|
 காயல்பட்டினம் வாவு வஜீஹா வனிதையர் கல்லூரியின் விளையாட்டு மற்றும் கல்லூரி நாள் விழா, இம்மாதம் 12, 13 தேதிகளில் கல்லூரி கலையரங்கில் நடைபெற்றது.
விளையாட்டு விழா:
விளையாட்டு விழாவிற்கு கல்லூரியின் நிறுவனர் தலைவரும், காயல்பட்டினம் நகர்மன்றத் தலைவருமான ஹாஜி வாவு செய்யித் அப்துர்ரஹ்மான் தலைமை தாங்கினார். கல்லூரியின் துணைச் செயலர் ஹாஜி வாவு எஸ்.ஏ.ஆர்.அஹ்மத் இஸ்ஹாக், ஹாஜி வாவு எஸ்.ஏ.ஆர்.அபுல்ஹஸன், நிர்வாக அதிகாரி முனைவர் கம்சா முகைதீன், ஹாஜி வாவு அப்துல் கஃப்ஃபார் ஆகியோர் முன்னிலை வகித்தனர்.
கல்லூரியின் முதல்வர் முனைவர் மெர்ஸி ஹென்றி அனைவரையும் வரவேற்றுப் பேசினார். உடற்கல்வியியல் இயக்குனர் ஸ்வீட்டி ஜெயா மேரி ஆண்டறிக்கை வாசித்தார்.
நாகர்கோயில் கிறிஸ்துவ மகளிர் கல்லூரியின் பொருளியல் துறை பேராசிரியர் செல்வி தேவதாஸ் இவ்விழாவில் சிறப்பு விருந்தினராகக் கலந்துகொண்டு வாழ்த்துரை வழங்கினார்.
கல்லூரி செயலர் ஹாஜி வாவு எம்.எம்.மொஹுதஸீம் நன்றி கூற, நாட்டுப்பண்ணுடன் விழா நிறைவுற்றது.
முன்னதாக, சிறப்பு விருந்தினருக்கு கல்லூரி மாணவியர் அணிவகுப்பு மரியாதை செலுத்தினர்.
கல்லூரி நாள் விழா:
மறுநாள், கல்லூரி நாள் ஐந்தாம் ஆண்டு விழா கல்லூரி வளாகத்தில், கல்லூரியின் நிறுவனர் தலைவரும், காயல்பட்டினம் நகர்மன்றத தலைவருமான ஹாஜி வாவு செய்யித் அப்துர்ரஹ்மான் தலைமையில் நடைபெற்றது.
கல்லூரியின் விரிவுரையாளர் ரஹ்மத் ஆமினா பேகம் அனைவரையும் வரவேற்றுப் பேசினார். கல்லூரி முதல்வர் முனைவர் மெர்ஸி ஹென்றி ஆண்டறிக்கை வாசித்தார். கல்லூரியின் நிர்வாக அதிகாரி முனைவர் கம்சா முகைதீன் சிறப்பு விருந்தினரை அறிமுகப்படுத்திப் பேசினார்.
இவ்விழாவில், மனோன்மனீயம் சுந்தரனார் பல்கலைக் கழகத்தின் தேர்வுத்துறை கட்டுப்பாட்டாளர் முனைவர் மேஜர் கே.எஸ்.பி.துரைராஜ் சிறப்பு விருந்தினராகக் கலந்துகொண்டு வாழ்த்துரை வழங்கியதோடு, பல்கலைக்கழக அளவில் தரவரிசை பெற்ற மாணவியருக்கும், கல்லூரியின் அனைத்து வகுப்புகளிலும் தவறாமல் வருகைப் பதிவு செய்துகொண்ட ஆறு மாணவியருக்கும் பரிசுகளை வழங்கினார்.
பின்னர், கல்லூரியின் துணைச் செயலாளர் ஹாஜி வாவு எஸ்.ஏ.ஆர்.அஹ்மத் இஸ்ஹாக் சிறப்பு விருந்தினருக்கு நினைவுப் பரிசு வழங்கினார். கல்லூரியின் செயலர் ஹாஜி வாவு எம்.எம்.மொஹுதஸீம் நன்றி கூற, நாட்டுப்பண்ணுடன் விழா நிறைவுற்றது.
படங்கள்:
வீனஸ் ஸ்டூடியோ,
எல்.கே.லெப்பைத்தம்பி சாலை, காயல்பட்டினம்.
|
India
