{ முகநூல் கருத்துக்கள்}{ட்விட்டர் கருத்துக்கள்}

சஊதி அரபிய்யா - அல்ஃகபர் சதர்ன் கார்னிச் பகுதியில், 10.03.2011 அன்று, சஊதி அராம்கோ நிறுவனத்தால் 16ஆம் ஆண்டாக நீள் ஓட்டப் போட்டி - மராத்தான் நடத்தப்பட்டது.





இப்போட்டியில், தம்மாம் காயல் நற்பணி மன்ற உறுப்பினர்களும், காயல்பட்டினம் ஐக்கிய விளையாட்டு சங்க வீரர்களுமான எஸ்.எஸ்.எச்.அப்துல் அஜீஸ், கே.எம்.ஸாஹிப் நவாஸ், பி.ஏ.முத்துவாப்பா, எம்.என்.ஆஷிக் ஆகியோர் கலந்துகொண்டனர்.

பத்தாயிரத்திற்கும் மேற்பட்டோர் கலந்துகொண்ட இப்போட்டியில், 5 கிலோமீட்டர் கொண்ட பந்தயத் தொலைவை இப்போட்டியில் பங்கேற்ற காயலர்கள் அனைவரும் குறித்த நேரத்தில் சென்றடைந்து, சஊதி அராம்கோ நிறுவனத்தால் வழங்கப்பட்ட பதக்கத்தைப் பெற்றனர்.





மேலும், இப்போட்டியில் பங்கேற்ற காயலர் அப்துல் அஜீஸ், அவரது பான் கல்ஃப் நிறுவனத்திலிருந்து கலந்துகொண்டவர்களில் ஒன்பதாவதாக வந்து 1000 சஊதி ரியால் பரிசுத் தொகையைப் பெற்றுள்ளது குறிப்பிடத்தக்கது.

நீள் ஓட்டப் போட்டியில் பங்கேற்ற இக்காயலர்களை தம்மாம் காயல் நற்பணி மன்றத் தலைவர் டாக்டர் முஹம்மத் இத்ரீஸ், செயற்குழு உறுப்பினர் சாளை ஜியாவுத்தீன் மற்றும் பலர் பாராட்டினர்.

தகவல்:
S.B.B.புகாரீ மூலமாக,
M.M.முஹம்மத் ஹஸன்,
தம்மாம், சஊதி அரபிய்யா.