Kayal on the Web

செய்திகள்

செய்தி எண் (ID #) 8886

#KOTW8886

திங்கள், ஆகஸ்ட் 13, 2012

ரமழான் 1433: இ.யூ.முஸ்லிம் லீக் சார்பில் ஏழைகளுக்கு நோன்பு கால இலவச அரிசி வினியோகம்! 1350 பேர் பெற்றனர்!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2860 முறை பார்க்கப்பட்டுள்ளது | வாசகர் கருத்துக்கள் காண (7) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

இந்திய யூனியன் முஸ்லிம் லீக் - காயல்பட்டினம் நகர கிளை சார்பில் வினியோகிக்கப்பட்ட - ஏழைகளுக்கான நோன்பு கால இலவச அரிசியை, 1350 ஏழைகள் பெற்றுச் சென்றனர். விபரம் பின்வருமாறு:-

இந்திய யூனியன் முஸ்லிம் லீக் காயல்பட்டினம் நகர கிளை சார்பில், ஆண்டுதோறும் ரமழான் மாதத்தின் ஒரு நாளில், ஏழைகளுக்கான ரமழான் கால இலவச அரிசி வழங்கப்படுவது வழமை. அந்த அடிப்படையில், நடப்பாண்டு ரமழான் மாத இலவச அரிசி வினியோகம், 12.08.2012 அன்று (நேற்று) மாலை 05.00 மணியளவில், காயல்பட்டினம் சதுக்கைத் தெருவிலுள்ள - கட்சியின் அலுவலகமான தியாகி பி.எச்.எம்.முஹம்மத் அப்துல் காதர் மன்ஸிலில் நடைபெற்றது.

நகர முஸ்லிம் லீக் தலைவர் ஹாஜி வாவு கே.எஸ்.முஹம்மத் நாஸர் தலைமையில் நடைபெற்ற இந்நிகழ்ச்சியில், கட்சியின் தூத்துக்குடி மாவட்ட தலைவர் பி.மீராசா சிறப்பழைப்பாளராகக் கலந்துகொண்டு, ஏழைகளுக்கான நோன்பு கால இலவச அரிசி வினியோகத்தைத் துவக்கி வைத்தார்.

கட்சியின் தூத்துக்குடி மாவட்ட செயலாளர் எஸ்.ஜே.மஹ்மூதுல் ஹஸன், நகர செயலாளர் ஏ.எல்.எஸ்.அபூ ஸாலிஹ், பொருளாளர் ஹாஜி எம்.ஏ.முஹம்மத் ஹஸன், மாவட்ட துணைத்தலைவர் மன்னர் பாதுல் அஸ்ஹப், மாவட்ட இளைஞரணி அமைப்பாளர் ஏ.கே.மஹ்மூத் சுலைமான் மற்றும் எஸ்.எஸ்.இ.காழி அலாவுத்தீன் ஆலிம், நகர பிரமுகர்களான ஹாஜி எஸ்.எல்.ஷெய்கு அப்துல் காதிர் என்ற சின்ன லெப்பை, ஹாஜி எஸ்.எம்.ஸதக்கத்துல்லாஹ் என்ற ஹாஜி காக்கா, பெத்தப்பா சுல்தான், ஹாஜி பி.எம்.எஸ்.அமானுல்லாஹ், கே.எம்.என்.மஹ்மூத் லெப்பை, ஹாஜி என்.டி.அஹ்மத் ஸலாஹுத்தீன், ஹாஜி எஸ்.டி.கமால், ஆசிரியர் மு.அப்துல் ரசாக், அரபி ஷாஹுல் ஹமீத், ஹாஜி எம்.கே.முஹம்மத் அலீ என்ற ஹாஜி காக்கா, எம்.இசட்.சித்தீக், பிரபு எம்.எஃப்.செய்யித் அஹ்மத், காயல்பட்டினம் நகர்மன்றத்தின் முஸ்லிம் லீக் முன்னாள் உறுப்பினர் எம்.கே.எஸ்.கிதுறு ஃபாத்திமா ஆகியோர் ஏழைகளுக்கு இலவச அரிசியை வழங்கினர்.

இந்நிகழ்ச்சியில், ஒரு நபருக்கு 1.5 கிலோ அரிசி என்ற கணக்கில் இலவச அரிசி வினியோகிக்கப்பட்டது. காயல்பட்டினத்தைச் சேர்ந்த 1350 ஏழைகள் அரிசியைப் பெற்றுச் சென்றனர்.

வினியோக ஏற்பாடுகளை, நகர நிர்வாகிகள் ஒருங்கிணைப்பில் - முஸ்லிம் லீக் தூத்துக்குடி மாவட்ட அமைப்பாளர் எம்.ஏ.சி.சுஹைல் இப்றாஹீம் மற்றும் மாணவரணியினரான ஏ.ஆர்.ஷேக் முஹம்மத், எஸ்.எஸ்.ஜெய்னுல் ஆப்தீன், ஜெ.எம்.நூஹுத்தம்பி உள்ளிட்ட குழுவினர் செய்திருந்தனர்.

படங்களில் உதவி:
M.ஜஹாங்கீர்
மற்றும்
ஹாஃபிழ் M.M.முஜாஹித் அலீ

[செய்தி திருத்தப்பட்டது @ 3:00 pm / 12.8.2012]

{TAGS} mlg muslim league iuml iuml kpm free rice distribution ramadhan 1433

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. திருத்தம் தேவை
posted by shahulhameed sak (malaysia) [13 August 2012]
IP: 49.*.*.*

Malaysia | Comment Reference Number: 21225

13350 , 1350 என்று உள்ளது எது சரி

Administrator: செய்தி திருத்தப்பட்டது. 1350 என்பதே சரி. நன்றி.