{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் தீவுத்தெருவில் இயங்கி வரும் அரூஸுல் ஜன்னஹ் மகளிர் அரபிக்கல்லூரியின் 09ஆவது பட்டமளிப்பு விழா, வரும் ஜனவரி மாதம் 13, 14, 15 தேதிகளில், காயல்பட்டினம் மஜ்லிஸுல் புகாரிஷ் ஷரீஃப் ஸபை வளாகத்தில் நடைபெறவுள்ளது.

உலகம் போற்றும் உத்தம நபியின் உதய தின விழா!
மாமறையை மனதிலேற்றிய மகளிருக்கு ‘ஹாஃபிழா‘ பட்டமளிப்பு விழா!
தீன் ஞானம் கற்றோருக்கு ‘ஆலிமா அரூஸிய்யா‘ ஸனது வழங்கும் விழா!
தஃப்ஸீருல் குர்ஆன் - அருள்மறை விளக்க குறுந்தகடு வெளியீட்டு விழா!
கல்லூரியின் 29ஆம் ஆண்டு துவக்க விழா!
ஆகிய ஐம்பெரும் விழாவாக, மேற்படி மூன்று நாட்களிலும் தினமும் காலை 09.30 மணி முதல் 12.00 மணி வரையிலும், மீண்டும் மாலை 04.30 மணி முதல் 06.30 மணி வரையிலும் நடைபெறுகிறது.

விழா நிறைவு நாளான 15.01.2012 அன்று இரவு 07.00 மணி முதல் 09.00 மணி வரை நடைபெறும் நிறைவு நிகழ்ச்சியில், மேலப்பாளையம் உஸ்மானிய்யா அரபிக்கல்லூரியின் முதல்வர் மவ்லவீ ஹாஃபிழ் எஸ்.எஸ்.ஹைதர் அலீ மிஸ்பாஹீ சிறப்பு விருந்தினராகக் கலந்துகொண்டு சிறப்புரையாற்றவுள்ளார்.

முதல் இரண்டு தின நிகழச்சிகளும் பெண்கள் நிகழ்ச்சியாகவும், இறுதி நாள் நிகழ்ச்சிகள் பொது நிகழ்ச்சியாகவும் நடைபெறவுள்ளது. இவ்வனைத்து நிகழ்ச்சிகளிலும் பொதுமக்கள் திரளாகக் கலந்துகொள்ளுமாறு அரூஸுல் ஜன்னஹ் மகளிர் அரபிக்கல்லூரி நிர்வாகிகள் கேட்டுக்கொண்டுள்ளனர்.