Kayal on the Web

செய்திகள்

செய்தி எண் (ID #) 8202

#KOTW8202

திங்கள், மார்ச் 26, 2012

தமிழக பட்ஜெட்டில் சிறுபான்மையினருக்கான சலுகைகள்!

செய்தி: காயல்பட்டணம்.காம்
இந்த பக்கம் 2880 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழக பட்ஜெட் இன்று (மார்ச் 26) காலை சட்டசபையில் தாக்கல் செய்யப்பட்டது. நிதி அமைச்சர் ஒ.பன்னீர்செல்வம் 2012 - 2013 ஆம் ஆண்டுக்கான பட்ஜெட்டினை தாக்கல் செய்தார். அதில் அறிவிக்கப்பட்டுள்ள சிறுபான்மையினருக்கான சலுகைகள் குறித்த விபரம் வருமாறு:

சிறுபான்மையின மாணவ-மாணவியர்கள் கல்வியில் உயர்வு பெறும் வகையில் அரசு பல்வேறு கல்வி உதவித் தொகை வழங்கும் திட்டங்களைச் செயல்படுத்தி வருகிறது. 2011-12ஆம் ஆண்டில் 2,68,211 சிறுபான்மையின மாணவ-மாணவியர்களுக்கு கல்வி உதவி தொகையாக 39 கோடி ரூபாய் வழங்கப்பட்டுள்ளது.

இத்திட்டத்தினைத் தொடர்ந்து செயல்படுத்த 2012-13 ஆம் ஆண்டிற்கு 55 கோடி ரூபாய் நிதி ஒதுக்கீடு செய்யப்பட்டுள்ளது. ஹஜ் குழுவின் நிர்வாகச் செலவினங்களுக்கு வழங்கப்பட்டு வந்த மானியத் தொகையை பத்து லட்ச ரூபாயிலிருந்து இருபது லட்ச ரூபாயாக இந்த அரசு உயர்த்தி ஆணையிட்டுள்ளது. 2012-13 ஆம் ஆண்டும், உயர்த்தப்பட்ட இதே அளவில், மானியத் தொகை வழங்கப்படும்.

உலமாக்களின் மாத ஓய்வூதியம் 750 ரூபாயிலிருந்து 1000 ரூபாயாக உயர்த்தப்பட்டுள்ளது. 2012-13ஆம் ஆண்டில் உலமாக்களின் நலவாரியதிற்கு உதவி தொகையாக ஒரு கோடி ரூபாய் நிதி ஒதுக்கீடு செய்யப்பட்டுள்ளது. நடப்பு ஆண்டை போன்றே 2012-13 ஆம் ஆண்டிலும் கிருத்துவர்கள் ஜெருசல நகரத்திற்கு புனிதப் பயணம் மேற்கொள்வதற்கு உதவும் வகையில் ஒரு கோடி ரூபாய் நிதி ஒதுக்கீடு செய்யப்பட்டுள்ளது.

{TAGS} tamil nadu budget minority muslim ulema haj committee jerusalem christian students scholarship

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:தமிழக பட்ஜெட்டில் சிறுபான...
posted by saburudeen (dubai) [26 March 2012]
IP: 2.*.*.*

United Arab Emirates | Comment Reference Number: 17920

சிறந்த நிர்வாக திறமையோடு செயல்படும் மாண்புமிகு தமிழக முதலமைச்சர் செல்வி ஜெ.ஜெயலலிதா அவர்களின் தலைமையிலான அரசின் பட்ஜெட்டில் அறிவிக்கப்பட்டுள்ள சிறுபான்மையினருக்கான சலுகைகள் உண்மையில் பாராட்டுக்குரியது.

எதையும் சொல் அளவில் இல்லாமல் செயலில் செய்து காட்டும் இந்த அரசின் நடவடிக்கைகள் பாராட்டுக்குரியது. மேலும் தங்களிடம் கல்வி &வேலைவாய்ப்பில் இட ஒதுக்கிடு அதிகரித்தல் போன்ற பல முக்கிய சலுகைகள் தங்களால் விரைவில் நிறைவேறும் என்ற ஆவலுடன் இந்த சமுதாயம் எதிர்பார்த்து காத்திருக்கிறது.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:தமிழக பட்ஜெட்டில் சிறுபான...
posted by Kader K.M (Dubai) [26 March 2012]
IP: 92.*.*.*

United Arab Emirates | Comment Reference Number: 17922

யானை பசிக்கு சோளப்பொறி போட்டகதை.எந்த அரசியல்வாதி வந்தாலும் சிறுபான்மையினரின் குறையை தீர்க்கப்போவதில்லை.அரசியல்வாதியிடம் கையேந்தும் என் சமுதாயமே நம்மைபடைத்த அல்லாஹ்விடம் கையேந்துங்கள்!

நமக்கென்று சட்டசபையிலும்,நாடாளுமன்றத்திலும் குரல் கொடுக்க நம்மவர்களை அனுப்புங்கள்.நம்மைபிரித்து அவர்கள் சுகம்கான்கின்றார்கள் இதை அறியாமல் நாமளும் இஸ்லாத்தின் பாதுகாவலன் என்றும்,உம்முள் முஹ்மினீன் என்றும் பட்டத்தை கொடுத்துக்கொண்டு இருக்கின்றோம்.

என் சமூகமே நம்மீது தூசி விழும்போதே துடித்து எழவில்லை என்றால் தூனே விழுந்தாலும் மரக்கட்டையாகத்தான் இருப்போம்.எனவே நமக்குள் இருக்கும் பகைமையை மறப்போம் ! அல்லாஹ்விற்காக ஒன்றுசேருவோம் !! ஆட்சியும் அதிகாரமும் அல்லாஹ்வினுடையது !! இன்ஷாஅல்லாஹ் அவன் நாடினால்......நாளைநமதே !!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:தமிழக பட்ஜெட்டில் சிறுபான...
posted by MOHAMMEDLEBBAI MS (dxb) [27 March 2012]
IP: 2.*.*.*

United Arab Emirates | Comment Reference Number: 17927

சோத்துக்கே வழி இல்லை???
தொட்டுக்க ஊறுகாய் கொடுத்த கதையா இருக்கு???

நாங்கள் ஆவலோடு எதிர்பார்த்த இடஒதுக்கீடு பற்றி எந்த ஒரு அறிவிப்பும் இல்லையே???

இரண்டு சீட்டுக்கும்,,, மூன்று சீட்டுக்கும் கட்சிகாரங்க பின்னால் அலையும் நம் சமுதாய காவலர்கள் என்ன பண்றாங்க??????

அடுத்த தேர்தலிலாவது சீட்டுக்காக அலையாமல் எல்லா அமைப்புகளும் ஒன்றிணைந்து நம் சமுதாய கோரிக்கையே மட்டும் அவர்களிடத்தில் வைத்து,,, ஏற்றுகொள்ளும் கட்ச்சிக்கு நம்முடைய முழு ஆதரவு கொடுக்க முன்வருவார்களா???

UP யே பார்த்தாவது படிப்பினை பெற வேண்டாமா??? சதாரனமான பாமரர்களாகிய நாங்கள் சிந்திக்க கூடியதை அரசியல்வாதிகளான நீங்கள் சிந்திக்க மாட்டீர்களா??????

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்