Kayal on the Web

செய்திகள்

செய்தி எண் (ID #) 6365

#KOTW6365

வியாழன், ஜுன் 2, 2011

அதிக நேரம் மொபைல் ஃபோன் பயன்படுத்துவதால் மூளை புற்று நோய் வாய்ப்புகள் அதிகரிக்கின்றது: WHO தகவல்!

செய்தி: காயல்பட்டணம்.காம்
இந்த பக்கம் 3065 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

உலக சுகாதார அமைப்பின் (World Health Organisation) ஒரு அங்கமான International Agency for Research on Cancer (IARC) உடைய தலைமையில் - பிரான்ஸ் நாட்டின் லியோன் நகரில் மே 24 முதல் மே 31 வரை ஆய்வு கூட்டத்திற்கு ஏற்பாடு செய்யப்பட்டிருந்தது. அதில் 14 நாடுகளில் இருந்து 31 விஞ்ஞானிகள் கலந்துக்கொண்டனர்.

இக்குழு கடந்த பல ஆண்டுகளாக - ராடார், மைக்ரோவேவ், ரேடியோ, தொலைகாட்சி ஒலிபரப்பு/ஒளிபரப்பு, மொபைல் ஃபோன் போன்ற சாதனங்களின் கதிர்வீச்சுகள் மற்றும் அதனால் ஏற்படும் பாதிப்புகள் குறித்து வெளிவந்துள்ள ஆராய்ச்சி முடிவுகள் பலவற்றை ஆய்வு செய்தது.

ஆய்வின் முடிவில் - மொபைல் ஃபோன் பயன்படுத்துவதால் மூளைக்கு வரும் இரு வகை (Glioma மற்றும் Acoustic Neuroma) புற்று நோய்க்கான (Brain Tumours) வாய்ப்புகள் அதிகரிப்பதற்க்கான ஆதாரங்கள் குறைந்தளவு உள்ளது என்றும், பிற புற்றுநோய்கள் அதிகரிப்பதற்க்கான ஆதாரங்கள் போதிய அளவு தற்போது இல்லை என்றும் தெரிவித்துள்ளது.

இந்த ஆய்வின் முடிவினால் புற்று நோய் உண்டாக்க வாய்ப்புள்ள பொருட்களின் தரப்பட்டியலில் (Classification of Carcinogens) - 2B பிரிவில் மொபைல் ஃபோன் பயன்பாடு இடம் பெறுகிறது.

மொபைல் ஃபோனை எந்தளவு பயன்படுத்துவது ஆபத்தை விளைவிக்கும் என்று இவ்வாய்வு உறுதியாக கூறாவிட்டாலும், பத்தாண்டு கால கட்டத்தில் தினசரி சராசரியாக 30 நிமிடங்கள் மொபைல் ஃபோன் பயன்படுத்துவது, Glioma என்ற மூளை புற்று நோய் (Brain Tumour) வர 40 சதவீத வாய்ப்புகள் அதிகரிப்பதாக முன்னர் வெளியான ஆய்வு முடிவினை இக்குழு மேற்கோள் காட்டியுள்ளது.

மக்கள் நலனை கருத்தில் கொண்டு மேலும் ஆய்வுகளை தொடர வேண்டும் என்றும், அது வரை பாதுகாப்பான முறையில் மொபைல் ஃபோன் பயன்படுத்துவதை ஊக்கப்படுத்தவேண்டும் என்றும் IARC நிறுவனத்தின் இயக்குனர் கிரிஸ்டோஃபர் வைல்ட் தெரிவித்துள்ளார்.

தகவல்:
காஸ்மோஸ் Magazine

{TAGS} who world health organisation iarc cancer brain tumour cell phone mobile

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. அலைப்பேசி
posted by சாளை நவாஸ் (Singapore) [02 June 2011]
IP: 116.*.*.*

Singapore | Comment Reference Number: 4937

குட்டி அலைப்பேசி இலிருந்து வரும் கதிர்வீச்சு இவ்வளவு பாதிப்பு இருக்கிறது என்றால் அலைபேசி கோபுரத்திலிருந்து வரும் கதிர் வீச்சின் பாதிப்பை நினைத்து பாருங்கள் !!!! நமது ஊரில் 15 கோபுரங்கள் உள்ளன, ஆக மொத்தம் கதிர்வீச்சின் பிடியிலும் பக்கத்து தொழிற்சாலை இலிருந்து வரும் நச்சு புகை நடுவிலும் வாழ்ந்து கொண்டு இருக்கிறோம். இப்படியே போனால் காயல்பட்டினம் போயிலை பட்டினமாக மாறிவிடும்.