{ முகநூல் கருத்துக்கள்}{ட்விட்டர் கருத்துக்கள்}

வாக்காளர் அடையாள அட்டையில் வீட்டு முகவரி மாறியிருந்தால் அதை மாற்றிப் பெறுவது தொடர்பான வழிகாட்டுத் தகவல்களை உள்ளடக்கி “நடப்பது என்ன?” குழுமம் சார்பில் அறிக்கை வெளியிடப்பட்டுள்ளது.

இதுகுறித்த செய்தியறிக்கை:-

ஜனவரி 1, 2019 தேதியில் 18 வயது பூர்த்தியடைவோர் என்ற அடிப்படையில் இந்திய தேர்தல் ஆணையம், புதிய வாக்காளர் பட்டியலை - செப்டம்பர் 1 அன்று வெளியிட்டுள்ளது.

31.12.2000 அல்லது அதற்கு முன்பு பிறந்தவர்கள், வாக்காளர்கள் பட்டியலில் புதிதாக தங்களை சேர்த்திடவும் அல்லது ஒரு தொகுதியில் இருந்து வேறு தொகுதிக்கு மாறிய காரணத்தால் வாக்காளர் பட்டியலில் புதிதாக தங்களை சேர்த்திடவும் - படிவம் 6 (FORM 6) பயன்படுத்தப்படவேண்டும்.

http://kayal.org/downloads/form6.pdf

வெளிநாடுகளில் வாழும் இந்தியர்கள் - வாக்காளர் பட்டியலில் அவர்கள் பெயரை சேர்க்க, படிவம் 6 A பயன்படுத்தவேண்டும்.

http://kayal.org/downloads/form6a.pdf

படிவம் 7 மூலம் - வாக்காளர் பட்டியலில் ஒருவரின் பெயர், தவறுதலாக இணைக்கப்பட்டிருந்தால் அவரின் பெயரை, தகுந்த காரணங்களை தெரிவித்து, நீக்க விண்ணப்பம் செய்யலாம்.

விண்ணப்பம் செய்பவர் தன் சொந்த பெயரை நீக்கவும் கோரிக்கை வைக்கலாம்; தவறுதலாக ஒருவரின் பெயர் சேர்க்கப்பட்டிருந்தால், அந்த பெயரை இணைக்கவும் ஆட்சேபனை செய்யலாம்; மேலும் இறந்தவர் பெயர் போன்ற காரணங்களுக்காகவும் பெயரை நீக்க விண்ணப்பம் செய்யலாம்.

http://kayal.org/downloads/form7.pdf

வாக்காளர் விபரத்தில் கீழ்காணும் விஷயங்கள் மாற்றப்படவேண்டும் என்றால் படிவம் 8 பயன்படுத்தவேண்டும்.

|| பெயர்
|| புகைப்படம்
|| முகவரி
|| பிறந்த தேதி
|| வயது
|| உறவினரின் பெயர்
|| உறவினரின் வகை
|| பாலினம்
|| அடையாள அட்டை

http://kayal.org/downloads/form8.pdf

ஒரே சட்டமன்றத் தொகுதியில் ஒரு வசிப்பிடத்திலிருந்து மற்றொரு வசிப்பிடத்திற்கு இடம் மாறிய நேர்வில் - படிவம் 8A பயன்படுத்தி, புதிய வாக்காளர் அட்டை பெறலாம்.

http://kayal.org/downloads/form8A.pdf

விண்ணப்பத்தை சமர்ப்பித்தப்பின் தவறாமல், ஒப்புதல் ரசீதை பெற்றுக்கொள்ளவும். சமர்ப்பிக்கப்பட்ட விண்ணப்பத்தின் நிலையை அறிந்திட, ஒப்புதல் ரசீது அவசியம் ஆகும்.

இவண்,
நிர்வாகிகள்,
நடப்பது என்ன? சமூக ஊடகக் குழுமம்.
[மக்கள் உரிமை நிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்]

[பதிவு: செப்டம்பர் 6, 2018; 3:30 pm]
[#NEPR/2018090603]

இவ்வாறு அந்த அறிக்கையில் தெரிவிக்கப்பட்டுள்ளது.