Kayal on the Web

செய்திகள்

செய்தி எண் (ID #) 6789

#KOTW6789

திங்கள், ஜுலை 25, 2011

அரவிந்த் கண் மருத்துவமனை, ஐக்கியப் பேரவை, காயல் இரத்த தானக் கழகம் இணைந்து நடத்திய கண் சிகிச்சை இலவச முகாம்! 13 பேர் அறுவை சிகிச்சைக்கு தேர்வு!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3348 முறை பார்க்கப்பட்டுள்ளது | வாசகர் கருத்துக்கள் காண (4) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

நெல்லை அரவிந்த் கண் மருத்துவமனை, காயல்பட்டினம் முஸ்லிம் ஐக்கியப் பேரவை, காயல் இரத்த தானக் கழகம் ஆகியன இணைந்து, கண் சிகிச்சை இலவச முகாமை 24.07.2011 அன்று (நேற்று) காலை 09.00 மணி முதல் மதியம் 01.00 மணி வரை, காயல்பட்டினம் கே.எம்.டி. மருத்துவமனை வளாகத்தில் நடத்தின.

முகாம் துவக்க நிகழ்ச்சிக்கு காயல்பட்டினம் முஸ்லிம் ஐக்கியப் பேரவை தலைவர் ஹாஜி எம்.எம்.உவைஸ் தலைமை தாங்கினார். அதன் செயற்குழு உறுப்பினர்களான ஹாஜி எஸ்.டி.வெள்ளைத்தம்பி, ஹாஜி எஸ்.ஏ.முஹம்மத் அலீ, ஒருங்கிணைப்பாளர் ஹாஜி சொளுக்கு எஸ்.எஸ்.எம்.முஹம்மத் இஸ்மாஈல் என்ற முத்து ஹாஜி, காயல் இரத்த தான கழகத்தின் நிறுவன தலைவர் ஹாஜி எல்.எஸ்.அன்வர், அதன் அமைப்பாளர் ஹாஜி ஓ.எஸ்.ஃபாரூக், துணைச் செயலாளர் கே.முஹ்ஸின், ஆகியோர் முன்னிலை வகித்தனர்.

துவக்கமாக, ஹாஜி என்.டி.அஹ்மத் ஸலாஹுத்தீன் கிராஅத் ஓதினார். ஐக்கியப் பேரவை துணைப் பொருளாளர் ஹாஜி செய்யித் முஹம்மத் அலீ அனைவரையும் வரவேற்றுப் பேசினார். அதனைத் தொடர்ந்து, காயல்பட்டினம் அரசு மருத்துவமனையின் மருத்துவ அலுவலர் டாக்டர் பாவனாசகுமார் முகாமைத் துவக்கி வைத்து உரையாற்றினார். கே.எம்.டி. மருத்துவமனையின் குழந்தைகள் நல மருத்துவ நிபுணர் டாக்டர் எம்.எஸ்.எஸ்.இஸ்மாஈல் வாழ்த்துரை வழங்கினார்.

இம்முகாமில், நெல்லை அரவிந்த் கண் மருத்துவமனையின் மருத்துவ குழுவினர் கண் மருத்துவ பரிசோதனை செய்தனர். சுமார் 260 பயனாளிகள் இம்முகாமில் கலந்துகொண்டனர். அவர்களுள் 13 பேர் கண் இலவச அறுவை சிகிச்சைக்காக தேர்வு செய்யப்பட்டனர்.

முகாம் ஏற்பாடுகளை, அதன் அமைப்பாளர்களான ஹாஜி எம்.ஏ.எஸ்.ஜரூக், ஹாஜி எம்.என்.முஹ்யித்தீன் தம்பி என்ற பிரபுத்தம்பி, ஹாஜி எம்.எம்.அஹ்மத் ஹுஸைன், ஐக்கியப் பேரவை செயற்குழு உறுப்பினர் ஹாஜி எல்.எம்.இ.கைலானீர், “காக்கும் கரங்கள்” நற்பணி மன்றத்தின் தலைவர் எம்.ஏ.கே.ஜெய்னுல் ஆபிதீன், எம்.எச்.எம்.ஸதக்கத்துல்லாஹ் மற்றும் முகாமை நடத்தும் அமைப்புகளின் நிர்வாகிகள் செய்திருந்தனர்.

{TAGS} free eye camp aravind eye hospital aikiyap peravai aikkiyap peravai kmuf kayal blood donors association kmt hospital k.m.t. hospital

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:அரவிந்த் கண் மருத்துவமனை,...
posted by சட்னி .எஸ்.எ.கே.செய்யது மீரான் (காயல்பட்டினம் ) [25 July 2011]
IP: 117.*.*.*

India | Comment Reference Number: 6370

அஸ்ஸலாமுஅழைக்கும்.

இலவச முகாம் என்பது வசதியால் குறைந்தவர்களுக்கா அல்லது வசதியான நபர்களுக்கா என்று இதனை காணும் ஒவ்வொரு காயல்வாசியும் சந்தேகபடுவான். போட்டோக்கள் பதிஉ செய்யும் பொழுது மிக கவனமாக இருக்கணும்.

கண் சிகிச்சை இலவச முகாம் நமக்கு மிக அவசியமானதுதான் இந்த முகாம் பற்றி நமதூர் மக்களுக்கு இன்னும் கொஞ்சம் விளம்பரத்தோடு அறிய வைத்து இருந்தால் கணினியும், இன்டர்நெட் வசதியும் இல்லாத - நெல்லைக்கு போய் வர காசு இல்லாத எத்தனையோ ஏழை மக்கள் பயன் பெற்றுஇருக்கலாம்.

இவர்களுக்கு அருகில் நடக்கும் இது போன்ற இலவச முகாம் பற்றிய விழிப்புனர்உ இல்லாமல் வெளிநாடுகளில் உள்ள காயல் நல மன்றங்களுக்கு மனு அனுப்பிக்கொண்டு இருக்கிறார்கள். அவர்களும் தங்கள் காயல் சொந்தக்களுக்கு ரத்தமும், வியர்வையும் சிந்தி உழைக்கின்றதில் ஒரு பங்கு அனுப்பிக்கொண்டு இருக்கிறார்கள். வாழ்க அனைத்துலக காயல் நல மன்றங்களின் நற்சேவைகள்.

இந்த கண் சிகிச்சை இலவச முகாம் நடத்திய, பங்குகொண்ட அணைத்து நல்உள்ளங்களுக்கும் நல் வாழ்த்துக்கள். அல்லாஹ் நம் அனைவருக்கும் கண்ணிலும், கல்பிலும் நல்ல ஒளிமயமான வெளிச்சம் தந்து நல் வாழ்வு வாழ நல் அருள்புரிவானாக ஆமீன்.

அன்பான வேண்டுகோளுடன் வாழ்த்தும்
சட்னி .எஸ்.எ.கே.செய்யது மீரான் .காயல்பட்டினம்

Moderator: Comment edited!

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. Re:அரவிந்த் கண் மருத்துவமனை,...
posted by சாளை நவாஸ் (sg) [25 July 2011]
IP: 116.*.*.*

Singapore | Comment Reference Number: 6384

மீரான் காக்கா, இலவச முகாம் நடத்துவதற்கு பதில், ஒரு ஐம்பது இலவச கூப்பன் தருவார்களா? முற்றிலும் இலவசம் என்றில்லாமல், 20 சதவிதமோ அல்லது 30 சதவிதமோ பணம் கட்டி அறுவை சிகிச்சையோ அல்லது கண் சம்பந்தப்பட்ட வேறு சிகிச்சையோ செய்து கொள்ளலாமே!!! காயல் நல மன்றத்திற்கு வரும் உதவி கடிதங்களில் கண் சம்பந்தபட்டதும் வருகிறது. பரிசீலனைக்கு பின் கொஞ்சம் பணம் [இக்ரா அல்லது ஐக்கிய பேரவை மூலமாக] மற்றும் கூப்பனும் கொண்டு ஆஸ்பத்திரியில் கொடுத்து சிகிச்சை செய்ய அரவிந்த் மருத்துவமனையில் முயற்சி செய்ய முடியுமா?

இந்த முயற்சி வெற்றிகரமாக அமைந்தால் மற்ற உடற்கூறு சிகிச்சைக்கும் சம்பந்தபட்ட மருத்துவமனையை நாம் நாடலாம். இதன் மூலம் முழுக்க முழுக்க ஏழைகளே பயனை அனுபவிப்பர்.

எல்லோரின் மேலான கருத்துக்கள் வரவேற்கபடுகின்றது

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:அரவிந்த் கண் மருத்துவமனை,...
posted by hm ahmed(sellavppa) (dubai satwa) [25 July 2011]
IP: 86.*.*.*

United Arab Emirates | Comment Reference Number: 6406

ஆக சுப்பெர் வியாபாரம் எங்கே விட்டில இருந்து yen மகள் யிங்க மாமி என் மச்சி என் மறு மகள் எல்லோரும் பொய் irrundarkl என்ன அச்சி கண்ணை பரிசோதனை பண்ணி என்ன சொண்ணாக உங்க கண்ணனுக்கு உள்ளே குலோச்டோல் இருக்கு ஆகையால் என் மகள் 6 வயது புல்லையும் என் மாமியும் திருநெல்வேலி வர சொல்லுகிறார்கள் என் தென்று புரியல இலவச கண் சிகிசை என்று சொல்லி பணம் கறக்கவா ????????

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

4. Re:அரவிந்த் கண் மருத்துவமனை,...
posted by hylee (india) [27 July 2011]
IP: 117.*.*.*

India | Comment Reference Number: 6434

மீரான் காக்கா உங்க எண்ணம் புரியுது. ஏழ்மையை வெளியில் காட்டாத எத்தனையோ பேர் இருகாங்க, இந்த மாதிரி ஆட்களை தேடி போய்தான் உதவி செய்யணும்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்