Kayal on the Web

செய்திகள்

செய்தி எண் (ID #) 7565

#KOTW7565

திங்கள், நவம்பர் 14, 2011

எல்.எஃப். வீதியிலுள்ள கூரையால் வேயப்பட்ட பெண்கள் தைக்கா தீக்கிரையானது!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4703 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

எல்.எஃப். வீதியில் கூரையால் வேயப்பட்டிருந்த பெண்கள் தைக்கா நேற்றிரவு தீக்கிரையானது. காயல்பட்டினம் எல்.எஃப். வீதி வடபகுதி உட்புறத்திலுள்ள ஜெய்லானி நகரில் உள்ளது தென்னங்கீற்றால் வேயப்பட்ட கூரை பெண்கள் தைக்கா.

ஆண்டுதோறும் ரமழான் காலங்களில் தராவீஹ் - சிறப்புத் தொழுகைகளும், வாரந்தோறும் மவ்லித் மஜ்லிஸ்களும் இந்த தைக்காவில் வழமையாக ஓதப்பட்டு வருகிறது.

நேற்றிரவு 09.15 மணிக்கு இந்த தைக்கா திடீரென தீப்பற்றி எரிந்துள்ளது. சுற்றுவட்டாரத்திலுள்ளவர்கள் உடனடியாக திருச்செந்தூர் தீயணைப்புத் துறைக்கும், டி.சி.டபிள்யு. தீயணைப்புத் துறைக்கும் தகவல் தெரிவித்துள்ளதாகத் தெரிகிறது.

சில நிமிடங்களில் அவ்விரு இடங்களிலிருந்தும் தீயணைப்பு வாகனங்கள் வந்து சேர்ந்தபோதிலும், அதற்கு முன்பாகவே பெண்கள் தைக்கா முழுமையாக தீக்கிரையானது. இதனால் அங்கிருந்த குர்ஆன் பிரதிகள், மவ்லித் நூல்கள் என அனைத்தும் எரிந்து சாம்பலாகிவிட்டன.

இத்தீவிபத்து குறித்து கேள்வியுற்ற காயல்பட்டினம் நகர்மன்றத் தலைவர் ஆபிதா, உடனடியாக அவ்விடம் விரைந்து வந்து பார்வையிட்டதோடு, விபத்து குறித்த விபரங்களைக் கேட்டறிந்தார்.

இச்சம்பவத்தால், அப்பகுதியில் பெரும் மக்கள் திரள் கூடியதையடுத்து அவ்விடம் பரபரப்புடன் காணப்பட்டது.

இந்த தீ விபத்து, தைக்காவிற்கு அருகிலுள்ள மின் கம்பத்திலிருந்து தீப்பொறி விழுந்ததால் ஏற்பட்டிருக்கலாம் என்றும், அடையாளம் தெரியாத சிலர் யாரும் அறியாவண்ணம் தீ வைத்துவிட்டு சென்றிருக்கலாம் என்றும் அவ்விடத்தில் கூடியிருந்தோர் தெரிவித்தனர்.

செய்தியில் சிறு திருத்தம் செய்யப்பட்டது. (14.11.2011 - 19:01hrs)

{TAGS} fire accident l.f.road ladies thaika

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. தீ விபத்து பற்றி தீர விசாரணை
posted by N.S.E. மஹ்மூது (காயல்பட்டணம் ) [14 November 2011]
IP: 117.*.*.*

India | Comment Reference Number: 13346

அஸ்ஸலாமு அலைக்கும் (வரஹ்).

தீ விபத்து ஏற்பட்டதில் எவருக்கும் உயிர் சேதமோ , காயமோ ஏற்படாமல் பாதுகாத்த இறைவனுக்கே எல்லாப் புகழும் அல்ஹம்துலில்லாஹ்!

தீ விபத்து நடந்த இடத்திற்கு சில நிமிடங்களிலேயே தீயணைப்பு வாகனங்கள் வந்து சேர்ந்தபோதிலும், அதற்கு முன்பாகவே தைக்கா முழுமையாக எரிந்துவிட்டது என்பது கவலைக்குரியது.

அங்கிருந்த குர்ஆன் பிரதிகள், மவ்லித் நூல்கள் என அனைத்தும் எரிந்து சாம்பலாகியது வேதனைக்குரியது - பக்கத்து வீடுகளுக்கு எதுவும் பாதிப்பு இல்லையே ?.
-----------------------------------------------
தீ விபத்து பற்றி தீர விசாரணை :

தைக்காவிற்கு அருகிலுள்ள மின் கம்பத்திலிருந்து தீப்பொறி விழுந்து இந்த தீ விபத்து ஏற்பட்டிருந்தால் அதை ஏற்று பொருந்திக்கொள்ளலாம்.

ஆனால் விஷமிகள் யாரும், தீ வைத்துவிட்டு சென்றிருந்தால் நிச்சயமாக தண்டிக்கப்பட வேண்டியவர்களே!

இரவு 9.15 மணி என்பதால் இத்தோடு முடிந்தது , அதே நேரம் எல்லோரும் உறங்கி கொண்டிருக்கும் நடு இராத்திரி என்றால் அக்கம் பக்கத்து வீடுகளின் ஜன்னல் கதவுகள் எல்லாம் தீக்கிரையாகி இருக்கும்.

அவசியம் இந்த தீ விபத்து பற்றி தீர விசாரணை மேற்கொண்டு பிற்காலத்தில் இந்த மாதிரி விபத்துகள் ஏற்படாதவாறு பாதுகாப்பது நல்லது. வஸ்ஸலாம்.