{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் தைக்கா தெருவிலமைந்துள்ள ஸாஹிப் அப்பா தைக்காவில், அஷ்ஷெய்க் உமர் வலீ நாயகம் அவர்களின் பிரதான குருவான மஹான் புகாரீ தங்கள் அவர்களின் நினைவு நாள் கந்தூரி நிகழ்ச்சி 20.08.2012 அன்று நடைபெற்றது.

அன்று அஸ்ர் தொழுகைக்குப் பின் மாலை 05.00 மணிக்கு மஹான் அவர்களின் புகழ்பாடும் மவ்லித் மஜ்லிஸ் நடைபெற்றது. மஃரிப் தொழுகைக்குப் பின் இரவு 07.00 மணிக்கு, அஷ்ஷெய்க் எம்.இசட்.ஜலீல் முஹ்யித்தீன் காதிரீ தலைமையில் ராத்திப் மஜ்லிஸ் நடைபெற்றது.

அதனைத் தொடர்ந்து, காயல்பட்டினம் அல்ஜாமிஉல் கபீர் - பெரிய குத்பா பள்ளியின் கத்தீபும், முஅஸ்கர் மகளிர் அரபிக்கல்லூரிகளின் நிறுவனருமான மவ்லவீ ஹாஃபிழ் எச்.ஏ.அஹ்மத் அப்துல் காதிர் மஹ்ழரீ, மஹான் அவர்களின் வாழ்க்கை வரலாற்று சொற்பொழிவை நிகழ்த்தினார்.

துஆ - ஸலவாத்துடன் நிகழ்ச்சிகள் நிறைவுற்றன. இந்நிகழ்ச்சியில் நகரின் பல பகுதிகளைச் சேர்ந்த பொதுமக்கள் திரளாகக் கலந்துகொண்டனர். அனைவருக்கும் நேர்ச்சை வினியோகிக்கப்பட்டது.