IP: 31.*.*.* Saudi Arabia

மகிழ்ச்சி .

பாரம்பரியமும் காப்பாற்றப்பட வேண்டும் . பெருகி வரும் குற்றங்களையும் தடுத்திட வேண்டும் . எப்படி ? ஆறுமுகநேரி காவல் நிலையத்தில் நமதூர் வழக்குகள்தான் ஏகப்பட்டது உள்ளதாம் . ( பிறர் சொல்லி அறிந்ததுதான் ) அதில் பெரும்பாலானவை முடுக்கு சண்டை . போக்குவரத்து வழக்கு மற்றும் போதைப்பொருள் வழக்குகளும் உள்ளதாம் .

முடுக்கு சம்பந்தப்பட்ட சண்டைகள் , முன்பு ஜமாத்துகள் மூலமும் , பஞ்சாயத்து தலைவர்கள் வாயிலாகவும் தீர்க்கப்பட்டது . தற்போது பெரும்பாலான ஜமாத்துகளில் உறுப்பினர்களிடையே ஒருமித்த கருத்து இல்லை , இணை கோஷ்டி , வினை கோஷ்டி என்று ஏகப்பட்டது உள்ளது . அதன் பிரதிபலன்தான் காவல்நிலையம் , நீதிமன்றம் என்று அலைந்து இந்த ஊருக்கு காவல் நிலையம் வேண்டும் என்பவர்களது எண்ணங்களை நியாப்படுத்திக்கொண்டிருக்கிறோம் .

போக்குவரத்து வழக்குகளை பொறுத்தவரை ஒருவழிப்பாதையை உதாசீனப்படுத்துகிறோம் என்பது உண்மையே . மேலும் இது சம்பந்தப்பட்ட வழக்குகளில் பெற்றோர்களே முக்கிய காரணம் . லைசென்ஸ் இல்லாத பையனுக்கு எதுக்கு வண்டி வாங்கி கொடுக்க வேண்டும் ? அவன் யார் யாரோடு பழகுகிறான் , ஒரு பைக்கில் எத்தனை பேர் செல்கிறார்கள் என்பதை கண்காணிக்க தவறியதும் குற்றங்களாக மாறி , காவல்துறை வழக்காக மாறியதும் பெற்றோர்கள் செய்த தவறே !

போதைப்பொருள் , மது நமதூரில் இருக்கத்தான் செய்கிறது . இதை ஒழிக்க காவல்துறை உதவி தேவைதான் என்றாலும் காவல் நிலையம் இல்லாமலேயே இவைகள் கட்டுப்படுத்தக்கூடியதுதான் .

காவல் நிலையம் என்று வந்துவிட்டால் அதற்கான நடைமுறைகள் பின்பற்றப்படும்தான் . சிறிய வழக்காக இருந்தாலும் , நாம் காவல் நிலையம் செல்ல வேண்டும் . நம் சொந்த பந்தங்கள் , பெண்கள் காவல் நிலையத்தில் ஆதி உதைபடும் காட்சியை நேரில் பார்க்க நேரிடும் . தேவையா நமக்கு ?

சாதாரண முடுக்கு சண்டைகளை ஜமாத்துகள் மூலம் தீர்ப்போம் , பிள்ளைகளுக்கு பைக் வாங்கி கொடுப்பதோடு நில்லாமல் , அவனை நம் கண்காணிப்பில் வைப்போம் . போதைப்பொருள் பயன்பாட்டை தடுப்போம் , ஒருவழி பாதையை உதாசீனப்படுத்தாமல் இருப்போம் .

காவல் நிலையம் தேவை இல்லை , காவல் கண்காணிப்பு மட்டுமே போதும் .

நமதூர் பாரம்பரியத்தை எப்போது விட்டுக்கொடுக்காமல் பாதுகாப்போம் .

IP: 27.*.*.* India

இனி தமிழ் மெல்ல சாகும் என்று ஒரு கவிஞன் பாடினான். தமிழர்கள் தமிழ் மொழியை உதாசீனம் செய்து வாழ்ந்து வருகிறார்கள் என்பதாலேயே அவன் அப்படி பாடினான்.

காயல்பட்டினத்துக்கு இருந்த நல்ல பெயர் பற்றி ஆசிரியர் தெளிவாக சொல்லி இருக்கிறார். அதே நேரம் காயல்பட்டினம் எல்லையில் நடந்து வரும் குற்றச்செயல்கள் பற்றியும் விலாவாரியாக குறிப்பிட்டுள்ளார். அவர் சொல்லி உள்ள செய்திகளை உற்று நோக்கினால் காயல்பட்டினம் இப்படி சீர்கெட்டு இருப்பதை யாரும் கனத்த உள்ளத்தோடுதான் பார்ப்பார்கள்.

காவல் துறை மக்களின் நண்பன் என்ற கதை எல்லாம் வெறும் பித்தலாட்டம். 1992 அல்லது 1993 இல் நடைபெற்ற மீன் கடை போராட்டத்தில் காவல் துறை எப்படி நடந்து கொண்டது என்பது என்போன்ற செவி புலன் இழந்தவர்களுக்கு நன்கு புரியும். இப்போதும் கூட சில தினங்களுக்கு முன் நடந்த ஸ்கூட்டர் உதைத்து ஒரு பெண் உயிரிழந்த மிருகத்தனமான தாக்குதல் காவல் துறையின்மனித நேயத்தை நன்கு படம்பிடித்து காட்டுகிறது.

காவல் துறை குற்றங்களை கண்காணிக்க நவீன வசதிகள் நிறையவே உள்ள இந்த கால கட்டத்தில் நமதூரில் ஒரு மினி காவல் நிலையம் அமைத்திருப்பது நம்மை பாதுகாக்கவா அல்லது நம்மை பலிகிடாவாக்கவா என்பதை பொறுத்திருந்துதான் பார்க்க வேண்டும்.

கடலிலும் தரையிலும் உங்களுக்கு ஏற்படும் சங்கடங்கள் எல்லாம் உங்கள் கைகள் தேடிக் கொண்டவையே என்று ஒரு திருமறை வசனம் கூறுகிறது.

நமதூர் மக்கள் அல்லது நமதூரில் குடியேறி விட்ட சமூக விரோதிகள் செய்து வரும் சட்டத்துக்கு புறம்பான செயகைகளை கட்டுப் படுத்த இந்த காவல் நிலையம் பயன்படுமா என்ற சந்தேகம் பொதுமக்கள் உள்ளங்களில் பீதியை ஏற்படுத்தி உள்ளது என்பதை மறுக்க முடியாது. ஆனால் முஸ்லீம் மக்களுக்கு எதிரான ஒரு ஆட்சி மத்தியில் கோலோச்சிக் கொண்டிருப்பதாலும் அந்த ஆட்சிக்கு தமிழக அரசு சாமரம் வீசிக் கொண்டிருப்பதாலும் முஸ்லிம்களின் பாதுகாப்பை உறுதி செய்ய இந்த காவல் நிலையம் முயற்சிகள் மேற்கொள்ளுமா என்ற சந்தேகமும் உள்ளது.

எனவே, மக்கள் விழிப்புணர்வு கூட்டம் ஒன்றை முன்னெடுத்து நடத்தி எல்லா ஜமாத்தார்களும் கையெழுத்திட்டு அரசுக்கு நமது ஆட்சேபத்தை தெரிவிக்க வேண்டியுள்ளது. முஸ்லீம் ஐக்கிய பேரவையும் மற்றும் பெரியவர்களும் ஊர் நலனில் அக்கறையுள்ள நடப்பதென்ன குழுமமும் காயல்நகர்மன்ற குழுமமும் ஒன்று சேர்ந்து ஒரே குரலில் இந்த மினி காவல் நிலையத்தை இங்கிருந்து வாபஸ் செய்ய ஆவண செய்ய வேண்டும் என்பது காலத்தின் கட்டாயம்.

இந்த நிலை தொடர்ந்தால் நமதூருக்கு எதிரான எல்லா திணிப்புக்களும் நம்மை அறியாமல் வந்து சேரும் என்பதை பணிவுடன் இங்கு பதிவு செய்கிறேன்.

அல்லாஹ் எல்லா சதிகளை விட்டும் நம்மையும் நம் ஊரின் கௌரவத்தையும் பாது காப்பானாக ஆமீன்.