Kayal on the Web

செய்திகள்

செய்தி எண் (ID #) 6371

#KOTW6371

வெள்ளி, ஜுன் 3, 2011

புகாரிஷ் ஷரீஃப் 1432: திக்ர் மஜ்லிஸுடன் துவங்கியது புகாரிஷ் ஷரீஃப் 84ஆம் ஆண்டு நிகழ்வுகள்!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3195 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கிழக்குப் பகுதியில், கடற்கரையையொட்டி அமைந்துள்ளது மஜ்லிஸுல் புகாரிஷ் ஷரீஃப் ஸபை. கடந்த 83 ஆண்டுகளாக வருடந்தோறும் ரஜப் மாதத்தில் அல்ஜாமிஉஸ் ஸஹீஹுல் புகாரீ எனும் நபிமொழிக் கிரந்தம் 30 நாட்கள் முழுமையாக ஓதப்பட்டு, அனுதினமும் ஓதப்படும் பொன்மொழிகளுக்கான விளக்கவுரைகள் மார்க்க அறிஞர்களால் வழங்கப்பட்டு வருகிறது.

நடப்பு 84ஆம் ஆண்டு நிகழ்வுகள் எதிர்வரும் 04.06.2011 சனிக்கிழமையன்று (நாளை) துவங்குகின்றன. 03.07.2011 ஞாயிற்றுக்கிழமையன்று அபூர்வ துஆவுடன் புகாரிஷ் ஷரீஃப் நிகழ்ச்சிகள் யாவும் நிறைவுறுகிறது. மறுநாள் 04.07.2011 திங்கட்கிழமையன்று நேர்ச்சை வினியோகம் நடைபெறுகிறது.

புகாரிஷ் ஷரீஃப் நிகழ்ச்சிகள் துவங்குவதற்கு முன்பும், நிறைவுற்ற பின்பும், திக்ர் மஜ்லிஸ் நடத்துவது வழமை. அந்த அடிப்படையில், 02.06.2011 அன்று (நேற்று) இரவு 07.00 மணிக்கு ராத்திபத்துல் காதிரிய்யா திக்ர் மஜ்லிஸ் ஸபை வளாகத்தில் நடைபெற்றது. அப்பகுதி மக்கள் உள்ளிட்ட நகர பொதுமக்கள் இந்நிகழ்வில் திரளாகக் கலந்துகொண்டனர்.

நாளை (04.06.2011) அதிகாலை ஃபஜ்ர் தொழுகைக்குப் பின் ஸஹீஹுல் புகாரீ கிரந்தம் ஓதப்பட்டு, அதற்கான விளக்கவுரை காலை 09.15 மணிக்கு மார்க்க அறிஞரால் வழங்கப்படவுள்ளது.

{TAGS} mbss m.b.s.s. majlisul bukhari shareef mbss 1432

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. எல்லாம் வல்ல இறைவனிடம் இருகரமேந்தி இறைஞ்சிகிறேன்
posted by Moulavi Hafil M.S.Kaja Mohideen.Mahlari. (Singapore.) [03 June 2011]
IP: 116.*.*.*

Singapore | Comment Reference Number: 4982

மாநபியின் மாமன்றம் மஜ்லிசுள் புஹாரிஸ் ஷரீப் சபையின் 84-ஆம் ஆண்டின் நிகழ்சிகளின் துவக்கம் அறிந்து மகிழ்ச்சி. அல்ஹம்து லில்லாஹ்.

நிகழ்சிகளின் துவக்கம் முதல் இறுதிவரை நாயனருளால், நபிகள் நாயகம் (ஸல்)அவர்களின் நல்லாசியாலும் நனிசிறக்க நடைபெற வாழ்த்தி, து'ஆ செய்கிறேன்.

எல்லாம் வல்ல அல்லாஹ் நமது நாயகத்தின் நபிமொழிகளை நனிசிறக்க கேட்டு, அவைகளைக்கொண்டு நல்லமல்கள் புரிந்து ஈருலக, சகல சௌபாக்கியங்களை பெறவும், நம் மஜ்ளிசின் சன்மார்க்க பணிகள் கியாமம்வரை தொய்வின்றி, தொடராக, நடைபெற சகல மக்களும் அதனின் இம்மை, மறுமை பேறுகளை பெற எல்லாம் வல்ல இறைவனிடம் இருகரமேந்தி இறைஞ்சிகிறேன். ஆமீன்!

(அன்புடன் எம்.எஸ்.காஜா மஹ்லரி)