{ முகநூல் கருத்துக்கள்}{ட்விட்டர் கருத்துக்கள்}

அஸ்ஸலாமு அலைக்கும்.

எல்லாம் வல்ல இறைவனின் சாந்தியும் சமாதானமும் என்றென்றும் நம்; அனைவர்களின் மீதும் உண்டாவதாக.

இதன் மூலம் பஹ்ரைன் வாழ் காயலர்களின் உற்றார் உறவினர்களுக்கு தெரிவிப்பது யாதெனில், கடந்த சில நாட்களாக பஹ்ரைன் நாட்டில் ஆளும் அரசிற்கும் ஒரு பிரிவினருக்கும் இடையில்; பிரச்சினை நடந்து கொண்டிருக்கும் செய்திகளை பத்திரிக்கைகள் மற்றும் ஊடகங்கள் வாயிலாக தாங்கள் யாவரும் நன்கு அறிந்திருப்பீர்கள். இந்நாட்டில் நமதூர்வாசிகள் சுமார் 40 பேர் வசித்து வருகிறோம். இதில் நாங்கள் அறிந்துகொண்ட வகையில்; இங்குள்ளவர்களின் குடும்பத்தார்கள் மிகவும் கவலையும் கலக்கமும் கொண்டுள்ளதாகவும் மிகுந்த மன உளைச்சலில் உள்ளதாகவும் அறிகின்றோம்.

நாங்கள் இங்குள்ள நம் ஊர் மக்கள் ஒவ்வொருவரையும் தொடர்பு கொண்டு நிலைமைகளை அறிந்து வருகின்றோம். அதற்கான தேவையான முன்னேற்பாடுகளை மேற்கொண்டும் வருகின்றோம். ஆண்டவன் உதவியால் நம் ஊர் மக்கள் யாவரும் நலமுடன் இருக்கிறோம். மேலும் நமதூர் மக்கள் வசிக்கும் பகுதிகளில் கலகத்தின் பாதிப்பு ஏதுமில்லை என்பதனை இதன் மூலமாக அறியத் தருகிறோம். தற்போது நடந்து வரும் இந்நாட்டு பிரச்சினை சுமூகமாக தீர்ந்து இந்நாட்டில் மீண்டும் அமைதி திரும்புவதற்கு எல்லாம் வல்ல இறைவனிடம் துஆ செய்யுமாறு தாங்கள் அனைவரையும் இதன் மூலம் கேட்டுக் கொள்கிறோம்.

மேலும் இங்குள்ள நம் நாட்டு தூதரகம் அவசர உதவிக்கான தொலைபேசி எண்களை கொடுத்துள்ளது. 00973-39828767. மேலும் பொதுவான பாதுகாப்பிற்கான அறிவுரைகளையும் வழங்கியுள்ளது.;

இப்படிக்கு

பஹ்ரைன் காயல் நல மன்றம்
தலைவர் : ஜனாப் : மஹ்மூது நெய்னா 00973-39874009.
உப தலைவர்: ஜனாப் : இஸ்மாயில் 00973-39233200.
செயலாளர் : ஜனாப் : செய்யது மொய்தீன் 00973-39035862.
பொருளாளர்: ஜனாப் : ஜாஹிர் உசேன் 00973-33129247.

தற்போதைய நிலவரம்: பேச்சு வார்த்தைக்கு அழைக்கப்பட்டு சுமூகமான தீர்வுக்கு முயற்சிகள் நடைபெற்றுக் கொண்டு இருக்கிறது. 20-02-2011 இரவு 09:30.
வஸ்ஸலாம்.

தகவல்:
ஜனாப். கத்தீப் முஹம்மத் அபுபக்கர்
நளீர் அஹமத்