{ முகநூல் கருத்துக்கள்}{ட்விட்டர் கருத்துக்கள்}

தூத்துக்குடி துறைமுகத்தை வ.உ.சிதம்பரனார் துறைமுக பொறுப்புக்கழகம் என பெயர் சூட்டும் விழா இன்று (பிப்ரவரி 19) தூத்துக்குடி எஸ்.ஏ.வி. பள்ளி மைதானத்தில் நடக்கிறது.

விழாவில், வ.உ.சிதம்பரனாரின் வழித்தோன்றல்கள், தியாகிகள் கெளரவிக்கப் படுகின்றனர். நாளை மாலை 3 மணி முதல் 5 மணி வரை விடுதலைப் போராட்டத்தில் வ.உ.சி.யின் பங்களிப்பு நாட்டுப்புற கலைகள் மூலம் விளக்கி கூறப்படும். கலைநிகழ்ச்சிகளில் சென்னை கலாகேந்திரா, பவளம் கலைக்குழுவினர், வ.உ.சி. கல்லூரி மாணவ, மாணவியர்கள் பங்கேற்கின்றனர்.

விழாவில், அமைச்சர் கீதாஜீவன், ஜெயதுரை எம்பி முன்னிலை வகிக்கின்றனர். மத்திய அமைச்சர் வாசன் துறைமுகத்திற்கு வஉசி பெயர் சூட்டி சிறப்புரை ஆற்றுகிறார். இதில் மத்திய கப்பல்துறை செயலாளர் மோகன்தாஸ், துறைமுக பொறுப்புக்கழக தலைவர் சுப்பையா மற்றும் துறைமுக சபை உறுப்பினர்கள், அதிகாரிகள் கலந்து கொள்கின்றனர்.

முன்னதாக, மத்திய அமைச்சர் ஜி.கே.வாசன் கல்லூரி மாணவர்களின் கலை நிகழ்ச்சிகளை பார்வையிடுகிறார். பின்னர், வ.உ.சியின் வரலாறு, தூத்துக்குடி துறைமுகத்தின் வளர்ச்சி குறித்து அமைக்க்பபட்டுள்ள மியூசியத்தை திறந்து வைக்கிறார்.