{ முகநூல் கருத்துக்கள்}{ட்விட்டர் கருத்துக்கள்}

பொது நல ஆர்வலரும், காயல்பட்டினம் மழ்ஹருல் ஆபிதீன் சன்மார்க்க ஸபையின் செயலாளரும், காயல்பட்டினம் நகர்மன்றத் தலைவரின் தந்தையுமான பாளையம் முஹம்மத் இப்ராஹீம், 14.02.2012 அன்று மாலை 05.00 மணியளவில் காலமானார். அவரின் மறைவுக்கு மஜ்லிசுன் நிஸ்வான் மகளிர் மன்றம் இரங்கல் தெரிவித்துள்ளது. அம்மன்றம் சார்பாக வெளியிடப்பட்டுள்ள அறிக்கை வருமாறு:

அஸ்ஸலாமு அலைக்கும். காயல்பட்டணம் மழ்ஹருல் ஆப்தீன் சன்மார்க்க சபையின் செயலாளரும், நகர்மன்ற தலைவியின் தகப்பனாருமாகிய ஜனாப் பாளையம் இப்ராஹிம் காக்கா அவர்களின் மறைவிற்கு மஜ்லிசுன் நிஸ்வான் மகளிர் மன்றத்தின் சார்பில் தெரிவிக்கும் இரங்கல்.

மர்ஹூம் ஜனாப் பாளையம் இப்ராஹிம் காக்கா அவர்கள் சிறந்த பொதுநல ஆர்வலரும் தொலைநோக்கு பார்வையும் உடையவர் ஆவார்கள். அனைத்து சமூகத்தினரிடமும் நல்லிணக்கத்துடன் பழகி மத நல்லிணக்கத்திற்கு பாடுபட்டவர்கள். அவர்களால் ஆரம்பிக்கப்பட்ட எம் மஜ்லிசுன் நிஸ்வான் மகளிர் மன்றம் வெள்ளிவிழா காண இருக்கும் இவ்வருடம் அவர்களின் மறைவு எங்களுக்கு பேரிழப்பு ஆகும். எம் மதரசாவில் பயின்ற இன்ஷா அல்லாஹ் பயிலவிருக்கின்ற ஒவ்வொரு மாணவியின் கல்வியிலும், அமலிலும் அவர்களுக்கு பங்கு உண்டு என்றால் அது மிகையல்ல. மறுமைக்காக மிகப்பெரிய சொத்தை சேர்த்து வைத்து சென்றிருக்கின்றார்கள்.

எல்லாம் வல்ல அல்லாஹ் அன்னாரின் பிழைகளை பொறுத்து மறுமையில் ஜன்னத்துல் பிர்தவ்ஸ் என்னும் அழகான சொர்க்கபதியை கொடுப்பானாக ஆமீன். அன்னாரின் பிரிவால் வாடும் குடும்பத்தினருக்கு அல்லாஹ் அழகான பொறுமையை கொடுத்தருள்வானாக ஆமீன். தந்தை வழியில் பொது சேவை ஆற்ற வந்திருக்கும் சகோதரி ஆபிதா அவர்களுக்கு தொய்வின்றி பொது பணிகள் ஆற்றிட சகல பாக்கியங்களையும் அல்லாஹ் கொடுத்தருள்வானாக ஆமீன்.

இவ்வாறு அவ்வறிக்கையில் தெரிவிக்கப்பட்டுள்ளது.

தகவல்:
மஜ்லிசுன் நிஸ்வான் மகளிர் மன்றம்,
தைக்கா தெரு, காயல்பட்டணம்.

[செய்தி திருத்தப்பட்டது @ 14:00/21.2.2012]