Kayal on the Web

செய்திகள்

செய்தி எண் (ID #) 5881

#KOTW5881

ஞாயிறு, மார்ச் 27, 2011

தேர்வு செய்யப்பட்டது இக்ராஃவிற்கான புதிய இலச்சினை!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3446 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

உலக காயல் நல மன்றங்களின் கல்வித்துறைக் கூட்டமைப்பான காயல்பட்டினம் இக்ராஃ கல்விச் சங்கத்திற்கு இலச்சினை ஒன்று புதிதாக தேர்ந்தெடுக்கப்பட்டுள்ளது.

இதுகுறித்து இக்ராஃ செயலாளர் (பொறுப்பு) கே.எம்.டி.சுலைமான் வெளியிட்டுள்ள அறிக்கை பின்வருமாறு:-

நமது இக்ராஃ கல்விச் சங்கத்திற்கு இலச்சினை ஒன்று மிகவும் அவசியமாகத் தேவைப்படுவதைக் கருத்தில் கொண்டு, பல்வேறு கூட்டங்களில் அதுகுறித்து விவாதிக்கப்பட்டு, இறுதியாக இதற்கென போட்டி நடத்தி பலரது படைப்புகளையும் பெற்று அவற்றுள் ஒன்றைத் தேர்வு செய்ய முடிவெடுக்கப்பட்டது.

அதனடிப்படையில் நமது காயல்பட்டணம்.காம் வலைதளம் மூலம் இலச்சினை உருவாக்கப் போட்டி அறிவிக்கப்பட்டு, பரிசுத்தொகையும் அறிவிக்கப்பட்டது.

அந்த அறிவிப்பிற்குப் பிறகு பலதரப்பட்ட காயலர்களிடமிருந்தும் 25 இலச்சினைகள் பெறப்பட்டன.

இக்ராஃ துணைத் தலைவர்களுடன் கலந்தாலோசிக்கப்பட்ட பின்னர், தலைவர் ஹாஜி பாளையம் முஹம்மத் ஹஸன் அவர்களின் இறுதி முடிவின்படி பின்வரும் இலச்சினை தேர்வு செய்யப்பட்டுள்ளது.

இந்த இலச்சினையை உருவாக்கியதற்காக, ஐக்கிய அரபு அமீரகத்தில் பணிபுரியும் காயலர் ஹுஸைன் நூருத்தீன் மற்றும் அவரது நண்பர் ஸ்ரீகாந்த் ஆகியோருக்கு இக்ராஃ தனது மனமார்ந்த பாராட்டுக்களைத் தெரிவித்து மகிழ்கிறது.

இலச்சினை உருவாக்கப் போட்டியைக் கருத்தில் கொண்டு, தமது பல்வேறு பணிச்சுமைகளுக்கிடையிலும் பல்வேறு படைப்புகளை உருவாக்கி ஆர்வத்துடன் அனுப்பித் தந்த அனைவருக்கும் இக்ராஃ தனது நெஞ்சம் நிறைந்த நன்றியையும், பாராட்டுக்களையும் தெரிவித்து மகிழ்கிறது.

இக்ராஃ தலைவரின் இடையறாத வேலைப்பளு காரணமாக இலச்சினை தேர்வு செய்வதற்கு அதிக கால அவகாசம் எடுத்துக்கொள்ள வேண்டியதாயிற்று. தேர்வு செய்யப்பட்ட இலச்சினைக்கான பரிசுத்தொகை ஆயிரம் ரூபாய் விரைவில் வழங்கப்படவுள்ளது.

இவ்வாறு அவர் அந்த அறிக்கையில் தெரிவித்துள்ளார்.

{TAGS} iqra logo logo selection

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. எங்கள் வாழ்த்து
posted by Mohamed (kayal) [27 March 2011]
IP: 122.*.*.*

India | Comment Reference Number: 3591

லோகோ என்றால் ஹுசைன் நூர்தீன் காக்கா தான் . உண்மையில் அவர் ஊரின் ஒரு சொத்து அவர் வேலை செய்யும் கம்பனிக்கும் அவர் ஒரு சொத்து , காக்கா எங்கள் வாழ்த்தும் துவாவும்

Moderator: Comment edited! Pls provide your full name to avoid rejection in future.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. பாராட்டுக்களும் வாழ்த்துக்களும்
posted by சாளை S.I.ஜியாவுதீன் (அல்கோபார்) [27 March 2011]
IP: 94.*.*.*

Saudi Arabia | Comment Reference Number: 3607

சகோ. ஹுஸைன் நூருத்தீன் மற்றும் நண்பர் ஸ்ரீகாந்த் அவர்களுக்கு பாராட்டுக்களும் வாழ்த்துக்களும்.

அந்த கலங்கரை விளக்கத்தில் 2005 என்று போட்டு உள்ளதே,அது IQRA துவங்கிய ஆண்டா?

சகோ. ஹுஸைன் நூருத்தீன் என்னுடைய வகுப்பு தோழனா என்று ஒரு சிறு குழப்பம் உள்ளது.

என் நண்பன் என்றால் "யப்பா ஹுஸைன் நூருத்தீன்.. எனக்கு ரெகார்ட் நோட்டில் படம் வரைந்து கேட்டால் பிகு பண்ணுவாய், இப்போது நன்கு கலக்குகிறாய்.. ஒஹ்ஹ்ஹ் பரிசு கொடுக்கின்றார்களா.. அப்போ சரி தான்"

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. நன்பேண்டா
posted by Husain Noorudeen (Abu Dhabi) [28 March 2011]
IP: 195.*.*.*

United Arab Emirates | Comment Reference Number: 3616

அஸ்ஸலாமு அலைக்கும் வரஹ்மாதுல்லாஹி வபரகாதுஹு.

அன்பு நண்பன் ஜியவுத்தீனுக்கு,

ஆம், உன் வகுப்புத் தோழந்தான்பா நான். சும்மா கமெண்ட் அடிக்கனும்குறதுக்காக ரெகார்ட் நோட்டுல நான் படம் வரைஞ்சி தர மாட்டேன்னு சொல்லிட்டியப்பா. எனக்கு ஞாபகம் இல்லை.

காயல் வலை தளத்துல உன்னோட கமெண்டுகள தொடர்ந்து பார்த்துக்கிட்டு வாரேன். சுவாரசியமாவும் கருத்துள்ளதாவும் இருக்கு. (Though I do not share all your views).

இக்ரா லோகோவில் உள்ள 2005 என்பது அவர்கள் தொடங்கிய ஆண்டுதான். இருந்தாலும் உனக்கு பூனை கண்ணுதான். அதையும் குறிப்பா கவனிச்சிருக்கிறீயப்பா.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்