குறும்படம் மற்றும் ஆவணப்படம்"

இந்திய மாணவர் இஸ்லாமிய அமைப்பு(SIO) தமிழக மண்டலம் சார்பாக "இந்தியாவில் கல்வி" என்கிற தலைப்பில் "குறும்படம் மற்றும் ஆவணப்படம்" (Short Films & Documentaries) தயாரிப்பதற்கான போட்டி அறிவிக்கப்பட்டு உள்ளது. இளைய சமூகத்தின் கற்பனைத்திறன் மற்றும் படைப்பாற்றலை ஊக்குவிக்கும் விதமாக இந்த நிகழ்வு நடத்தப்பட உள்ளது.

இந்தியாவில் கல்வி, மற்றும் அதற்கான சூழல் குறித்த தங்கள் குறும்படங்களுடன் மாணவர்களும் இளைஞர்களும் இந்தப் போட்டியில் பங்கேற்கலாம்.

"எந்த கல்வி நிறுவனத்தைச் சேர்ந்த மாணவர்களும் இளைஞர்களும் இதில் பங்கேற்கலாம். அனுமதி இலவசம்.

குறும்படங்களுக்கான கால அளவு 8 நிமிடங்களுக்குள் இருக்க வேண்டும். இந்த போட்டியில் கலந்து கொள்வதற்காக உங்கள் பெயரை 15-03-2011 முதல் 15-04-2011 வரை பதிவு செய்து கொள்ளலாம்.உங்கள் பெயர் மற்றும் தொடர்பு கொள்வதற்கான விபரங்களை மின்னஞ்சல் அல்லது கடிதம் மூலம் அனுப்பி உங்கள் பெயரை பதிவு செய்து கொள்ளலாம். 2011 ஏப்ரல் 30 ஆம் தேதிக்கு முன்பாக உங்கள் குறும்படங்களை SIOவிற்கு வந்து சேருமாறு அனுப்பி வைக்க SIO வேண்டுகிறது.

நடுவர்குழுவால் வெற்றிப் படங்கள் தேர்வு செய்யப்படும். தேர்ந்து எடுக்கப்படும் முதல் மூன்று ஆக்கங்களுக்கு பரிசுகள் வழங்கி கவுரவிக்கப்படும். இன்ஷா அல்லாஹ், இந்தப் படங்கள் பின்னர் இந்திய மாணவர் இஸ்லாமிய அமைப்பு(SIO) தமிழக மண்டல குறும்பட விழாவில் திரையிடப்படும்.

மேலும் விவரங்களுக்கு:
SIO குறும்பட போட்டி,
கலாச்சார பேரவை,
இந்திய மாணவர் இஸ்லாமிய அமைப்பு(SIO) தமிழக மண்டலம், 6/5,முதல் தளம் , இருசப்பன் தெரு,பெரிய மேடு, சென்னை-3.

Phone:
044- 2561 2389 , +91 7305 65 7305
என்ற முகவரியில் அணுகலாம்.

அல்லது CulturalForum@SIOtamilnadu.org என்ற மின்னஞ்சலில் தொடர்பு கொள்ளலாம்."

விதிமுறைகள் , வழிகாட்டுதல்கள் மற்றும் மேலும் விரிவான விவரங்களுக்கு... http://www.siotamilnadu.org/2011/03/sio-short-film-competition-2011.html
என்ற இணைய தளத்தை பார்வையிடவும்.