காயல்பட்டினம் தைக்கா தெரு, ஸாஹிப் அப்பா தைக்காவில் ‘பானத் ஸுஆத்‘ நஅத் மஜ்லிஸ் இன்றிரவு 08.00 மணி முதல் 11.00 மணி வரை நடைபெறவுள்ளது. காயல்பட்டினம் முஹ்யித்தீன் மாணவர் மன்றம் இந்நிகழ்ச்சியை நடத்துகிறது.
இதுகுறித்து முஹ்யித்தீன் மாணவர் மன்ற நிர்வாகி ஹாஜி ஜே.எம்.அப்துர்ரஹீம் காதிரீ வெளியிட்டுள்ள அறிக்கை பின்வருமாறு:-
அன்பர்களே, அஸ்ஸலாமு அலைக்கும் வரஹ்...
நபித்தோழர் கஃப் இப்னு ஜுஹைர் ரழியல்லாஹு அன்ஹு அவர்கள், அல்லாஹ்வின் தூதர் ஸல்லல்லாஹு அலைஹி வஸல்லம் அவர்களைப் புகழ்ந்து பாடிய ‘பானத் ஸுஆத்‘ எனும் பாடல் தொகுப்பை மனமுருகிப் பாடும் நஅத் மஜ்லிஸ் இன்ஷாஅல்லாஹ் இன்றிரவு, காயல்பட்டினத்திலுள்ள நமது மஹான் ஸாஹிப் அப்பா தைக்காவில் நடைபெறுகிறது. கேரளாவைச் சார்ந்த மவ்லவீ அல்ஹாஃபிழ் ஸாதிக் அலீ ஃபாழில் குழுவினர் இந்நிகழ்ச்சியை நடத்துகின்றனர்.
அதனைத் தொடர்ந்து, பெங்களூருவைச் சார்ந்த நபீல், முஈன் மற்றும் காயல்பட்டினம் மாணவர்கள் வழங்கும் - நபி புகழ்பாடும நஅத் மஜ்லிஸ், தஃப்ஸ் முழக்கத்துடன் நடைபெறுகிறது.
உள்ளூர் நேரலை:
இந்நிகழ்ச்சி நமது உள்ளூர் தொலைக்காட்சியான முஹ்யித்தீன் டிவியிலும்,, அதன் www.muhieddeentv.com என்ற வலைதளத்திலும் - இரவு 08.00 மணி முதல் நேரலை செய்யப்படுகிறது.
அத்துடன், காயல்பட்டினம் முஅஸ்கருர் ரஹ்மான் மகளிர் அரபிக்கல்லூரி அமைந்துள்ள சொளுக்கார் தெரு சின்ன கல் தைக்கா, நெய்னார் தெரு ஃகைரிய்யா தைக்கா, புதுக்கடைத் தெரு முப்அதுன் நிஸ்வான் ஆகிய மூன்று இடங்களிலும் பெண்களுக்காக அசைபட உருப்பெருக்கி (வீடியோ ப்ரொஜெக்டர்) மூலம் இந்நிகழ்ச்சி நேரலை செய்யப்படுகிறது.
வெளியூர்கள், வெளிநாட்டில் நேரலை:
அதுபோல, இதே நிகழ்ச்சி, கீழக்கரை ஹுமைதரா மன்ஸில், சென்னை நுங்கம்பாக்கத்திலள்ள ஹிபத்துல் இஸ்லாமிய்யா இல்லம் மற்றும் இலங்கையிலுள்ள குத்பிய்யா மன்ஸிலிலும் அசைபட உருப்பெருக்கி (வீடியோ ப்ரொஜெக்டர்) மூலம் நேரலை செய்யப்படவுள்ளது.
அந்தந்த பகுதிகளிலுள்ள அன்பர்கள் இதையே அழைப்பாக ஏற்று, மேற்சொன்ன உங்கள் பகுதிகளில் நடைபெறும் இந்த புனிதமிக்க மஜ்லிஸில் கலந்து, அல்லாஹ்வின் நல்லருளையும், அண்ணலெம் கண்மணி நாயகம் ஸல்லல்லாஹு அலைஹி வஸல்லம் அவர்களின் நல்லாசியையும் பெறுமாறு அன்புடன் அழைக்கிறோம்.
இவ்வாறு, காயல்பட்டினம் முஹ்யித்தீன் மாணவர் மன்ற நிர்வாகி ஹாஜி ஜே.எம்.அப்துர்ரஹீம் காதிரீ வெளியிட்டுள்ள அறிக்கையில் தெரிவித்துள்ளார்.
தகவல்:
M.W.ஹாமித் ரிஃபாய்
இந்நிகழ்ச்சியின் நேரலையை www.kayal.tv இணையதளத்தின் முஹ்யித்தீன் தொலைக்காட்சி பக்கத்திலும் காணலாம். |
