{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில், 13.03.2011 அன்று நல்லொழுக்க (தர்பிய்யா) பயிற்சி முகாம் நடத்த தமுமுக நகர கிளை சார்பில் தீர்மானிக்கப்பட்டுள்ளது.

தமிழ்நாடு முஸ்லிம் முன்னேற்றக் கழகத்தின் காயல்பட்டினம் நகர கிளை ஆலோசனைக் கூட்டம், 22.02.2011 செவ்வாய்க்கிழமை பின்னிரவு 08.00 மணிக்கு, காயல்பட்டினம் காயிதேமில்லத் நகரிலுள்ள அன்னை கதீஜா மத்ரஸா வளாகத்தில், கிளை நிர்வாகி வாவு புகாரீ தலைமையில் நடைபெற்றது.



த.மு.மு.க. சார்பு நகர அமைப்புகளின் அங்கத்தினருக்கும், சமுதாய அக்கறை கொண்டோருக்கும் பயனளிக்கும் வகையில் நல்லொழுக்கப் பயிற்சி முகாமை (தர்பிய்யா முகாம்) வரும் மார்ச் மாதம் 13ஆம் தேதியன்று அன்னை கதீஜா மத்ரஸா வளாகத்தில் நடத்துவதென்றும், இம்முகாமில் தமிழ்நாடு முஸ்லிம் முன்னேற்றக் கழகம், மனிதநேய மக்கள் கட்சியின் நிர்வாகிகள் அவசியம் கலந்துகொள்ள வேண்டும் எனவும், சமுதாய அக்கறை கொண்டோரையும் இம்முகாமில் பங்கேற்கச் செய்வதெனவும் தீர்மானிக்கப்பட்டது.

தகவல்:
த.மு.மு.க. காயல்பட்டினம் நகர கிளை சார்பாக,
அப்துல் காதர்,
காயல்பட்டினம்.