{ முகநூல் கருத்துக்கள்}{ட்விட்டர் கருத்துக்கள்}

தமிழகத்தில் அடுத்த மாதம் 13ம் தேதி சட்டமன்ற தேர்தல் நடைபெறுகிறது. இதில் தூத்துக்குடி மாவட்டத்தில் உள்ள 6 சட்டமன்ற திமுக 3 தொகுதிகளில் போட்டியிடுகிறது. தூத்துக்குடி, திருச்செந்தூர், ஓட்டபிடாரம் ஆகிய தொகுதிகளில் போட்டியிடும் திமுக வேட்பாளர்களின் விபரம்:



கீதா ஜீவன் (தூத்துக்குடி)

தூத்துக்குடி தொகுதி வேட்பாளராக மாவட்ட திமுக செயலாளர் பெரியசாமி யின் மகள் கீதா ஜீவன் மீண்டும் போட்டியிடுகிறார். கடந்த 1996 முதல் 2001 வரை மாவட்ட பஞ்சாயத்து தலைவராகவும், 2001 முதல் 2006 வரை மாவட்ட பஞ்சாயத்து கவுன்சிலராகவும் பதவி வகித்துள்ளார். 2006 சட்டசபை தேர்தலில் தூத்துக்குடி தொகுதியில் போட்டியிட்டு வெற்றி பெற்று கால்நடை துறை அமைச்சராக பதவி வகித்தார். பின்னர் சமூக நலத் துறை அமைச்சரானார். தற்போது 2வது முறையாக சட்டசபை தேர்தலில் போட்டியிடுகிறார்.

அனிதா ராதாகிருஷ்ணன் (திருச்செந்தூர்)

திருச்செந்தூர் தொகுதி திமுக வேட்பாளராக அனிதா ராதாகிருஷ்ணன் அறிவிக்கப்பட்டுள்ளார். இவர் கடந்த 2001ல் இந்த தொகுதியில் அதிமுக சார்பில் போட்டியிட்டு வெற்றி பெற்றார். முதலில் கால்நடை துறை அமைச்சராகவும், பின்னர் வீட்டு வசதி மற்றும் நகர்ப்புற வளர்ச்சித் துறை அமைச்சராகவும் பணியாற்றினார். 2006ல் இதே தொகுதியில் அதிமுக சார்பில் போட்டியிட்டு வெற்றி பெற்றார்.

பின்னர் அதிமுகவிலிருந்து விலகி திமுகவில் சேர்ந்தார். எம்எல்ஏ பதவியை ராஜினாமா செய்து விட்டு திருச்செந்தூர் இடைத்தேர்தலில் திமுக வேட்பாளராக போட்டியிட்டு வெற்றி பெற்றார். தற்போது 4வது முறையாக சட்டசபை தேர்தலில் போட்டியிடுகிறார்.

சி.எஸ்.ராஜா (ஓட்டப்பிடாரம்)

ஓட்டப்பிடாரம் தொகுதியின் திமுக வேட்பாளராக சி.எஸ்.ராஜா அறிவிக்கப்பட் டுள்ளார். 1996 முதல் 2001 வரை மாவட்ட பஞ்சாயத்து துணை தலைவராக பணியாற்றினார். தற்போது மாவட்ட பஞ்சாயத்து கவுன்சிலர். 2001ம் ஆண்டு முதல் திமுக மாவட்ட இளைஞரணி துணை அமைப்பாளராக பணியாற்றி வருகிறார். இவர் சட்டசபை தேர்தலில் முதல் முறையாக போட்டியிடுகிறார்.

தகவல்:
www.tutyonline.net