{ முகநூல் கருத்துக்கள்}{ட்விட்டர் கருத்துக்கள்}

பொ‌றி‌யிய‌ல் ரேங்க் பட்டியல் வரு‌ம் 24ஆ‌‌ம் தேதி வெளியிடப்படும் என்று அண்ணா பல்கலைக்கழக துணைவேந்தர் மன்னர் ஜவகர் கூ‌றியு‌ள்ளா‌‌ர்.

சென்னை‌யி‌ல் செ‌ய்‌தியாள‌‌ர்க‌ளிட‌ம் பே‌சிய அவ‌ர்,

பொ‌றி‌யிய‌ல் படி‌ப்பு‌க்கு மொத்தம் 1 லட்சத்து 65 ஆயிரம் விண்ணப்பம் விற்கப்பட்டுள்ளது. இதில் 3 ஆயிரம் விண்ணப்பங்கள் ஆன்லைன் மூலம் டவுன்லோடு செய்யப்பட்டுள்ளது. விண்ணப்ப விற்பனையை பொறுத்தவரை கடந்த வருடத்தைவிட 40 ஆயிரம் குறைவாகும்.

காரணம் கடந்த ‌ஆ‌ண்டு பிளஸ் 2 தேர்வு முடிவு வெளியிடப்படுவதற்கு முன்பே பொற‌ி‌யிய‌ல் விண்ணப்பம் வழங்கப்பட்டது. ஆனால் இந்தா‌ண்டு பிளஸ் 2 தேர்வு முடிவு வெளியிடப்பட்டு அவர்களின் மார்க் முழுவதும் தெரிந்த பின்னர் தான் பொ‌றி‌யிய‌ல் விண்ணப்பம் கொடுக்கப்பட்டது. இதனால் மார்க் குறைந்தவர்கள் பலர் பொ‌றி‌யிய‌ல் படி‌ப்பு‌க்கு விண்ணப்பிக்காமல் இருக்கலாம்.

விண்ணப்பித்த மாணவர்களுக்கு 20ஆ‌ம் தேதி ரேண்டம் நம்பர் வழங்கப்படுகிறது. 24ஆ‌ம் தேதி ரேங்க் பட்டியல் வெளியிடப்படும்.

கடந்த வருடம் சான்றிதழ்கள் போலியாக தரப்பட்டதால் இந்த வருடம் சான்றிதழ்களை மிகவும் கண்காணிக்க உள்ளோம். அரசு தேர்வுகள் இயக்குனர் அனுப்பும் பிளஸ் 2 மார்க்கையும் மாணவர்கள் விண்ணப்பத்துடன் அனுப்பிய மார்க்கையும் ஒப்பிட்டு பார்த்து அதில் சந்தேகம் இருந்தால் அதை அரசு தேர்வுகள் இயக்குனரிடத்தில் அனுப்பிவிடுவோம்.

கல‌ந்தா‌ய்வு தேதி இன்னும் முடிவு செய்யப்படவில்லை. மருத்துவ கல‌ந்தா‌ய்வு தொடங்கிய சில நாட்கள் கழித்து வழக்கமாக பொ‌றி‌யிய‌ல் கல‌ந்தா‌ய்வு தொடங்கும். விரைவில் பொ‌றி‌யிய‌ல் படி‌ப்பு‌க்கான கல‌ந்தா‌ய்வு தேதி அறிவிக்கப்படும். இந்த வருடம் விண்ணப்பிக்கும் அனைத்து மாணவ-மாணவிகளுக்கும் பொ‌றி‌யிய‌ல் கல்லூரிகளில் பி.இ. சேர இடம் கிடைக்கும்

எ‌ன்று மன்னர் ஜவகர் கூ‌றினா‌ர்.

தகவல்:
வெப்துனியா