{ முகநூல் கருத்துக்கள்}{ட்விட்டர் கருத்துக்கள்}

இந்திய ஹஜ் குழு மூலம் இவ்வாண்டு சுமார் 125,000 பேர் ஹஜ் பயணம் மேற்கொள்ள உள்ளனர். தனியார் ஹஜ் நிறுவனங்கள் மூலம் சுமார் 45,000 பேர் ஹஜ் பயணம் மேற்கொள்ள உள்ளனர். இந்திய ஹஜ் குழு மூலம் பயணம் மேற்கொள்ள உள்ளவர்கள் குலுக்கல் முறையில் தேர்வு செய்யப்பட்டனர். தமிழக பயணியர் தேர்வு - மே 15 அன்று நடைபெற்றது. அதன் இறுதியில் காத்திருப்போர் பட்டியல் தயாரிக்கப்பட்டு, வெளியிடப்பட்டது.

தமிழக காத்திருப்போர் பட்டியலில் 1 முதல் 542 வரையிலான எண்ணத்தில் இருந்த விண்ணப்பதாரர்கள் - பல காரணங்களுக்காக காலியான இடங்கள் கொண்டு - இடம் வழங்கப்பட்டுள்ளனர். தற்போது - தமிழகத்திற்கு புதிதாக 356 இடங்கள் ஒதுக்கப்பட்டுள்ளது. அதன் மூலம் - தமிழக காத்திருப்போர் பட்டியலில் 543 முதல் 898 வரையிலான எண்ணத்தில் இருக்கும் விண்ணப்பதாரர்களுக்கு - ஹஜ் பயணம் மேற்கொள்ள இடம் கிடைக்கும். தற்போது தேர்வாகியுள்ள விண்ணப்பதாரர்கள் - ஆகஸ்ட் 25 க்குள் முழு பயண கட்டணத்தை செலுத்தவேண்டும்.

தமிழக காத்திருப்போர் பட்டியலில் 899 முதல் 943 வரையிலான எண்ணத்தில் இருக்கும் விண்ணப்பதாரர்கள் - 45 பேரின் பாஸ்போர்ட் மற்றும் இதர ஆவணங்களையும் - தமிழக ஹஜ் குழு - விண்ணப்பதாரர்களிடம் இருந்து பெற்றிட அறிவுறுத்தப்பட்டுள்ளார்கள். இவர்கள் இறுதி நேரத்தில் தேர்வு செய்யப்பட்டால் - அவ்வேளையில் மீதி கட்டணத்தை செலுத்த கேட்டுகொள்ளப்படுவார்கள் எனவும் அறிவிக்கப்பட்டுள்ளது.

தமிழக காத்திருப்போர் பட்டியலை காண இங்கு அழுத்தவும்

[செய்தி திருத்தப்பட்டது @ 11:30pm / 10.8.2012]