IP: 188.*.*.* Saudi Arabia

இது ஓர் நியாயமான கோரிக்கையே! இது சம்பந்தப்பட்ட துறையினரின் கவணத்திற்கு கொண்டு சென்றுள்ள படியால் வழி பிறக்கும் என எதிர்பார்க்கிறோம்.

துளிர்... இப்போது துளிர் அல்ல! ஓர் ஆலமரமாய்த் தழைத்தோங்கி நிற்கிறது. இதன் வளர்ச்சிக்காகப் பாடுபட்ட, ஆணிவேருக்கும், அனைத்து விழுதுகளுக்கும் மனமார்ந்த நல்வாழ்த்துக்கள்!!!

IP: 2.*.*.* Saudi Arabia

கண்டிப்பாக நிறைவேற்ற வேண்டிய கோரிக்கை.

மாற்றுத் திறனாளிகளுக்காக உழைக்கும் "துளிர்" குடும்பத்தார்களை வாழ்த்த தகுதி எனக்கு இல்லை, அவ்வளவு சேவை செய்கிறார்கள். ஒரு தடவை நீங்கள் எல்லோரும் துளிருக்கு சென்று பார்வை இடுங்கள், அங்கு என்ன நடக்கின்றது என்று. உங்களின் ஈமானை பலப்படுத்த இதுவும் ஒரு இடம்தான்.

அந்த குழந்தைகளை எவ்வளவு தாய்மை உணர்வுடனும், தியாகத்துடனும் கவனிக்கிறார்கள் என்று பாருங்கள். சகோ.முஹம்மது ரஃபீக் அவர்களே, இந்த துளிர் ஆலமரமாக வளர்ந்து இருப்பது சந்தோஷம் அல்ல. அப்படி வளர 'துஆ' கேட்க வேண்டாம்.

அனைத்து குழந்தைகளும் நன்றாக குணமடைந்து சீராக வாழவும், இனிமேலும் இது மாதிரி குழந்தைகள் பிறக்காமல் இருக்கவும், இந்த துளிரை வேறு பள்ளியாகவும், கல்லூரியாகவும் மாற்றவும் வல்ல இறைவனை வேண்டுங்கள்.

இந்த வலியை நானும் அனுபவித்து வருகிறேன், உங்கள் 'துஆ' வில் என்னையும் சேர்த்துக்கொள்ளுங்கள்.

IP: 188.*.*.* Saudi Arabia

ஆலமரம் என நான் சொன்னது, ஓர் காலகட்டத்தில் வசதியுள்ளவர்கள், (மன்னிக்கவும்) வளர்ச்சி குன்றிய தம் அரும்புகளை வீட்டுக்குள்ளேயே வைத்து பிறர் பார்த்து விடக்கூடாதே? என மறைத்தே வைத்திருந்தனர்.

அல்லஹ்வின் அருள் மிக்க அக் குழந்தைகள் வெளி உலகம் காணாமல் வெம்பிப் போய் கிடந்தனர். அதைவிடக் கொடுமை,அந்தஸ்து என்கிற பெயரில் அவர்கள், குறையில்லாமல் இருக்கும் தம் மற்ற பிள்ளைகளுக்கும் இப்படி ஒரு வாரிசு வந்துவிடுமோ? எனப் பிறர் அஞ்சி பெண் தர முன்வர மாட்டார்களே? எனும் மூடத்தனமான நம்பிக்கைகளால் முடங்கிப்போய் கிடந்தனர்.

அவர்களுக்குள் ஓர் விழிப்புணர்வை ஏற்படுத்தி, துளிரின் குளிர்காற்று வீசிய பின்னர்தான் அந்த விலை மதிக்கமுடியாத அரும்புகள் பூக்களாய் புன்னகைத்தனர். ஓரிரு மழலைகளை மட்டும் வைத்து துளிராய் இருந்த துளிர் பல நல்ல உள்ளங்களின் அசாத்தியமான உடல் உழைப்பால் ஆலமரமாகி அந்த அரும்புகளுக்குத் தன் விழுதுகளைப் பற்றிக்கொண்டு எழ பேருதவி புரிந்தது.

தியாகத்தின் மொத்த உருவம்தான் துளிர். எனவேதான், அதைத் துவங்கக் காரணமாய் இருந்த என் அருமை பள்ளித் தோழன் வக்கீல், செய்தஹமது அவர்களை ஆணிவேர் எனவும், அதன் ஒப்பற்ற அங்கங்களை விழுதுகள் என வர்ணித்திருந்தேன். மாற்றுத் திறனாளிகளை மதிக்க கற்றுக் கொடுத்ததே நம் துளிர் தானே? என் முன் கருத்துப் பதிப்பினை ஓர் முறை நிதானமாகப் படித்துப் பாருங்கள் புரியும்! எல்லாம் வல்ல அல்லாஹ் மண்ணில் மலருரும் எல்லா மழலைப் பூக்களையும் மணக்கச் செய்வானாக!ஆமீன்!

IP: 86.*.*.* United Arab Emirates

வளம் குன்றிய குழந்தைகளின் அருகே கொஞ்ச நேரம் இருந்தாலே புரியும் அக்குழந்தை மற்றும் அதன் பெற்றோர் சந்திக்கும் வார்த்தைகளால் சொல்லமுடியா துயரங்கள். இந்த பிஞ்சுகளுக்கு ஒரு நம்பிக்கையூட்டும் விதமாக அவர்தம் பெற்றோரின் கஷ்டமான பராமரிப்பில் உறுதுணையாக இருந்து வரும் "துளிர்" சேவை மஹத்தானது. யா அல்லாஹ் இந்த சோதனைகளால் பாதிக்கப்பட்டோர் அனைவருக்கும் உனது புறத்திலிருந்து நல்லதோர் மாற்றத்தை விரைவாக தருவாயாக, மேலும் இது போன்ற சோதனைகளில் இருந்து எல்லா மக்களையும் பாதுகாப்பாயாக - ஆமீன்.