{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி தொகுதியில் போட்டியிடும் அதிமுக வேட்பாளர் மீண்டும் மாற்றப்பட்டுள்ளார். புதிய வேட்பாளராக அதிமுக தொழிற்சங்க தலைவர் சி.த.செல்லபாண்டியன் அறிவிக்கப்பட்டுள்ளார்.

தமிழக சட்ட மன்ற தேர்தலில் போட்டியிடும் அதிமுக வேட்பாளர்கள் பட்டியலை அதிமுக பொதுச் செயலாளர் கடந்த 16ம் தேதி வெளியிட்டார். அதில், முன்னாள் அமைச்சர் ஜெனிபர் சந்திரன் தூத்துக்குடி சட்டமன்ற தொகுதி வேட்பாளராக அறிவிக்கப்பட்டார். சில தினங்களில் அவர் மாற்றப்பட்டு, ஏ.பால் என்பவர் வேட்பாளராக அறிவிக்கப்பட்டு வேட்பு மனு தாக்கல் செய்தார்.

இந்நிலையில் தூத்துக்குடி தொகுதியில் போட்டியிடும் அதிமுக வேட்பாளராக சி.த.செல்லப்பாண்டியன் அறிவிக்கப்பட்டுள்ளார். இவர் தற்போது அதிமுக தொழிற்சங்க தலைவராக உள்ளார். வேட்பு மனு தாக்கலின் போது ஏ.பாலுக்கு மாற்று வேட்பாளராக மனுதாக்கல் செய்தார் என்பது குறிப்பிடதக்கது.

தகவல்:
www.tutyonline.net