Kayal on the Web

செய்திகள்

செய்தி எண் (ID #) 9246

#KOTW9246

சனி, செப்டம்பர் 29, 2012

காயல்பட்டினம் நகராட்சியை சீர் செய்க அல்லது கலைத்திடுக! நகராட்சி நிர்வாக ஆணையருக்கு ம.சே.கரங்கள் கோரிக்கை!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 2797 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியின் நிர்வாக சீர்கேட்டை சரிசெய்யுமாறும், அதற்கு வாய்ப்பில்லையெனில் நகராட்சியைக் கலைக்குமாறும் காயல்பட்டினம் மக்கள் சேவாக் கரங்கள் அமைப்பின் சார்பில், சென்னையிலுள்ள நகராட்சிகள் நிர்வாக ஆணையருக்கு கோரிக்கை வைக்கப்பட்டுள்ளது.

இதுகுறித்து, அவ்வமைப்பின் நிறுவனர் பா.மு.ஜலாலி நகராட்சிகள் நிர்வாக ஆணையரகத்தில் நேரடியாக அனுப்பியுள்ள கடிதத்தில் தெரிவிக்கப்பட்டுள்ளதாவது:-

தூத்துக்குடி மாவட்டம் காயல்பட்டினம் இரண்டாம் நிலை நகராட்சியின் நிர்வாக சீர்கேடு குறித்து பலமுறை தூத்துக்குடி மாவட்ட ஆட்சியர் மற்றும் திருநெல்வேலியிலுள்ள நகராட்சி நிர்வாக மண்டல அலுவலர் ஆகியோருக்கு மனுக்கள் அளித்தோம். உரிய விசாரணை மேற்கொள்ளப்படாமல், நகராட்சி நிர்வாக மண்டல அலுவலர் (ஆர்.டி.எம்.ஏ,) அவர்கள் எமது கோரிக்கைகளை நிறைவேற்றவில்லை.

இத்துடன் சி.டி. ஆதாரம் இணைக்கப்பட்டுள்ளது. கடந்த 3 மாதங்களாக நகர்மன்றக் கூடட்ங்கள் வெளிநடப்புடன் முடிந்துள்ளன. நகராட்சி தலைவி (பெண்) மற்றும் உறுப்பினர்களுக்கிடையே கருத்து ஒற்றுமைகள் கிடையாது. எனவே, நகர்மன்ற மாதாந்திர சாதாரண கூட்டங்கள் நடக்கவில்லை.

மொத்தம் 19 உறுப்பினர்கள் (தலைவி உட்பட) ஒற்றுமையின்மை காரணமாகவும், மாதாந்திர கூட்டங்கள் நடைபெறாததாலும், காயல்பட்டினம் நகர பொதுமக்களின் (ஏறத்தாழ 55,000 பொதுமக்கள்) பிரச்சினைகள் தீர்க்கப்படாமல் உள்ளன. குடிநீர் பிரச்சினை, நிர்வாகத்தில் ஊழியர் பற்றாக்குறைகள், மனுக்கள் தொலைந்து போவது - இப்படிப்பட்ட குறைகளினால் பொதுமக்கள் அவதிப்படுகின்றனர். குடிநீர் பற்றாக்குறை இருந்தபோதிலும் 10 நாட்களுக்கு ஒருமுறையே காயல்பட்டினம் (தூத்துக்குடி மாவட்டம்) நகருக்கு குடிநீர் வினியோகிக்கப்படுகிறது.

சி.டி.யில் பதிவு செய்யப்பட்ட (www.kayalpatnam.com இணையதளத்தில் உள்ளது) உறுபு்பினர்களின் ஆடியோ ஆதாரம் இணைக்கப்பட்டுள்ளது.

எனவே, தாங்கள் நேரடியாக விசாரணை செய்து, நிர்வாகத்தை சீர்தூக்கி, சிறப்பாக்கித் தருமாறு வேண்டுகிறேன். தலைவி - உறுப்பினர்களின் ஒத்துழைப்பின்மை ஆகும் பட்சத்தில், நகர்மன்றத்தைக் கலைத்து, மறு தேர்தல் நடத்த உத்தரவிட வேண்டுகிறோம்.

இவ்வாறு, சென்னையிலுள்ள நகராட்சிகள் நிர்வாக ஆணையரகத்திற்கு காயல்பட்டினம் மக்கள் சேவாக் கரங்கள் அமைப்பின் நிறுவனர் பா.மு.ஜலாலி அளித்துள்ள கடிதத்தில் தெரிவித்துள்ளார்.

{TAGS} cma office c.m.a. pa.mu.jalali p.m.jalali msk makkal seva karangal

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by M.S.ABDULAZEEZ (Guangzhou) [29 September 2012]
IP: 14.*.*.*

China | Comment Reference Number: 22510

காயல்பட்டினம் நகராட்சி நிர்வாக ஆணையர் அவர்கள் தயவு செய்து எம் காயல் மக்களின் நலனுக்கு பயன் உள்ள முடிவை விரைவில் எடுக்கவும். (காயல் நகராட்சி யின் கூத்து என்ற மெகா தொடர் முற்றும்.)

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:...
posted by K.D.N.MOHAMED LEBBAI (AL-KHOBAR) [29 September 2012]
IP: 37.*.*.*

Saudi Arabia | Comment Reference Number: 22522

அஸ்ஸலாமு அலைக்கும்

என் அருமை நண்பர்.பாலப்பா.ஜலாலி அவர்களின் இந்த கோரிக்கையில் நியாயம் உண்டு.இந்த நகர் மன்றத்தால் நம் ஊர் ( 50,௦௦௦ மக்கள் இருக்கலாம் ) பொது மக்கள் தான்.முழுக்க ....முழுக்க ....பாதிக்க படுகிறார்கள். இவர்களின் குடும்ப சண்டையால்....மக்கள் ஆகிய நாங்கள் தான் நம்முடைய சொந்த சின்ன ....சின்ன ..... வேலைகள் கூட நடக்காமல் பாதிக்க படுகிறோம்.

தமிழ் நாட்டிலேயே ரொம்பவும் மோசமான நகர் மன்றம் என்று.தமிழக முதல்வர் அவர்கள் தேர்வு செய்து அவார்டு கொடுத்தால்...அந்த அவார்டு கண்டிப்பாக நம் ஊர் நகர் மன்றத்துக்கு தான் கிடைக்கும்.

கணம் நம் மாவட்ட அதிகாரி அவர்கள் இந்த மனு மீதான நடவடிக்கையில் ஈடு பட்டால் .....நம் ஊர் மக்களுக்கு நல்லதோர் விடிவு பிறக்கும்.

இந்த நகர் மன்ற வீடியோவை பார்த்ததில் ஓன்று நன்றாக தெரிகிறது.....அதாவது ....இந்த அம்மையார் ( தலைவி ) அவர்கள் நம் ஊர் ஒரு சில அமைப்புகளை / ஜமாத்துகளை எல்லாம் எதிர்த்து மாபெரும் ( நாம் யாருமே எதிர் பார்க்காத ) வெற்றி கண்டார்கள்.ஆதலால் மற்ற உறுப்பினார்களுக்கு அந்த அம்மையாரை சுத்தமாகவே பிடிக்க வில்லையோ அல்லது அந்த மகத்தான வெற்றியின் ஒரு பகுதியான .....ஒரு'' இகோ '' தான்.நம் ஊர் நகர் மன்றத்தை சிறப்பாக நடத்த விடாமல் தடுக்கிறதோ என்னவோ தெரியவில்லை .......அல்லாஹ் போதுமானவன் ......

வஸ்ஸலாம்

K.D.N.MOHAMED LEBBAI
AL-KHOBAR
SAUDI ARABIA

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. கடமை! கன்னியம்.... தட்டுப்பாடு (?)
posted by M.N.L.முஹம்மது ரபீக், (புனித மக்கா.) [30 September 2012]
IP: 90.*.*.*

Saudi Arabia | Comment Reference Number: 22527

கடுகு சிறுத்தாலும் காரம் குறையாது. ஆமா! இவர் கடிதம் போட்டு என்னதை சாதிக்கப் போறாருன்னு? குறைவாக எடை போட்டு விட முடியாது. முசீபத்துகளை மொத்தா இழுத்துட்டு வந்துவிடும். ஏற்கனவே ஒரு பஸ்ஸுக்கு லாடம் கட்டியவர் தானே? தன் முயற்சியால் பல காரியங்களை மௌனமா சாதிச்சு சில மௌனப் புரட்சியே பண்ணியிருக்காங்க நம்ம பாலப்பா-ஜலாலி காக்கா.(எனக்கு ஒரு முறைலெ மச்சான் அவர்). பார்ப்போம்! என்னதான் நடக்கிறது என்று?

ஓர் வேண்டுகோள்...!

இப்படியே ஆளாளுக்கு நாங்க மாறி,மாறி கருத்துச் சொல்லி ஆகப் போறது ஒன்றுமில்லை! ஊர் மக்கள் நலன் கருதி உறுப்பினர்கள் மற்றும் தலைவி உட்காந்து பேசி ஓர் நல்ல முடிவை எடுக்க வேண்டும். யாருடைய சூழ்ச்சிக்கும் இடம் தராமல் தங்களைத் தேர்ந்தெடுத்த மக்களுக்கு சிறிதேனும் நன்மை செய்யாத வரை அல்லாஹ் உங்களை மன்னிக்க மாட்டான். மகத்தான பொறுப்பை மக்கள் உங்களிடம் எந்த நம்பிக்கையில் ஒப்படைத்துள்ளனரோ? அதன் அவசியத்தை உணர்ந்து அம் மக்களுக்கு சென்றடையும் பயன்களை பெற்றுத் தர நீங்கள் பாடுபட வேண்டும். இதில் உறுப்பினர்களானாலும் சரி! தலைவியானாலும் சரி! கடமை உங்கள் அனைவர் மீதும் கடமையே!

-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்