Kayal on the Web

செய்திகள்

செய்தி எண் (ID #) 5692

#KOTW5692

திங்கள், பிப்ரவரி 21, 2011

சுனாமி தொகுப்பு வீடுகள் கட்ட இடைக்கால தடை! தூத்துக்குடி நீதிமன்றம் உத்தரவு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 4337 முறை பார்க்கப்பட்டுள்ளது | வாசகர் கருத்துக்கள் காண (9) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கற்புடையார் பள்ளி வட்டத்தில் தமிழக அரசின் கடலோரபகுதிகளில் ஆபத்தான இடங்களில் உள்ள வீடுகளை மாற்று இடத்தில் கட்டும் திட்டத்தின் கீழ் [Vulnerability Reduction of Coastal Communities (VRCC)], கட்டப்பட்டு வரும் 169 குடியிருப்புகள் பெரும் சர்ச்சையை ஏற்படுத்தியுள்ளது.

இத்திட்டத்திற்கான நிலம் தவறான வழியில் ஆர்ஜிதம் செய்யப்பட்டதாகவும், கட்டுமானப் பணிக்கான ஒப்புதல் நகராட்சியிடம் இருந்து பெறப்படவில்லை என்றும் கூறப்படுகிறது.

இதுகுறித்து சமீபத்தில் தூத்துக்குடி நீதிமன்றத்தில் மாவட்ட ஆட்சியர் உட்பட பல அரசு துறைகள் மீது வழக்கு தொடரப்பட்டது. இவ்வழக்கு 31.01.2011 அன்று விசாரணைக்கு வந்தது. அதில், இத்திட்டம் குறித்து பல ஆவணங்கள் சமர்பிக்கவேண்டி உள்ளதாகக் கூறி வழக்கின் விசாரணையை ஒத்தி வைக்குமாறு அரசு தரப்பு கேட்டுக்கொண்டதற்கிணங்க, வழக்கை பிப்ரவரி 21 வரை நீதிபதி ஒத்தி வைத்தார். அதே வேளையில் கட்டுமானப்பணிகளுக்கு அப்போது தடை விதிக்க நீதிபதி மறுத்ததாகவும் கூறப்படுகிறது.

இந்நிலையில், இவ்வழக்கு குறித்து தூத்துக்குடி நீதிமன்றத்தில் இன்று காலையில் விசாரணை நடைபெற்றுள்ளதாகவும், அப்போது மேற்படி கட்டிடப்பணிகளுக்கு இடைக்காலத் தடை விதித்து நீதிபதி உத்தரவிட்டுள்ளதாகவும் தெரிகிறது. இவ்வழக்கு குறித்த மேலதிக விபரங்கள் எதிர்பார்க்கப்படுகிறது.

{TAGS} tsunami housing project karupudayar vattam singithurai collector municipality aikiya peravai stay order

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. இனியொரு விதி செய்வோம்!
posted by kavimagan (dubai) [21 February 2011]
IP: 86.*.*.*

United Arab Emirates | Comment Reference Number: 2760

தொடரும் துரோகங்களால் நம்பகத்தன்மையை தொலைத்துவிட்ட அரசியல்வாதிகள், தவறான பல தீர்ப்புகளால் நியாயங்களை நிராகரித்த நீதிமன்றங்கள், அநியாயத்திற்கு துணைபோகும் அரசுகள். இவற்றை எல்லாம் எதிர்கொண்டு நீதியை நிலைநாட்ட வேண்டுமெனில் நாம் நம்மை மட்டுமே நம்ப வேண்டும்.

இது தேர்தல் காலம். நாம் ஒன்றிணைந்து இறை நம்பிக்கையோடு போராடினால் நீதி நிச்சயம் வெற்றிபெறும்.

ஓட்டுபொறுக்கும் ஊழல் அரசியல்வாதிக்கு இருக்கும் தைரியம் கூட நமக்கு இல்லாமல் போனது ஏன்? தலைவனும், தலைவியும் வாழ்ந்தது போதும். இனி நாமும் நமது தலைமுறையும் வாழவேண்டும் எனில் ஒன்றிணைந்து இந்த ஓட்டுப் பொறுக்கிகளுக்கு பாடம் கற்பிக்க வேண்டும்.

அதை செய்யும் ஆற்றல் ஐக்கியப் பேரவைக்கு இருப்பதாக நான் நம்பவில்லை.

இளைஞர்களே ஒன்றுகூடுங்கள்.ஒரு முடிவெடுங்கள்.உங்களை ஆதரிப்பது கடல் கடந்து வாழும் எங்களின் கடமை.