காயல்பட்டினம் முத்துவாப்பா தைக்கா தெருவிலமைந்துள்ள பெரிய முத்துவாப்பா தைக்காவில், மஹான் பூவாறு நூஹ் வலிய்யுல்லாஹ் அவர்களின் நினைவு தின கந்தூரி நிகழ்ச்சி 10.03.2012 அன்று (நேற்று) மாலையில் நடைபெற்றது.

மாலை 04.30 மணிக்கு, காயல்பட்டினம் குருவித்துறைப்பள்ளியின் முன்னாள் இமாம் ஹாஜி டி.எம்.கே. சுல்தான் அப்துல் காதிர் தலைமையில் கத்முல் குர்ஆன் ஓதி, மஹான் அவர்களின் பெயரில் ஈஸால் தவாப் செய்யப்பட்டது.

இரவு 07.00 மணியளவில், மஹான் அவர்களின் பெயரில், மர்ஹூம் அல்லாமா நஹ்வீ முஹம்மத் இஸ்மாஈலுல் காஹிரீ முஃப்தீ அவர்களால் கோர்வை செய்யப்பட்ட புகழ்மாலை - மர்ழிய்யா ஓதப்பட்டது.

இஷா தொழுகைக்குப் பின், குருவிததுறைப் பள்ளியின் இமாம் மவ்லவீ ஹாஃபிழ் எம்.எல்.முஹம்மத் அலீ மார்க்க சொற்பொழிவாற்றினார்.



அவரைத் தொடர்ந்து, பன்னூலாசிரியர் மவ்லவீ ஹாஃபிழ் ‘முத்துச்சுடர்‘ என்.டி.எஸ்.முஹம்மத் ஸாலிஹ் நுஸ்கீ மஹ்ழரீ, மஹான் அவர்களின் வாழ்க்கை சரித உரையாற்றினார்.

நிகழ்வுகளில் திரளான பொதுமக்கள் பங்கேற்றனர். பெண்களுக்கு தனியிட வசதி செய்யப்பட்டிருந்தது.