Kayal on the Web

செய்திகள்

செய்தி எண் (ID #) 7210

#KOTW7210

ஞாயிறு, செப்டம்பர் 11, 2011

எதிர்வரும் நகர்மன்ற தேர்தல் குறித்த கத்தார் காயல் நலமன்ற அறிக்கை!

செய்தி: காயல்பட்டணம்.காம்
இந்த பக்கம் 3536 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

எதிர்வரும் காயல்பட்டின நகர்மன்ற தேர்தல் குறித்து கத்தார் காயல் நலமான்றம் அறிக்கை ஒன்று வெளியிட்டுள்ளது. அதில் தெரிவிக்கபட்டுள்ளதாவது:-

அன்புடையீர் ! அஸ்ஸலாமுஅலைக்கும்!

எமது கத்தர் காயல் நலமன்றத்தின் 42 வது செயற்குழு, தோஹா மன்சூராவில் அமைந்துள்ள காயல் நண்பர்கள் இல்லத்தில் வைத்து, செப்டம்பர் ஒன்பதாம் தேதி வெள்ளிக்கிழமை அன்று அல்லாஹ்வின் அருளால் நடந்து முடிந்தது. மன்றத்தின் துணை செயலாளர் ஜனாப் செய்யத் மீரான் அவர்கள் கிராஅத் ஓதி துவக்கிவைக்க,ஜனாப் சோனா முஹைதீன் அப்துல் காதர் அவர்கள் தலைமையேற்ற செயற்குழு கூட்டத்தில் நிறைவேற்றப்பட்ட தீர்மானங்கள்.

1) நகராட்சித் தேர்தல் வழிகாட்டும் குழுவான MEGA வின் தன்னலமற்ற பணியை,இந்த செயற்குழு பாராட்டுகிறது. நல்லதோர் நகர் மன்றம் காணும் அவர்களது முயற்சிகள் வெற்றிபெற கத்தர் காயல்நல மன்றம்,தனது தார்மீக ஆதரவை தெரிவிப்பதில் மகிழ்ச்சி அடைகிறது

2) நகரில் துணைமின் நிலையம் அமைய,மின்சார வாரியத்திற்கு நிலம் ஏற்பாடு செய்து கொடுத்த,ஐக்கியப்பேரவையை செயற்குழு நன்றியுடன் பாராட்டுகிறது

3) நகராட்சித் தேர்தலை முன்னிட்டு,அண்மையில் நடந்து முடிந்த ஐக்கியப்பேரவையின் கலந்தாலாசோனைக் கூட்டத்தின் ,ஜமாஅத் மூலமாக உறுப்பினரைத் தேர்ந்தெடுக்க வேண்டும் என்ற பேரவையின் தீர்மானம் வரலாற்றுச் சிறப்பு மிக்கதாக அமைந்திருப்பது, வரவேற்கத்தக்கதாகும்

4) ஜமாஅத மற்றும் சமூக அமைப்புகளுக்கு அங்கீகாரம் வழங்கும் தீர்மானத்தை வரவேற்கும் அதேவேளையில், 25 தனிநபர்களை தேர்ந்தெடுத்து முக்கியத்துவம் வழங்கும் தீர்மானம் ஏற்கத்தக்கதல்ல என்று எமது செயற்குழு கருதுகிறது. மாற்றாக பேரவையின் நிர்வாகிகள் ஐந்து பெறும் அவர்களுடன் MEGAவின் ஐந்து நிர்வாகிகளை இணைத்து,தேர்தல் கண்காணிப்புக்குழு ஒன்றை ஏற்படுத்தி, நகர் மன்றத் தலைவர்,நகர மக்களின் விருப்பத்திற்கேற்றவாறு தேர்வு செய்யப்பட, பேரவை வழிகாட்ட வேண்டும். அது மட்டுமல்லாமல், தேர்தல் காலத்தில் மட்டுமன்றி, எல்லாக் காலத்திலும் பேரவை துடிப்போடு செயல்பட வேண்டும் என்ற எமது விருப்பத்தையும், இந்தத் தீர்மானத்தில் எமது செயற்குழு பதிவு செய்கிறது

5) நகரின் கண்ணியம், கலாச்சாரம், பாரம்பரியம் பாதுகாக்கப்பட கத்தர் காயல் நலமன்றம் பல்வேறு திட்டங்களைத் தீட்டி செயல்படுத்தவிருக்கிறது. அதன் முதற்கட்டமாக, கடற்கரை பயனாளிகள் சங்கத்துடன் கலந்தாலோசித்து,நல்லபல திட்டங்களை விரைவில் அமுல்படுத்துவது என்று இந்த செயற்குழு தீர்மானிக்கிறது

மேற்கண்ட தீர்மானங்கள் நிறைவேற்றப்பட்டபின், துணைத் தலைவர் முஹம்மத் யூனுஸ் அவர்கள் துஆ ஓத, செயற் குழுக் கூட்டம் இனிதே நிறைவுற்றது.

தகவல்:
முஹம்மது யூனுஸ்,
துணைத்தலைவர், கத்தார் காயல் நல மன்றம்.

{TAGS} kwa qatar municipality election mega aikiya peravai beach kabua

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. நன்றி நண்பர்களே!
posted by MEGA (kayalpatnam) [11 September 2011]
IP: 92.*.*.*

United Arab Emirates | Comment Reference Number: 7951

கத்தர் காயல்நல மன்றத்தின் 42 வது செயற்குழு கூட்டத்தில் MEGA வின் தன்னலமற்ற பணியைப் பாராட்டியும்,நல்லதோர் நகர்மன்றம் அமைவதற்கான MEGA வின் முயற்சிகளுக்கு தார்மீக ஆதரவு அளிப்பதாகவும்,மகத்தானதொரு தீர்மானத்தை நிறைவேற்றி இருப்பது,எங்களுக்கும்,நகர மக்களுக்கும், நல்ல செய்தி மாத்திரமல்ல! எங்களது பணியை இன்னமும் வேகமாகத் தொடர ஆக்கமும்,ஊக்கமும் அளிப்பதாக அமைந்திருக்கிறது. அதற்காக MEGA, கத்தர் மன்றத்திற்கு,தனது நெஞ்சம் நிறைந்த நன்றியைத் தெரிவித்துக் கொள்கிறது.

மக்களுக்கான சேவையில் ஒரு முன்மாதிரியாகத் திகழும், கத்தர் நல மன்றம், தொடர்ந்து தொய்வின்றி, நகர மக்களுக்கு சிறப்பாகப் பணியாற்ற துஆ செய்து, இம்மாதம் 25 ஆம் தேதி,ஹாங்காங் பேரவையுடன் இணைந்து நீங்கள் நடத்தவிருக்கும் புற்றுநோய் பரிசோதனை முகாம், வல்ல இறைவனின் அருளால் ,வெற்றிபெற வாழ்த்தி மகிழ்கின்றோம்.

மற்றொரு தீர்மானத்தில்,ஐக்கியப்பேரவை MEGA விற்கு, ஐந்து பிரதிநிதிகளை வழங்கி, ஒருங்கிணைந்த தேர்தல் கண்காணிப்புக் குழு அமைக்க வேண்டும் என்ற தங்களது நல்லெண்ணத்தை நாங்கள் மதிக்கிறோம். அதே நேரத்தில்,MEGA எந்தவிதத்திலும் ஒரு அதிகார மையமாக மாற விரும்பாததாலும்,எங்களது பணி நகர மக்களிடையே சிறந்த விழிப்புணர்வை ஏற்படுத்துவதும், ஜமாஅத் அங்கீகாரம் பெற்றவர்கள் உறுப்பினர்கள் ஆகவும், தனிநபர் ஆதிக்கம் இல்லாமல், மக்களே தாங்கள் விரும்பும் நல்ல தலைவரை தேர்ந்தெடுக்கும் ஜனநாயக உரிமையை பாதுகாக்க பணியாற்றுவது மாத்திரமேயாகும்.

ஆதலால், எந்தவித சிறப்பு உரிமையும் எங்களுக்குத் தேவையில்லை என்பதையும் பணிவன்போடு தெரிவிக்கிறோம்.மீண்டும் ஒருமுறை தங்களது ஆதரவுக்கு நன்றி தெரிவித்து மகிழ்கிறோம்.

கவிமகன் காதர்
செய்தித் தொடர்பாளர் ------- MEGA

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:எதிர்வரும் நகர்மன்ற தேர்த...
posted by சாளை S.I.ஜியாவுதீன் (காயல்பட்டினம் ) [12 September 2011]
IP: 59.*.*.*

India | Comment Reference Number: 7976

கத்தார் காயல் நலமன்ற 42 வது செயற்குழுவிற்கு வாழ்த்துக்கள்.

தங்களின் அனைத்து தீர்மானங்களும் அருமை. வழமை போல உங்களின் ஊரின் மேல் உள்ள அக்கறைக்கும், நற்தொண்டுகளுக்கும் பாராட்டுக்கள்.

ஒரு புகைப்படமாவது பதிவு செய்து இருக்கலாமே, எங்களின் அன்பு சோனா காக்காவை பார்த்து இருப்போமே. வரும் கூட்டங்களில் அனைவர்களும் சேர்ந்து ஒரு குரூப் போட்டோ எடுத்து பதிவு செய்யுங்கள். உங்களை எல்லாம் இப்படியாவது பார்த்து மகிழ்வோமே.

சாளை S.I.ஜியாவுதீன்,காயல்பட்டினம்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:எதிர்வரும் நகர்மன்ற தேர்த...
posted by OMER ANAS (DOHA QATAR.) [12 September 2011]
IP: 78.*.*.*

Qatar | Comment Reference Number: 8006

தம்பி ஜியாவுக்கு சோனா காக்காவை எப்படியாவது பார்க்கணும் என்றால் வரும் வழியில் கத்தார் மார்க்கமாக வரலாமே! நாங்களும் உன்னை பார்த்தது போல் இருக்கும்.! கத்தார் காயல் நற்பணி மன்றத்தை பாராட்டியதற்கு நன்றி!

நம்மால் முடிந்ததை நாம் செய்கிறோம். வல்ல இறையோன் அருள் புரிய தானும் துஆ கேட்கவும்.! தம்பி கரீம்,யூனுஸ் மற்றும் பலரின் ஒற்றுமை தம்மாமைப் போல் இங்கும் தொடர்கிறது. அவர்களுக்கும் பாராட்டுக்கள்!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்